Je 49:29 - Sơ̆p Hlabơar Nơ̆r 'Bok Kei-Dei

²⁹ Đe gô iŏk đĭ bơsŭn păng puh ba lu kon sem dơrong lu sư, pơk hnam păng đĭ-đăng mŭk tơmam lu sư. Đe gô puh ba đĭ lu aseh lăk-đa lu sư. Lu bơngai drŏ-nglo ôr krao. ‘Đei tơdrong hli krưp tăp tang!’

Je 49:29 ပူးပေါင်းရင်းမြစ်များ

Bl 37:25

Lu sư oei sŏng sa. Tơmang lăng 'bôh bơngai Ismaela đơ̆ng Gileat wă truh, kơpal rŏng aseh lăk-đa lu sư đei tơmam lơ dêh, pơgang 'bâu phu, jăr 'long 'bâu phu wă chĕp mơdro tơ char Êyiptơ.

Jop 1:3

Jop đei tơpơh-rơbâu tŏ triu, pêng-rơbâu tŏ aseh lăk-đa, pơđăm-hrĕng hơgrop rơmo choh, pơđăm-hrĕng tŏ aseh iĕ akăn păng đei đĭch đam lơ; sư mơdrŏng hloh kơ đĭ-đăng bơngai lăm dêh char gah Hơlĕch.

Horiso 120:5

Răm-'băm dêh kơ inh oei lăm Mêsĕk. Păng oei tơ lăm kơđông Kêđa.

Horiso 31:13

Inh kơtơ̆ng boih lơ nơ̆r lu sư chă pơm tơdrong.e Hli krưp tăp kơ inh. Thoi lu sư pơđâu wă blah inh, Wă tơhiong lê̆ tơdrong arih inh.

Êsai 13:20

Pơlei noh ưh kơ đei bơngai bu oei dơ̆ng, đơ̆ng chăl nai truh tơ chăl ninh. Lu bơngai Arâp ưh pă pơdơ̆ng hnam khăn 'bĭch tơ noh, lu bơngai wei triu kư̆m ưh pă chĭt triu lu sư tơ noh dơ̆ng.

Êsai 60:7

Khŭl sem dơrong đơ̆ng dêh char kêdar gô akŭm tơ ih lu triu tơno dêh char Nêbaôt gô yua pơm tơmam soi pơyơ̆r, Inh gô iŏk tơdrong đe pơyơ̆r lu sư tơ kơpal chơnang soi Inh. Na Inh gô pơm kơ hnam ư-ang Inh rai ư-ang hloh.

Je 10:20

Bơsŭn inh răm đĭ boih, Tơlei chô̆ bơsŭn kơtĕch đĭ boih; Lu đe kon inh weh boih đơ̆ng inh, ưh pă đei 'bôh lu sư boih, Ưh pă đei bu boih tơgŭm pơdơ̆ng ming bơsŭn inh. Kŭm ưh pă đei pĕng che anih inh oei.

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

Je 46:5

Liơ inh 'bôh? Lu sư hli tơrơ kơdŭn đĭ tơ rŏng, lu linh tơblah, thuơ kơdâu tơklah tơklang. Pă pơ̆n hue-huo. Tơdrong hli krưp puăn pah!” Noh Kră Yang khan:

Je 49:24

Pơlei Đamas jơhngơ̆m rơdu boih, kơdŭn kơdâu ôn; hli tơrơ. Jĭ tuĕnh, thoi drŏ-kăn tŏk-bŏk oei hơiơch.

Je 49:5

Kră Yang Tih Hloh khan: “Inh gô tuh ăn tơdrong kơnê̆ hli krưp truh tơ lu iĕm, đơ̆ng rim dêh char mă oei tăp dăr, lu iĕm gô kơdâu tơklah tơklang, ưh kơ đei bu gô akŭm lu bơngai mă kơdâu ôn,

Je 6:25

“'Nĕ kơ lĕch năm tơ mir chŭn, kư̆m 'nĕ kơ yak rok trong tih, yua kơ lu bơngai ayăt chĕp đao, tơdrong hli krưp tơ jơ̆p puăn pah.

Habakuk 3:7

Inh 'bôh anih oei char Kusan đei tơdrong pơmat-tat. Anih hnam char Midian tơdrŏ pơpơ̆.

II Kor 4:8

Đĭ dôm tơdrong đe wă kơtĭt pơglơ̆k nhôn, mă-lei nhôn pơm huay huăi kơ glơ̆k; đĭ sơleng kơ đon boih, mă-lei nhôn khŏm adrin adrăi.

II Kor 7:5

Âu roi gah tơdrong nhôn truh tơ dêh Masêđôn, nhôn truh tơ noh kư̆m ưh kơ đei hiôk kơ jơhngơ̆m tŏ sĕt, oei tơ noh lĕ pơmat hloh loi; jơhngơ̆m đon nhôn oei sa 'nhŏ kơ sơđơ̆ng 'biơ̆. Đon nhôn kư̆m tơchĕng hli kơ iĕm lui ưh kơ kơjăp.

Lu 6:5

Yua kơ bơngai hăm sem dơrong lu sư truh pơm anih lơ tơpă thoi lep tung-nut. Ưh pă kĕ jô̆ kon bơngai hăm lu aseh lăk-đa lơ dêh tơpă truh tơ dêh noh lu sư wă blah pơrăm đĭ.

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

Lu 8:21

Sêba păng Salmuna khan: Iung bĕ; ih kơdih pơlôch nhi yua kơ bơngai liơ đei jơhngơ̆m pran thoi noh. Giđêôn sư iung hloi, pơlôch Sêba păng Salmuna; na iŏk tơmam bre sư tơ'băk kơ ako aseh lăk-đa.

Lu 8:26

Lu gŏp maih mă Giđêôn apinh noh kŏng lăng trăp đei mơjĭt-tơsĭn kĭ minh puăt maih, ưh kơ jơ̆ tơmam gĭt nai thoi rơbưn mă lu pơtao Miđian pơhrơp păng lu hơbĕn ao che 'brê hơhĭm juăt kơ hrŭk păng kư̆m ưh kơ jô̆ ôh maih tơmam 'măn lu sư tơ'băk tơ hơko aseh lăk-đa.