Je 50:12 - Sơ̆p Hlabơar Nơ̆r 'Bok Kei-Dei

¹² Sĭt tơpă mĕ lu iĕm gô mơlâu dêh, bơngai tơpŭ kơ iĕm gô pŭ mơlâu, 'Nâu teh đak gô kơlĕl lŭch, Minh anih glă teh hrĕng kro jing juơ.

Je 50:12 ပူးပေါင်းရင်းမြစ်များ

Êsai 14:22

Kră Yang Tih Hloh khan: “Inh gô iung pơm tơwih kơ lu sư, Inh gô pơrăm sŭt lê̆ anăn pơlei Babilôn păng lu kon pơlei oei oei đei lăm noh, hăm đĭ lu kon sâu lu sư dơ̆ng mơ̆n.” Kră Yang khan thoi noh.

Êsai 23:13

Ih lăng dêh char lu bơngai Kalđê, ưh kơ đei kon pơlei noh dơ̆ng bơih, bơngai Asiri pơm kơ anih noh jing anih sem bri, sư pơm hnam thôt, wang tăp dăr, blah iŏk pơgoh, teng lê̆ anih hnam pơtao sư pơchah pơchek jing juơ.

Je 12:14

'Nâu Kră Yang khan: “Gah đĭ-đăng lu rông 'bôt Inh mă pơm kơnê̆, mơ̆t iŏk boih tơmam Inh mă ăn kơ lu kon pơlei Inh, Isơrael; 'nâu, Inh gô buch hiŏng lê̆ lu sư đơ̆ng lăm char lu sư păng buch hiŏng lê̆ adrĕch Juđa đơ̆ng tŏk-bŏk lu sư.

Je 15:9

Minh 'nu mĕ tơpŭ kơ tơpơh 'nu kon, sư gô hơngơ̆t păng dui jơhngơ̆m, dĕnh Măt 'năr sư gô jing măng mu kơplah 'năr dơ̆ng, sư gô kơdơ̆ mơlâu. Lu bơngai mă oei arih Inh gô jao kơ lu ayăt pơlôch hăm đao gưm, noh Kră Yang khan.

Je 22:6

Kră Yang khan gah hnam pơtao Juđa: “Mă khan Inh lăng ih thoi char Gileat, kư̆m rŏ krưp thoi kơ̆l kông Liban, Mă-lei Inh pơkă wă pơm kơ ih jing thoi char glă, lu pơlei ưh pă đei bơngai oei.

Je 25:12

Kră Yang khan: “Mưh đĭ kơ tơpơh-jĭt sơnăm noh boih, Inh gô phak pơtao Babilôn păng kon bơngai lăm char noh, yua kơ tơdrong yoch lu sư. Inh gô phak char bơngai Kalđê pơm ăn kơ char noh jing juơ hlŏng hloi.

Je 25:26

Ăn đĭ kơ pơtao gah yă-nơ̆m, oei jê̆ dah ataih, ăn kơ đĭ-đăng dêh char kơpal teh. Đơ̆ng noh ăn kơ Pơtao Sêsach kư̆m huch sik lăm kơchŏk noh.

Je 49:2

Mă-lei năr gô truh, Kră Yang khan; “Inh gô ăn nơ̆r ôr krao tơdrong tơblah tơ pơlei tih Rapba lăm char kon pơlei Ammôn; pơlei noh gô jing pôi rơ̆m rĕk. Lu pơlei iĕ tăp dăr kơ sư đe gô soh kơplah noh, lu bơngai Isơrael gô druh blah lu linh mă đêl druh blah lu sư, Noh Kră Yang khan.

Je 51:43

Lu pơlei sư jing juơ, Teh đak Babilôn hrĕng kro jing juơ ưh pă đei bơngai oei, Kŭm ưh kơ đei bơngai bu chă yak drong găn.

Je 51:47

Thoi noh, gô đei năr, Inh phak lu rup yang dêh char Babilôn; jơ̆p kơ teh đak gô mơlâu kơdơ̆; lu bơngai đe gô 'bet pơlôch pơ̆k lăm đĭ dêh char.

Galati 4:26

Mă-lei kư̆m đei minh pôm Pơlei Jêrusalem nai tơ kơpal plĕnh ti đĕch gơh rơngei. Lu bơngai mă gô oei tơ noh gơh rơngei, yua kơ lu sư lui kơ Yêsu Krist. Pơlei noh wă pơtih gia kơ yă Sara mĕ bơ̆n.

Tơdrông Tơ'bôh 17:5

Klĕng bơngai drŏ-kăn noh đe chih anăn sư, mă đe chih tơwer hrĕp. Đe chih thoi âu: “Pơlei Babilôn pơlei tih dêh mĕ kơ lu drŏ-kăn đi, tơ'bôh kơ đe tơdrong 'mê̆ jơ̆p kơ teh đak.”