Je 49:3 - Sơ̆p Hlabơar Nơ̆r 'Bok Kei-Dei

³ “Nhơ̆m hmoi bĕ! Ơ pơlei Hesbôn, yua kơ đe pơrăm boih pơlei Ahi! Nhơ̆m bĕ, ơ kon pơlei Rapba! Ôr krao bĕ, hrŭk bĕ ao 'bi, tŭr kơtơh, raih akâu bĕ na kơdâu tơ âu tơ noh! Yua kơ yang Molek gô chĕp ba, hơdai hăm lu 'bok soi, hăm lu yŏng sư, năm pơm bơnă đe.

Je 49:3 ပူးပေါင်းရင်းမြစ်များ

II Sam 11:1

Lăm bơyan puih lu pơtao juăt kơ năm tơblah, Đawit wơh Jôap hăm lu đĭch đam sư păng đĭ-đăng lu linh bơngai Isơrael năm tơblah; lu sư tơgar iŏk dêh kon pơlei Ammôn păng wang tăp kơ pơlei Rapba. Gah pơtao Đawit oei lăm pơlei Jêrusalem.

I Pot 11:33

Inh pơm thoi noh yua kơ sư achăng lê̆ Inh năm kơkuh kơ Astoret yang drŏ-kăn lu bơngai Siđôn, Kêmôs yang lu bơngai Môap, Milkôm yang lu bơngai Ammôn, sư ưh pă năm kiơ̆ trong Inh, ưh pă pơm 'lơ̆ng 'bơ̆t anăp Inh, păng kư̆m ưh kơ wă răk tơdrong juăt Inh păng nơ̆r Inh tơtă thoi Đawit, 'bă sư đei pơm.

I Pot 11:5

Yua kơ Sôlômôn kơkuh kơ Astoret yang drŏ-kăn yang lu bơngai Siđôn păng chu kiơ̆ kơ Milkôm yang lu bơngai Ammôn yang kơnê̆ dêh.

II Pot 23:13

Sư pơm pơ'mê̆ lê̆ lu hnam kơkuh kơ yang nai pơm tơ anih kơjung gah hơlĕch Pơlei Jêrusalem, gah gơal kơ Kông lôch răm, lu anih kơkuh kơ yang noh Sôlômôn pơtao đe Isơrael pơm wă soi sơmah kơ yang Astoret rup yang mă kơnê̆ krưp dêh lu bơngai Siđôn, pơm yang Kêmôs rup yang mă kơnê̆ krưp dêh lu bơngai Môap, pơm yang Mơlek rup yang mă kơnê̆ dêh lu bơngai Ammôn.

Esơra 2:28

bơngai pơlei Bethel păng Ahi, 'bar-hrĕng 'bar-jĭt pêng;

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Êsai 15:2

Lu bơngai Dibôn tŏk tơ groi; lu sư năm tŏk tơ anih kơjung kơkuh kơ yang wă hmoi; kon pơlei Môap nhơ̆m hmoi ơh yua kơ kông Nêbô păng pơlei Mêdêba, lu sư yuă sŏk 'ngôch ngăl, sŏk kang lu sư hơkôih đĭ.

Êsai 16:7

Yua kơ noh bơih lu bơngai Môap gô nhơ̆m hmoi; đĭ-đăng lu sư nhơ̆m hmoi kơ Môap, nhơ̆m bĕ, tơtok ơh sơ'ngon bĕ, kơ 'bĕng plei hơmu pơlei Kir Harêsat!

Êsai 23:1

Nơ̆r khan lê̆ adrol kơ pơlei Tir, ơ duk Tarsis nhơ̆m ơh bĕ, yua kơ pơlei Tir pơchah răm đĭ bơih, dĭng mah hnam oei, anih duk pơdơh kư̆m đĭ pă đei, Đơ̆ng dêh Kitim đe kơtơ̆ng nơ̆r roi 'nâu.

Êsai 23:6

Kơdâu năm tơ Tarsis bĕ, ơ kon pơlei oei jê̆ đak dơsĭ nhơ̆m hmoi bĕ!

Je 4:8

Na su bĕ 'bi, nhơ̆m hmoi, yua kơ tơdrong Kră Yang hil oei tam mă weh đơ̆ng bơ̆n.”

Je 46:25

Kră Yang Tih Hloh, 'Bok Kei-Dei Isơrael khan: “'Nâu Inh gô phak yang Ammôn, tơ pơlei Thêbes, pơtao Pharaôn, dêh char Êyiptơ păng lu rup yang, lu pơtao sư păng lu bơngai mă gơnang kơ Pharaôn.

Je 48:2

Đe ang kơ char Môap ưh pă đei boih; tơ pơlei Hesbôn, lu sư pơđâu wă pơrăm Môap: ‘Bĕ bơ̆n năm pơrăm kon pơlei 'nâu, sŭt lê̆ dĭng pă đei jô̆ Môap lăm lu dêh char dơ̆ng! Ơ pơlei Matmen, ih kư̆m lei-lăi, ăn kơ ih ngăn hreh; đao gưm gô druh kiơ̆ ih.

Je 48:20

Đe hiĕk ăr kơ char Môap, yua kơ sư pơchah boih. Ôr hmoi bĕ! Roi tơbăt bĕ tơ jơ̆p tơring krong Arnôn, char Môap pơrăm đĭ boih.

Je 48:37

Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Je 48:7

Yua kơ ih gơnang kơ tơdrong jang păng mŭk tơmam lu iĕm kơdih, Đe kư̆m wă rôp ih hai pơm bơnă, Yang Kêmôs, lu 'bok soi păng lu yŏng lu sư dai năm pơm bơnă.

Je 49:1

Gah dêh char Ammôn! Kră Yang khan: “Bơngai Isơrael ưh kơ đei kon drŏ-nglo hă? Ưh pă đei kon wă pơtrơp ioi hă? Liơ mă lê̆ kơ bơngai Amnôn mă kơkuh kơ yang Molek tơgar iŏk char Gat, kon pơlei sư oei lăm lu pơlei Gat?

Je 51:8

Ưh tam kơ băt dêh char Babilôn hơlih păk pơchah. Nhơ̆m hmoi bĕ kơ sư! Iŏk bĕ pơgang pik kơ rơka sư, rŏ lăng sư gô klaih.

Je 6:26

Ơ kon drŏ-kăn pơlei Inh, tơ̆n bĕ 'bi tơ kơiĕng, tơglăng akâu tơ lăm tơnuh. Nhơ̆m hmoi bĕ, thoi đe sơ'ngon kơ kon dăm lôch, nhơ̆m hmoi ơh sơ'ngon bĕ, yua kơ lu bơngai wă pơrăm blư bla truh blah lu bơ̆n.”

Am 1:15

Pơtao păng lu yŏng sư gô pơm bơnă hơdai, Kră Yang khan thoi noh.

Jêphania 1:5

Inh gô pơlôch lu bơngai kơkuh kơ tơmam kơpal plĕnh tơ bơbŭng hnam; păng lu bơngai đei pơkă pơkăm hăm Kră Yang păng kư̆m đei pơkă pơkăm dơ̆ng hăm lu pơtao lu sư kơdih;

Ya 5:1

Ơ lu bơngai mơdrŏng, mơ̆ng bĕ. Trŏ kơ iĕm nhơ̆m hmoi bĕ, mă iĕm nhơ̆m hmoi lê̆ hơdrol lăp boih, yua kơ dôm tơdrong gleh pơmat wă truh kơ iĕm.

Jôsuê 7:2

Đơ̆ng Jêrikô Jôsuê wơh bơngai năm chop lăng pơlei Ahi, Jê̆ Bêt Awen, gah hơlĕch kơ Bethel na khan: Năm chop lăng bĕ tơring noh. Lei na lu sư năm chop lăng pơlei Ahi.

Jôsuê 8:1

Kơplah noh, Kră Yang khan kơ Jôsuê: Ih 'nĕ kơ hli tơrơ, chông ba đĭ-đăng lu linh hơdai ih, iung năm blah bĕ pơlei Ahi, to Inh jao sư lăm tơpang ti ih, pơtao Ahi, kon pơlei sư, pơlei hăm tơring noh.

Jôsuê 8:28

Thoi noh Jôsuê prah ŭnh soh, pơm kơ pơlei Ahi pơchah răm jing juơ tơtŭng, dĭng truh tơ dang ei.