Je 50:16 - Sơ̆p Hlabơar Nơ̆r 'Bok Kei-Dei

¹⁶ Pơrăm bĕ bơngai rei adrĕch đơ̆ng lăm dêh char Babilôn hăm bơngai mă chĕp săng kô bơyan yuă; yua kơ đao lu bơngai wă blah pơrăm, ăn kơ rim 'nu brŏk tơ kon pơlei sư kơdih rim 'nu kơdâu brŏk tơ char sư kơdih.

Je 50:16 ပူးပေါင်းရင်းမြစ်များ

Êsai 13:14

Kơplah ei kơnh rim 'nu nhen thoi kơtŏng đe druh prah, thoi khŭl triu ưh kơ đei bơngai wei, lu sư gô brŏk tơ kon pơlei sư kơdih, gô kơdâu klĕnh brŏk tơ dêh sư kơdih.

Je 25:38

Thoi dăm-brang sư lĕch boih đơ̆ng anih sư. Teh đak lu sư gô jing juơ, yua kơ đao gưm han tơpă pơm kơ lu sư. Păng yua kơ tơdrong Kră Yang hil mĭl.

Je 46:16

Lu sư gô kơtơih pơ̆k. Lu sư gô pơ̆k hơtŭt tơduă lu sư. Lu sư khan: ‘Iung wih brŏk bĕ tơ adrĕch adrung lu bơ̆n, tơ char mă mĕ tơpŭ kơ bơ̆n, weh đơ̆ng đao gưm đe pơjuă pơđep!’

Je 51:23

Inh yua ih wă teh pơrăm bơngai wei triu păng khŭl triu sư, Inh yua ih wă teh pơrăm lu bơngai choh mir păng đôi rơmo sư. Inh yua ih wă teh pơrăm lu yŏng pơgơ̆r char păng lu yŏng pơgơ̆r tơring.

Je 51:9

Lu bơ̆n adrin ming pơklaih dêh char Babilôn, Mă-lei sư ưh kơ kĕ klaih. Lê̆ sư loh, lu bơ̆n bu bu brŏk bĕ tơ char kơdih, tơdrong phak sư tih dêh tŏk truh tơ plĕnh, Kơjung truh tơ hơmơ̆l kok.

Jôel 1:11

Ơ lu bơngai choh mir, hơwơ̆l hơwang; ơ lu bơngai pơm mir hơmu, nhơ̆m hmoi bĕ, yua kơ 'ba păng 'ba tơ'bâu, đĭ hiong, ưh pă đei kĕch pă đei yuă.

Am 5:16

Thoi noh na Kră Yang 'Bok Kei-Dei Tih hloh, khan thoi âu: Tơ rim anih lăm pơlei đe gô nhơ̆m hmoi: Tơ rim trong đe ôr krao ơu pơmat dêh! Ơu pơmat dêh! Đe gô pơtơm lu bơngai choh mir chŭn năm truh tơ anih ơh sơ'ngon păng chă lu bơngai gơh hmoi năm nhơ̆m hmoi.