Je 49:5 - Sơ̆p Hlabơar Nơ̆r 'Bok Kei-Dei

⁵ Kră Yang Tih Hloh khan: “Inh gô tuh ăn tơdrong kơnê̆ hli krưp truh tơ lu iĕm, đơ̆ng rim dêh char mă oei tăp dăr, lu iĕm gô kơdâu tơklah tơklang, ưh kơ đei bu gô akŭm lu bơngai mă kơdâu ôn,

Je 49:5 ပူးပေါင်းရင်းမြစ်များ

II Pot 19:7

Inh gô ăn minh tơdrong tơchĕng truh tơ lăm sư, sư gô kơtơ̆ng ang đe roi đơ̆ng noh sư gô wơ̆t brŏk tơ dêh char sư kơdih; tơ noh, Inh gô ăn kơ sư gô pơ̆k lôch kơ đao gưm lăm char sư kơdih.”

Jop 15:21

Sư kơtơ̆ng nơ̆r ôr hli ling-lang lăm đon; kơplah oei hiôk-hian, lu bơngai chă pơlôch pơrăm truh.

Tơdrông Pơđơk 28:1

Lu bơngai pơm kơnê̆ kơdâu ôn mă ưh kơ đei bu druh. Mă-lei lu bơngai oei arih tơpăt nuih thoi dăm-brang.

Êsai 16:3

“Ih chă đon bĕ, pơm bĕ tơdrong 'lơ̆ng tơpăt, kơplah 'năr dơ̆ng, pơm kơ yơ̆p ngôi ih nhen thoi kơmăng. Ôn bĕ lu bơngai oei klaih, 'nĕ pơdrâu lu bơngai chă kơdâu ôn!

Je 15:8

Inh gô ăn kơ drŏ-kăn adro rai lơ hloh kơ chuơh đak dơsĭ. Inh gô ăn bơngai năm pơrăm lu sư kơplah 'năr dơ̆ng, pơrăm lê̆ mĕ lu bơngai tơdăm. Inh gô tuh ăn tơdrong gleh truh kơ lu sư, jơhngơ̆m rŭng răng hli tơrơ.

Je 16:16

Kră Yang khan: “'Nâu, Inh gô wơh lơ bơngai traih ka, wă kơ chă traih rôp lu sư, đơ̆ng noh Inh gô wơh lơ bơngai lua wă kơ chă lua lu sư đơ̆ng jơ̆p kơ kông groi dah lăm hơgơp tơmo.

Je 20:4

Yua kơ Kră Yang khan: “'Nâu Inh gô pơm ăn kơ ih đei tơdrong hli tơrơ ih kơdih păng kơ bôl buăl ih hai. Lu sư gô lôch kơ đao gưm lu bơngai ayăt tơm măt ih. Inh gô jao lu kon pơlei Juđa lăm ti pơtao char Babilôn, pơtao gô rôp anhăk lu sư pơm đĭch tơ char Babilôn dah yua đao gưm pơlôch hloi lu sư.”

Je 46:5

Liơ inh 'bôh? Lu sư hli tơrơ kơdŭn đĭ tơ rŏng, lu linh tơblah, thuơ kơdâu tơklah tơklang. Pă pơ̆n hue-huo. Tơdrong hli krưp puăn pah!” Noh Kră Yang khan:

Je 49:29

Đe gô iŏk đĭ bơsŭn păng puh ba lu kon sem dơrong lu sư, pơk hnam păng đĭ-đăng mŭk tơmam lu sư. Đe gô puh ba đĭ lu aseh lăk-đa lu sư. Lu bơngai drŏ-nglo ôr krao. ‘Đei tơdrong hli krưp tăp tang!’

Je 6:25

“'Nĕ kơ lĕch năm tơ mir chŭn, kư̆m 'nĕ kơ yak rok trong tih, yua kơ lu bơngai ayăt chĕp đao, tơdrong hli krưp tơ jơ̆p puăn pah.

Nhom 4:15

Lu đe ôr khan kơ lu sư, weh bĕ, weh bĕ! 'Nĕ kơ pel 'bơm! Kơplah lu sư chă kơdâu thông mang, kon pơlei tơmoi khan, Lu sư ưh pă gơh oei tơ âu boih.

Am 4:3

Lu iĕm gô lĕch trong tơnăr pơchah, rim 'nu lĕch tơpăt anăp kơdih păng đe gô klơ̆m lê̆ lu iĕm tơ Harmôn, Kră Yang khan thoi noh.

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.