Je 50:31 - Sơ̆p Hlabơar Nơ̆r 'Bok Kei-Dei

³¹ Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Je 50:31 ပူးပေါင်းရင်းမြစ်များ

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Je 21:13

Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Je 48:29

Lu nhôn kơtơ̆ng boih char Môap pơang dêh, pơrŏ dêh pơm khuơ̆ 'mơng, pơang pơrŏ, pôk kơdih akâu,”

Je 49:16

Ih pơm kơ đe hli tơrơ, tơdrong kơnê̆ ih, tơdrong ih pơang blơ̆ ih boih; ơ bơngai mă oei lăm hơgơp tơmo. Oei kơpal wĕch kông; mă khan ih pơm tơpu kơjung thoi sem klang.” Inh gô tơhuŏng ih đơ̆ng noh, Noh Kră Yang khan.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Je 50:32

Dêh char pơang gô kơtơih păng pơ̆k, Ưh kơ đei bơngai bu tơiung sư, Inh gô iŏk ŭnh soh lu pơlei sư, Ŭnh gô sa đĭ-đăng tơmam tăp dăr kơ sư.”

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Êsêkiên 29:3

Pơma khan kơ sư: Kră Yang khan thoi âu: “Ơ Pharaôn, pơtao Êyiptơ, âu Inh blah ih, ih jing sem brem tih kơnê̆ oei 'bĭch lăm đak glung. Ih khan: “Đak krong Nil noh gah Inh, đêl Inh kôch pơm sư.

Êsêkiên 38:3

Khan bĕ: Kră Yang đei khan thoi âu: Ơ Gôk pơtao Rôs, Mêsêk păng Tuban, âu Inh blah ih.

Êsêkiên 39:1

Ơ kon bơngai, khan lê̆ adrol blah Gôk, khan bĕ kơ sư: “Kră Yang khan thoi âu: Ơ Gôk pơtao đe Rôs, Mêsêk păng Tubal, Inh blah ih.

Êsêkiên 5:8

Na, Kră Yang Tih Hloh khan: “Âu, Inh kơdih akâu Inh blah ih păng Inh gô phak ih 'bơ̆t anăp lu dêh char.

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Na 3:5

Kră Yang Tih Hloh khan: 'Nâu, dang ei Inh wă blah ih; Inh gô plôh lê̆ ao tai ih, gô tơ'bôh pơdah ih akâu hoh ăn kơ kon pơlei pơla lăng păng roi dôm tơdrong mơlâu ih kơ rim teh đak.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

I Pet 5:5

Lu đe adruh tơdăm oei hơmuh hơmŏng, iĕm kư̆m lei-lăi athei chu yom kơ lu đe kră; păng đĭ-đăng kơ iĕm hăm lu đe kră athei iŏk jơhngơ̆m đon dim wă kơ chu yom dih băl; yua kơ 'Bok Kei-Dei ưh kơ wă ôh kơ lu bơngai pơang akâu, Sư tơgŭm lu bơngai dim, lu bơngai băt kơ chu yom kơ đe.

Tơdrông Tơ'bôh 18:8

Yua kơ sư khan thoi noh na lăm minh năr hloi dôm tơdrong pơmat truh hloi kơ sư, tơdrong lôch, tơdrong nhơ̆m hmoi, tơdrong pơngot rơwĕt, tơdrong truh ŭnh sa pơlei pơla sư. 'Bok Kei-Dei Yang tih tên grên gô phak thoi noh tơpă.”