Je 50:18 - Sơ̆p Hlabơar Nơ̆r 'Bok Kei-Dei

¹⁸ Thoi noh na Kră Yang Tih Hloh 'Bok Kei-Dei Isơrael khan: “'Nâu Inh gô phak pơtao Babilôn păng dêh char sư, Kŭm thoi inh phak boih pơtao Asiri.

Je 50:18 ပူးပေါင်းရင်းမြစ်များ

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Na 3:18

Ơ pơtao Asiri, lu bơngai wei triu ih tep đĭ. Lu bơngai hơgei pơm yŏng lu sư pơdơh hiôk đĭ boih; kon pơlei ih kơdâu tơklah tơklang tơ jơ̆p kông ưh kơ đei bu krao akŭm lu sư dơ̆ng.

Na 3:7

Truh tơ đe lăng 'bôh ih na weh tơ nai păng khan: Niniwe đĭ juơ. Bu wă đei jơhngơ̆m mơnat kơ Sư? Inh chă bơngai đơ̆ng yơ wă kơ pơlung ih?

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.