Je 50:10 - Sơ̆p Hlabơar Nơ̆r 'Bok Kei-Dei

¹⁰ Dêh char Kalđê đe gô blah tơgar iŏk, Đĭ-đăng lu bơngai mă blah iŏk lu sư noh gô phĭ hrăp, Kră Yang khan.

Je 50:10 ပူးပေါင်းရင်းမြစ်များ

Êsai 33:23

Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Êsai 33:4

Mŭk tơmam lu iĕm đe gô pơdŭ iŏk nhen thoi lep 'ba, pơdŭ sa, đe gô bruh iŏk tơmam iĕm thoi lu lep 'ba bruh sa.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Je 25:12

Kră Yang khan: “Mưh đĭ kơ tơpơh-jĭt sơnăm noh boih, Inh gô phak pơtao Babilôn păng kon bơngai lăm char noh, yua kơ tơdrong yoch lu sư. Inh gô phak char bơngai Kalđê pơm ăn kơ char noh jing juơ hlŏng hloi.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Je 50:26

Năm pơm bĕ kơ sư đơ̆ng rim anih ataih, pơih bĕ pơk 'ba sư; pơpôi đĭ minh 'bôt thoi pôi 'ba. Pơlôch pơgoh bĕ, 'Nĕ pă lê̆ minh 'nu bu!

Je 50:37

Đao gưm blah plơ̆ lu aseh păng gre aseh, Păng đĭ-đăng lu linh đơ̆ng tơmoi, Pơm kơ lu sư gô jing thoi bơngai drŏ-kăn! Đao gưm blah lu hnam mong mŭk tơmam gĭt ăn kơ đe tơgar iŏk đĭ mŭk tơmam lu sư.

Je 51:24

Inh gô pơm tơwih kơ dêh char Babilôn păng đĭ-đăng bơngai oei lăm char Kalđê 'bơ̆t anăp lu iĕm yua kơ đĭ-đăng tơdrong yoch lu sư pơm boih lăm pơlei Siôn.” Noh Kră Yang khan.

Je 51:35

Kon pơlei Siôn khan: ‘Rŏ kơ tơdrong mă đe pơm kơnê̆ kơ inh păng adrĕch adrung inh tuh kơ Babilôn.’ Kon pơlei Jêrusalem khan: ‘Rŏ kơ pham inh tuh tơ kon pơlei Kalđê!’ ”

Êsêkiên 11:24

Lăm tơdrong tơ'bôh ăn kơ inh đơ̆ng Kră Yang 'Bok Kei-Dei, Yang Bơhngol hiŏng inh tơ kơpal, păng chông anhăk ba inh truh tơ anih lu bơngai mă đe pơpuh tơ Kalđê. Na tơdrong tơ'bôh weh đơ̆ng inh.

Habakuk 2:8

Yua kơ ih đei blah iŏk lơ dêh char nai, na lu kon pơlei mă oei oei gô plah tơgar iŏk đơ̆ng ih dơ̆ng, yua kơ pham lu sư, yua kơ tơdrong kơnê̆ ih pơrăm teh đak, pơrăm pơlei tih păng đĭ-đăng kon pơlei lu sư.

Tơdrông Tơ'bôh 17:16

Mơjĭt tŏ ake mă ih 'bôh 'noh hei păng sem brem noh, lu sư hil areh kơ bơngai đi, na thu iŏk đĭ mŭk tơmam bơngai drŏ-kăn noh, jing akâu hoh, klaih kơ noh 'bet sa sư, 'buh pơkhoy tơ ŭnh.