Je 49:7 - Sơ̆p Hlabơar Nơ̆r 'Bok Kei-Dei

⁷ Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Je 49:7 ပူးပေါင်းရင်းမြစ်များ

Bl 25:30

Khan kơ Jakôp thoi âu: Apinh oh asong 'nhŏng sa chao kiơ mă 'brê 'brê noh bĕ, yua kơ 'nhŏng lap dêh. Yua kơ thoi noh boih gơ̆p krao anăn sư Eđôm.f

Bl 27:41

Êsâu đei jơhngơ̆m blĕk kơ Jakôp yua kơ 'bă sư sơkat ăn pŭn hiôk kơ Jakôp, sư tơchĕng lăm jơhngơ̆m đon sư khan: Năr 'bă inh lôch wă jê̆ boih, thoi noh, na inh gô pơlôch Jakôp, oh inh.

Bl 32:3

Jakôp wơh đam sư năm tơ 'nhŏng sư Êsâu adrol tơ lăm dêh char Sir tơring Eđôm:

Bl 36:11

Kon drŏ-nglo Êliphas Têman, Êmar, Sêphơ, Gatam păng Kênas.

Bl 36:15

'Nâu lu yŏng kơdră lăm lu kon sâu Êsâu, lu kon drŏ-nglo Êliphas kon kơdră Êsâu, yŏng kơdră Têman, Ôma, Kêna, Jêphô.

Bl 36:34

Jôbap lôch, Husam, bơngai tơring Têman, tŏk pơm pơtao.

Bl 36:8

Thoi noh, Êsâu đe krao Eđôm, oei tơ Sier.

I Ho 1:53

Kênas, Thêman, Mipsar,

Jop 2:11

Pêng 'nu buăl Jop kơtơ̆ng sư đei dôm tơdrong pơmat-tat noh lu sư pơđâu băl rim 'nu đơ̆ng tơring sư kơdih wă năm ngôi wang sơ'ngon păng wă pơlung Jop. Pêng 'nu noh anăn sư Êliphas đơ̆ng pơlei Têman, Bildat đơ̆ng char Sua păng Sôphar đơ̆ng tơring pơlei Naama.

Jop 4:1

Êliphas, bơngai Thêman sư tơl:

Horiso 137:7

Lăm năr Jêrusalem pơchah. Ơ Kră Yang, 'blŏk bĕ kơ lu kon pơlei dêh char Eđôm. Lu sư khan: “Pơrăm lê̆ bĕ, pơrăm lê̆ bĕ; Dĭng truh tơ hơnă sư!”

Êsai 21:11

Nơ̆r Khan lê̆ adrol gah plei Đuma. Đei bơngai krao inh đơ̆ng kông Sêir khan: “Ơ bơngai gak, măng oei đunh ưh? Ơ bơngai gak măng oei đunh ưh?”

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Je 12:14

'Nâu Kră Yang khan: “Gah đĭ-đăng lu rông 'bôt Inh mă pơm kơnê̆, mơ̆t iŏk boih tơmam Inh mă ăn kơ lu kon pơlei Inh, Isơrael; 'nâu, Inh gô buch hiŏng lê̆ lu sư đơ̆ng lăm char lu sư păng buch hiŏng lê̆ adrĕch Juđa đơ̆ng tŏk-bŏk lu sư.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 25:21

Char Eđôm, char Môap ăn kơ adrĕch adrung Ammôn.

Je 25:23

Ăn đĭ kơ pơlei Đêdan, Têma, kơ Bus, ăn kơ lu bơngai hơkôih sŏk kơ̆l.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 49:20

Thoi noh mơ̆ng bĕ Kră Yang wă pơm kơ char Eđôm, păng tơdrong sư pơkă wă pơm kơ kon pơlei Têman: Mă lu kon triu oei iĕ đe gô rôp ba pơđĭ, Tơpă sư gô pơrăm lê̆ tơmăn 'nhĕt lu sư.

Je 8:9

Lu bơngai hơgei gô mơlâu, hli tơrơ păng đe gô rôp lu sư; 'Nâu, lu sư sơngah boih kơ nơ̆r Kră Yang, lei lu sư wă đei hơgei liơ dơ̆ng?

Nhom 4:21

Ơ kon adruh Eđôm, oei lăm teh đak Us. Hiôk chơt 'nă hal bĕ. Kơchŏk kư̆m gô jao truh tơ e, E gô huch suai oei akâu hoh.

Êsêkiên 32:29

Eđôm kư̆m oei tơ noh, lu pơtao hăm đĭ-đăng lu yŏng sư, mă khan lu sư nuih kơtang ră kư̆m jô̆ hơdai hăm lu bơngai mă lôch kơ đao; lu sư 'bĭch hơdai hăm lu bơngai ưh kơ kăt tơdra akar, lu bơngai mă jur lăm sơlŭng jrŭ.

Da 11:41

Sư gô mơ̆t truh tơ teh đak ư-ang păng đei lơ dêh char gô pơchah. Mă-lei lu bơngai Eđôm, lu bơngai Môap păng lu bơngai pơgơ̆r lăm lu kon pơlei Ammôn gô klaih đơ̆ng ti sư.

Jôel 3:19

Dêh Êyiptơ gô jing bri juơ, Eđôm kư̆m gô jing bri rơwơ̆ng, yua kơ lu sư pơm kơnê̆ kơ lu kon sâu Juđa, păng đei pơlôch tơlĕch pham lu bơngai tơpăt lăm teh đak Juđa.

Habakuk 3:3

'Bok Kei-Dei truh đơ̆ng Têman, Kră Yang Tơ'ngla 'Lơ̆ng rơgoh truh đơ̆ng kông Pharan. Sêla Tơdrong ư-ang Sư gom đĭ lu tăl plĕnh, Nơ̆r bơnê ư-ang kơ Sư jơ̆p-jang kơ teh đak.

Both 23:7

'Nĕ kơ hil areh kơ bơngai Eđôm yua kơ lu sư 'nhŏng oh iĕm, kư̆m 'nĕ kơ areh kơ bơngai Êyiptơ, yua kơ lu iĕm đêl oei lăm dêh char sư.