Je 51:27 - Sơ̆p Hlabơar Nơ̆r 'Bok Kei-Dei

²⁷ Hơtol bĕ hla-kơ tơ lăm lu teh đak; hlôm bĕ tơgiĕp tơ jơ̆p kơ dêh char; Hơmet dêh char năm blah sư, Krao pơtơm bĕ lu dêh char Ararat, Mini păng Askenas năm blah sư. Pôk pơjing bĕ yŏng linh! Chông ba bĕ aseh mă lơ năm blah thoi lep tung-nut jơ̆p kơ teh.

Je 51:27 ပူးပေါင်းရင်းမြစ်များ

Bl 10:3

Kon drŏ-nglo Gômer anăn Askenas, Riphat păng Tôgah. Noh boih kon sâu Japhet kiơ̆ adrĕch adrung, kiơ̆ kơ nơ̆r pơma, dêh char păng pơlei pơla sư.

Bl 8:4

Truh tơ khei tơpơh năr mơjĭt-tơpơh, duk dơ̆ng tơ kơpal kông Ararat.a

II Pot 19:37

Kơplah sư oei kơkuh kơ yang lăm hnam yang Nisrôk, yang sư, na bre kon sư Adrammelek păng Sarêser pơlôch lê̆ sư hăm đao gưm; đơ̆ng noh lu sư kơdâu ôn lăm dêh char Ararat, na Êsarhađôn; kon drŏ-nglo sư tŏk pơm pơtao pơgơ̆r pơtrơp sư.

I Ho 1:6

Kon drŏ-nglo Gômer: Askenas, Diphat păng Tôgarma.

Êsai 18:3

Ơ đĭ-đăng kon pơlei pơla lăm teh đak oei kơpal teh kơplah đe pơdơ̆ng hla-kơ kơpal kông iĕm gô lăng 'bôh mưh đe hlôm tơgiĕp iĕm gô kơtơ̆ng.

Êsai 37:38

Minh năr noh sư oei kơkuh lăm hnam yang sư Nisrŏk, na kon drŏ-nglo sư Adrammelek păng Sarêsar iŏk đao 'bet pơlôch sư, đang kơ noh bre sư kơdâu ôn tơ dêh Ararat, kon drŏ-nglo sư Êsarhađôn pơgơ̆r tơplih sư.

Je 25:14

‘Mă lu sư kư̆m gô pơm đĭch kơ lu dêh char pran kơtang lu pơtao tih mơng Inh gô pơm tơwih kơ lu sư thoi lu sư đei pơm păng kiơ̆ kơ tơdrong jang đơ̆ng ti lu sư pơm.”

Je 46:23

Lu linh ayăt gô năm kăl 'long bri sư,” Kră Yang khan: “Mă khan bri kơdrơ̆ng să. Lu sư lơ thoi lep 'ba, ưh pă kĕ jô̆.

Je 50:2

“Roi pơdah bĕ kơ đĭ-đăng dêh char, tơbăt bĕ, hơtŏk hla-kơ păng tơbăt bĕ, 'nĕ kơ ôn ôh tơdrong 'noh, tơbăt bĕ: ‘Đe gô iŏk Babilôn, đe pơm kơ yang Bel mơlâu, yang Mêrôđak 'bĕnh kơ hli tơrơ. Đĭ lu rup yang mơlâu, lu rup yang hli tơrơ.

Je 50:3

Đei dêh char đơ̆ng yă-nơ̆m blah sư, Pơm kơ dêh char noh jing juơ tơtŭng. Tơ noh pă đei bơngai oei, Mă kon bơngai păng lu kon sem brem kơdâu jăk đĭ.”

Je 50:9

'Nâu, Inh gô tơiung lơ dêh char pơgơ̆p băl đơ̆ng gah yă-nơ̆m, lu sư gô mơ̆t blah dêh char Babilôn, Lu sư dă linh wă blah iŏk; 'brơ̆m lu sư prah thoi 'brơ̆m lu linh tơblah hơgei, ưh kơ đei brŏk hoh.”

Je 51:12

Hơtŏk hla-kơ iung blah dur pơlei tih Babilôn. Ăn thim bĕ linh gak tơ rim anih gak Ăn bĕ kơ lu linh răp! Kră Yang pơkă boih wă pơm, Sư gô pơm tơdrong kiơ Sư khan boih kơ koh char Babilôn.

Je 51:14

Kră Yang Tih Hloh yua anăn Sư kơdih na pơkă pơkăm: “Inh gô ăn sĭt lu linh 'bĕnh-'bang kơ dêh char thoi lep tung-nut, Lu sư ôr tơkĕch jreo jei boih tơ jơ̆p-jang anih.

Je 51:28

Hơmet krao bĕ lu dêh char năm blah sư, Lu pơtao dêh char Mêđi hăm lu yŏng pơgơ̆r, lu kuan tih păng đĭ-đăng lu dêh char mă lu sư pơgơ̆r!

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Jôel 3:9

Ră roi bĕ tơdrong âu jơ̆p kơ teh đak đe. Hơmet bĕ tơdrong tơblah, pơdrŭt jơhngơ̆m lu linh pran kơtang iung blah. Ăn kơ đĭ-đăng lu linh gơh tơblah năm tơ anăp bĕ, ăn kơ lu sư blah!

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Sa 14:2

Thoi noh Inh gô akŭm đĭ-đăng dêh char gô tơblah hăm Jêrusalem păng pơlei tih đe gô iŏk, hnam akŭm đe gô tơgar iŏk, đe gô rôp pơgŏ, lăm minh puăt kon pơlei đe rôp pơm bơnă, mă-lei kon pơlei mă oei đei noh đe huay kơ pơrăm đơ̆ng lăm pơlei tih.

Lu 6:5

Yua kơ bơngai hăm sem dơrong lu sư truh pơm anih lơ tơpă thoi lep tung-nut. Ưh pă kĕ jô̆ kon bơngai hăm lu aseh lăk-đa lơ dêh tơpă truh tơ dêh noh lu sư wă blah pơrăm đĭ.