Je 50:26 - Sơ̆p Hlabơar Nơ̆r 'Bok Kei-Dei

²⁶ Năm pơm bĕ kơ sư đơ̆ng rim anih ataih, pơih bĕ pơk 'ba sư; pơpôi đĭ minh 'bôt thoi pôi 'ba. Pơlôch pơgoh bĕ, 'Nĕ pă lê̆ minh 'nu bu!

Je 50:26 ပူးပေါင်းရင်းမြစ်များ

Êsai 10:6

Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Êsai 25:10

Ti Kră Yang gô dan kơpal kông âu. Mă-lei teh đak Môap đe gô pơjuă pơđep tơ anih lu sư, thoi đe pơjuă hơnong lăm anih pơm 'mê̆.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Êsai 5:26

Kră Yang Sư pơdơ̆ng hla-kơ ăn kơ lu bơngai oei tơ dêh ataih, păng hơhôch krao lu sư đơ̆ng jơ̆p-jang tôch kơ teh đak, na lu sư hăt hot wă kơ jah truh tĕnh.

Je 50:10

Dêh char Kalđê đe gô blah tơgar iŏk, Đĭ-đăng lu bơngai mă blah iŏk lu sư noh gô phĭ hrăp, Kră Yang khan.

Je 50:13

Yua kơ Kră Yang hil mĭl, Jơ̆p kơ dêh char noh jing juơ tơtŭng, ưh kơ đei bơngai oei, na lu bơngai yak năm rok trong Babilôn lăng hlĭch krưp păng che bơle, Yua kơ pơchah răm đĭ 'biao.

Je 50:15

Jreo tơkĕch bĕ tăp dăr puăn pah. Sư yơ̆r ti thuơ boih, Lu hnam gak pơchah boih, Dur pơlei teh pơchah hơlih boih: Noh tơdrong Kră Yang pơm 'mong! Pơm 'mong bĕ! Pơm 'mong kơ sư thoi sư đei pơm boih kơ đe.

Je 50:23

Ô lăng deh, đe teh tơgơ̆ pơchah boih Babilôn sư thoi mut teh pơrăm jơ̆p kơ teh đak! Babilôn jing juơ rơ̆m rĕk lăm teh đak, lăng krưp.

Je 50:41

'Nâu, đei minh khŭl kon pơlei truh đơ̆ng yă-nơ̆m, minh pôm dêh char tih pran kơtang. Păng đei lơ pơtao iung năm đơ̆ng tôch kơ teh.

Je 51:44

Inh gô phak yang Bel lăm pơlei Babilôn, athei sư hăk lê̆ tơmam mă đêl sư luăn boih; Lu kon pơlei ưh pă đei pơtơm băl năm kơkuh dơ̆ng, Mă dur Babilôn gô hơlih pơchah đĭ!

Je 51:64

Păng athei khan: Dêh char Babilôn gô huŏng môch thoi noh! Ưh pă đei layơ đông dơ̆ng, yua kơ Inh ăn tơdrong truh pơrăm sư, lu kon pơlei gô pơ̆k huŏng.’ ” Nơ̆r Jêrêmi pơma tôch 'bơ̆t dâu.

Mi 7:10

Lu ayăt kơ inh gô 'bôh tơdrong na lu sư gô mơlâu, sư noh bơngai mă khan kơ inh thoi âu: Tơ yơ Kră Yang 'Bok Kei-Dei ih? Inh gô hiôk măt 'bôh tơdrong truh kơ sư, na 'nâu lu sư đe gô pơjuă bơhlơ̆r thoi teh rơpŭk rok trong.

Mathiơ 6:26

Iĕm lăng lu sem păr, sư ưh kơ đei pơtăm 'ba, ưh kơ đei kĕch 'măn lê̆ tơ kŭ ôh, mă-lei 'Bă bơ̆n mă oei tơ plĕnh ti kư̆m hiĕm 'me sư mơ̆n. Pơma kiơ kơ iĕm, 'Bă bơ̆n tơ plĕnh ti Sư 'mêm kơ iĕm hloh kơ lu sem păr tơpă.

Tơdrông Tơ'bôh 14:19

Thoi noh na linh jang 'lơ̆ng mă đei săng kô han noh sư hơloh năm kăt pơđĭ lu hơie plei hơmu đơ̆ng lăm war tơ ala teh noh tah tơ lăm tơpăl tơmo mă đe juăt kơ peh chơpĕt iŏk đak sư. Tơdrong 'nâu ưh kơ pơma gah plei hơmu tơpă ôh, sư pơtih gia kơ 'Bok Kei-Dei hil kơ lu bơngai ala teh ưh kơ lui, na Sư gô pơrăm lu bơngai ưh kơ lui noh thoi đe peh pơhĕch plei hơmu.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.