Je 49:36 - Sơ̆p Hlabơar Nơ̆r 'Bok Kei-Dei

³⁶ Inh gô ăn đei puăn trong kial đơ̆ng puăn pah bah blah char Êlam; Inh gô săi lu sư tơklah tơklang kiơ̆ kơ puăn trong kial noh; dĭng ưh pă đei char ayơ mă ưh kơ đei bơngai Êlam năm oei.

Je 49:36 ပူးပေါင်းရင်းမြစ်များ

Horiso 147:2

Kră Yang man pơdơ̆ng pơlei Jêrusalem; Sư krao akŭm lu bơngai Isơrael đơ̆ng tơklah tơklang.

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Êsai 56:8

Kră Yang Tih Hloh, Tơ'ngla krao akŭm kon pơlei Isơrael đơ̆ng tơklah tơklang khan thoi âu: Kon pơlei mă lu sư akŭm bơih, Inh gô wă krao akŭm dơ̆ng lu kon pơlei nai brŏk hăm sư.

Je 30:17

Kră Yang khan: “Mă khan đe jô̆ iĕm thoi Siôn, đe pă wă lăng. Ưh pă đei bu hiơ̆k. Mă-lei Inh gô pơklaih rơka iĕm. Inh gô hơmet pơklaih rơka jĭ iĕm.

Je 49:32

Plah tơgar iŏk, lu lăk-đa lu sư đe gô Kŭm plah tơgar iŏk lơ sem dơrong, triu lu sư. Inh gô pơm ăn kơ lu bơngai hơkôih sŏk kơ̆l, tơklah tơklang tơ jơ̆p-jang puăn pah teh đak. Inh gô ăn tơdrong truh pơrăm lu sư, đơ̆ng tăp dăr kơ lu sư. Noh Kră Yang khan.

Êsêkiên 5:10

Na lăm ih mĕ 'bă gô 'buh sa kon lu sư păng lu kon sư gô 'buh sa mĕ 'bă lu sư. Inh gô sek tơlang ih păng lu bơngai mă oei oei, Inh gô ăn kơ lu sư tơklah tơklang tơ jơ̆p-jang kơ teh.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Da 11:4

Kơplah pơtao noh iung pran, na dêh char sư pơchah na klah song jing puăn, kiơ̆ kơ puăn pah trong kial đơ̆ng plĕnh, mă-lei ưh kơ đei pơsư̆ kơ kon sâu, kư̆m ưh pă kĕ pơgơ̆r thoi ki dơ̆ng; yua kơ dêh char sư đe gô buch pơjao ăn kơ bơngai nai plơ̆ng kơ lu bơngai noh.

Da 8:22

Gah hơke mă tơgơ̆ boih, đei dơ̆ng puăn tŏ ake tơplih 'bơ̆t doh, wă khan đơ̆ng minh pôm dêh char kla asong jing puăn tŏ dêh char, mă-lei ưh pran thoi pơtao adrol noh.

Da 8:8

Bơbe bram pơm kơ akâu sư rai tih; mă-lei lăp sư pran dêh boih, hơke sư mă tih noh tơgơ̆ păng tơ đêl anih hơke tơgơ̆ noh chăt dơ̆ng puăn tŏ hơke plơ̆ng, puăn tŏ hơke noh chăt pơdơ̆ng tơklă tơ puăn trong kial tơ plĕnh.

Am 9:9

Yua kơ thoi noh, inh gô tơtă athei păng gô săi adrĕch Isơrael tơ rim adrĕch drung thoi đe um 'ba hăm kơđum, mă-lei ưh kơ đei minh găr iĕ ayơ huŏng tơ teh.

Sa 6:5

Linh jang khan dơ̆ng kơ inh: “Noh kiala đơ̆ng plĕnh, lĕch đơ̆ng lăm anih lu sư 'bơ̆t anăp Kră Yang mă Kră Yang kơ đĭ-đăng teh đak.

Both 28:25

Kră Yang gô ăn lu bơngai ayăt blah pơrăm iĕm jei lu sư; lu iĕm gô năm blah sư minh trong, lĕch kơdâu ôn kơ lu sư tơpơh trong; lu adrĕch adrung kơpal teh 'bôh iĕm gô hli tơrơ.

Both 28:64

Kră Yang gô tơraih iĕm tơrak 'brak jơ̆p kơ teh đak, đơ̆ng tôch kơ teh đak 'nâu truh tôch kơ teh đak to. Tơ noh, lu iĕm gô kơkuh kơ lu yang nai pơm hăm 'long păng tơmo yang noh iĕm hăm lu 'bok iĕm ưh kơ lah băt ôh.

Tơdrông Tơ'bôh 7:1

Klaih kơ noh inh 'bôh puăn 'nu lu linh jang 'lơ̆ng, sư dơ̆ng tơ puăn pah mum teh đak. Lu sư wei puăn pah trong kial tơthu tơ teh đak, na sư wei kuă ăn kial tơthu pơrăm teh, pơrăm đak dơsĭ, pơrăm lu 'long.