Je 50:27 - Sơ̆p Hlabơar Nơ̆r 'Bok Kei-Dei

²⁷ 'Bet pơlôch bĕ đĭ-đăng rơmo tơno sư; ba tơ anih đe pơm 'nhĕm! Răm-'băm tơpă kơ lu sư, truh boih năr mă phak lu sư.

Je 50:27 ပူးပေါင်းရင်းမြစ်များ

Jop 18:20

Lu bơngai đơ̆ng char gah bơmơ̆t mah chrêu kơ đon tơdrong truh kơ sư lu bơngai đơ̆ng gah hơlĕch mah hli tơrơ.

Horiso 22:12

Đei lơ rơmo bri tơno tăp dăr kơ inh, Lu rơmo tơno pran kơtang đơ̆ng Basan wang tăp kơ inh.

Horiso 37:13

Kră Yang gô hiĕk kơ lu sư, Yua kơ 'bôh khei 'năr wă phak lu sư wă jê̆ boih.b

Êsai 21:12

Bơngai gak tơl khan: “Pơgê truh bơih kơmăng kư̆m truh mơ̆n. Mưh ih wă jet; jet bĕ, kơnh wơ̆t tơ âu dơ̆ng hŏ.”

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Êsai 34:7

Lu kon pơlei thoi rơmo bri tơno gô wang pơ̆k hơdai lu sư; đĭ lu rơmo bri dăm păng lu rơmo tơno pran kơtang. Teh đak lu sư 'bĕnh kơ pham. 'Mui teh hơiuh rơbơ̆r yua kơ rơmă.

Je 12:3

Mă-lei, ơ Kră Yang, Ih băt boih kơ inh, Ih 'bôh inh, Ih pơlong lăng păng băt jơhngơ̆m inh hăm Ih, Apinh Ih dui lu sư tơ 'nguaih thoi đe dui triu wă 'bet pơlôch, Apinh Ih lê̆ lu sư pha 'măn kơ năr wă 'bet pơlôch!

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 46:21

Mă lu linh sư mưng oei hơdai sư, thoi kon rơmo bek 'lơ̆ng, kư̆m kơdâu tơklah ưh kơ kĕ dơ̆ng ôh. Yua kơ tơdrong răm truh tơ lu sư, trŏ năr phak lu sư boih.

Je 48:10

Hiap bĕ lu bơngai jang kơ Kră Yang mă hơlĕnh pơdăr. Hiap bĕ lu bơngai ưh kơ yua đao gưm sư pơlôch đe!

Je 48:15

Môap đe gô năm pơrăm đĭ păng lu pơlei; lu bơngai tơdăm hơgei hloh đe gô pơlôch đĭ, 'Bok pơtao anăn Sư Kră Yang Tih Hloh khan.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Je 50:11

Ơ lu bơngai mă blah iŏk mŭk tơmam Inh. Mă lu iĕm chơt hiôk 'nă hal, Mă lu iĕm pơplŏng thoi kon rơmo adruh lăm tơmăn 'nhĕt.a Hmoi thoi aseh tơno.

Je 50:31

Kră Yang Tih Hloh khan: “Ơ dêh char pơang, 'nâu inh hil blah ih! Năr ih truh boih, Năr jơ Inh wă phak pơmat ih truh boih.

Je 51:40

Inh gô chông ba lu sư tơ anih đe 'bet pơlôch pơm 'nhĕm, thoi triu tơno thoi bơbe tơno.

Nhom 1:21

Đe kơtơ̆ng nơ̆r inh ôr krao. Mă-lei ưh kơ đei năm pơlung. Lu ayăt kơ inh đei tơdrong pơmat-tat, Băt kơ Ih đei pơm kơ inh na lu sư chơt hiôk, Ăn bĕ năr mă? Ih pơkă noh truh! Wă kơ lu sư kư̆m nhen thoi inh!

Tơdrông Tơ'bôh 18:10

Lu sư dơ̆ng ataih kơ Pơlei Babilôn ei hli kơ trŏ tơdrong răm thoi pơlei noh. Na lu sư khan: “Ô glăi, ô glăi, Pơlei Babilôn tih-tin 'lơ̆ng rŏ, mă-lei 'Bok Kei-Dei phak blah pơchah kơbĭ dôm yơ.”

Tơdrông Tơ'bôh 19:17

Đơ̆ng noh inh 'bôh minh 'nu linh jang 'lơ̆ng, sư dơ̆ng tơ măt 'năr krao 'bơ̆r re lu sem păr tơ tŏk-bŏk rơwơ̆ng thoi âu: “Tơ âu bĕ akŭm băl. Pă 'biơ̆ iĕm năm et sa tih tơmam 'Bok Kei-Dei ăn kơ iĕm.