Je 50:24 - Sơ̆p Hlabơar Nơ̆r 'Bok Kei-Dei

²⁴ Ơ Babilôn, Inh hơ'năk boih hơđong kơ ih. Ih 'leh boih hơđong, ơ Babilôn, mă-lei ih ưh kơ băt. Đe chă wă rôp ih boih; Yua kơ ih blah Kră Yang.

Je 50:24 ပူးပေါင်းရင်းမြစ်များ

Jop 15:25

Noh yua kơ sư yơ̆r ti blah plơ̆ Kră Yang 'Bok Kei-Dei, Pơm thoi nuih pran wă tơblah Kră Yang mă Mơsêh Mơyang tih.

Jop 40:2

Lu bơngai hăm pơ̆n pơma pơjah hăm Kră Yang Tih Hloh? Bơngai bu pơ̆n pơjah hăm Kră Yang 'Bok Kei-Dei athei tơl nơ̆r noh bĕ!

Jop 40:9

Ih hăm đei kơkŏng ti pran kơtang thoi Kră Yang 'Bok Kei-Dei ưh? Ih hăm gơh tơlĕch nơ̆r grơ̆m re thoi Inh ưh?

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Bôk Bơthô 9:12

Ưh kơ đei bu băt ôh layơ sư lôch thoi ka đom lăm hơnhuăl, thoi sem 'leh hơđong, kư̆m thoi noh mơ̆n, kon bơngai bơ̆n đom lăm năr tơdrong truh, 'bôh 'băi truh hloi ưh kơ tam băt.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 45:9

Răm-'băm dêh kơ lu bơngai pơjah pơjăng hăm Tơ'ngla pơjing sư! Minh pôm bô̆i hơdai hăm bô̆i nai 'bơ̆t teh! Teh lơ̆n hăm gơh pơma kơ bơngai man sư khan: Ih pơm kiơ noh? Dah mă tơmam pơma kơ bơngai pơm sư khan: Sư ưh kơ đei đon wă chĕp.

Je 48:43

Kră Yang khan: “Ơ kon pơlei Môap! Tơdrong kơnê̆ hli krưp sơlŭng jrŭ, hơđong đăk lê̆ 'bơ̆t anăp ih.

Je 48:44

Bơngai bu kơdâu hlôi đơ̆ng tơdrong kơnê̆ hli dêh gô huŏng lăm sơlŭng jrŭ. Bơngai bu tŏk hlôi đơ̆ng sơlŭng jrŭ gô 'leh hơđong, yua kơ Inh wă ăn tơdrong noh kơ char Môap, lăm sơnăm Inh phak lu sư.” Noh Kră Yang khan.

Je 51:57

Yŏng Pơtao, anăn Sư Kră Yang Tih Hloh khan: “Inh gô ăn kơ lu yŏng wei-lăng păng lu yŏng pơgơ̆r hơgei, lu yŏng pơgơ̆r char păng yŏng pơgơ̆r tơring hăm lu linh sư gô suai sik, tep ling-lang, ưh pă kĕ iung dơ̆ng.”

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”