Je 49:19 - Sơ̆p Hlabơar Nơ̆r 'Bok Kei-Dei

¹⁹ 'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?

Je 49:19 ပူးပေါင်းရင်းမြစ်များ

I Ho 12:15

'Nâu boih lu bơngai mă tŏk kơ đak Krong Jôrđăn lăm khei mônh, kơplah đak tih lơ̆p blai kơ 'bar pah jih bơnơ̆, blah puh đĭ lu kon pơlei oei lăm thŭng dơnă gah hơlĕch păng gah bơmơ̆t.

II Ho 20:6

Sư krao khan: “Ơ Kră Yang 'Bok Kei-Dei 'bok lu nhôn Ih hăm Kră Yang 'Bok Kei-Dei oei kơpal plĕnh? Ih boih Kră Yang 'Bok Kei-Dei wei pơgơ̆r đĭ kon bơngai păng đĭ kơ teh đak Lăm tơpang ti Ih đei tơdrong mơsêh pran kơtang ưh kơ đei bu kĕ tơblah hăm Ih.

Jop 41:10

Ưh kơ đei bu nuih pơ̆n bơhle sư; Lei, bu pơ̆n dơ̆ng 'bơ̆t anăp Inh?

Jop 9:19

Dah pơlong lăng jơhngơ̆m pran, jei Sư! Tơdah gơnang tơdrong trŏ lăp, bu pơ̆n kêng sư?

Jop 9:21

Inh 'lơ̆ng tơpăt, mă-lei inh khan kơdih ưh kơ yua kiơ; inh areh kơ tơdrong arih inh.

Horiso 143:2

Apinh 'nĕ kơ sek tơlang kơ đĭch đam Ih; Yua kơ 'bơ̆t anăp Ih, ưh kơ đei bơngai bu arih tơpăt.

Horiso 76:7

Lăp minh 'nu Ih đĕch trŏ kơ hli yom; Layơ Ih hil bu kĕ dơ̆ng 'bơ̆t anăp Ih

Horiso 76:8

Ih pơma khan đơ̆ng plĕnh kơ tơdrong sek tơlang. Na teh hli tơrơ, ngăn hreh. Sêla

Horiso 89:6

Yua kơ tơ plĕnh, hăm đei bu gơh pơtŏ hăm Kră Yang? Hăm đei bu lăm lu yang nhen thoi Kră Yang.

Horiso 89:8

Ơ Kră Yang 'Bok Kei-Dei Tih Hloh, bu mơsêh thoi Ih? Tơdrong 'lơ̆ng tơpăt Ih oei tăp dăr kơ Ih.

Le 15:11

Ơ Kră Yang! Lăm lu yang bu yang, thoi Ih? 'Lơ̆ng rơgoh, mơsêh mơyang, mă đei ư-ang, Trŏ kơ hli, trŏ kơ pơyom, gơh pơm dôm tơdrong hlĭch chrơp.

Êsai 40:25

Tơ'ngla 'Lơ̆ng Rơgoh khan: “Lu iĕm wă pơting Inh hăm bu?” Bu hơtŏ hăm Inh?

Êsai 46:9

Lu iĕm athei 'blŏk hơdơ̆r bĕ chăl adrol sơ̆, yua kơ Inh bơih Kră Yang 'Bok Kei-Dei ưh kơ đei yang nai ôh; Inh jơ̆ 'Bok Kei-Dei ưh kơ đei bu dang Inh.

Je 12:5

Tơdah ih kơdâu pơlong jơ̆ng hoh hăm đe boih, na jei đe, Liơ ih kĕ kơdâu pơlong hăm aseh lĕ? Kơplah lăm char oei hiôk-hian mă ih pơ̆k boih, liơ ih kĕ tŏk lăm bri brah đak Krong Jôrđăn?

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 30:21

Lu sư gô đei pơtao lĕch đơ̆ng adrĕch adrung lu sư, Kră pơgơ̆r lu sư kư̆m đei đơ̆ng lăm lu sư. Inh gô krao sư năm jê̆ Inh, wă kơ sư năm jê̆ Inh; yua kơ ưh kơ đei bơngai bu nuih pơ̆n năm jê̆ Inh.” Noh Kră Yang khan.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Da 7:4

Sem brem mă adrol noh hơbŏ thoi dăm-brang păng đei pơnăr sem kring; inh lăng pơnhen dĭng truh tơ pơnăr sư tơbuch, na đe dui hơtŏk sư đơ̆ng teh, sư iung dang dơ̆ng năm 'bar pah jơ̆ng thoi kon bơngai bơ̆n păng kư̆m ăn kơ sư đei jơhngơ̆m kon bơngai.

Na 1:6

Bơngai bu kĕ dơ̆ng 'bơ̆t anăp Sư hil? Bu kĕ chơ̆n jơhngơ̆m kơ tơdrong Sư hil mĭl? Tơdrong blĕk Sư tuh thoi pla ŭnh, lu tơmo tih pơchah yua kơ đơ̆ng Sư.

Sa 11:3

Đei nơ̆r ôr nhơ̆m hmoi lu bơngai wei triu! Yua kơ pơrăm đĭ boih tơdrong ư-ang lu sư; đei lu kon dăm-brang grĕnh ôr! Yua kơ tơdrong 'lơ̆ng rŏ Jôrđăn răm đĭ boih.

Jo 16:5

khan kơ Kôrê păng đĭ-đăng lu bơngai pôm đon hăm sư thoi âu: Pơgê dơning Kră Yang gô tơ'bôh ăn bơngai bu gah Sư mă 'lơ̆ng rơgoh; Sư gô ăn kơ lu bơngai noh gô năm jê̆ Sư, wă khan ăn kơ bơngai mă Sư đei rơih iŏk boih năm jê̆ Sư.

Jôsuê 3:15

Kơplah ei trŏ bơyan kĕch 'ba, đak Krong Jôrđăn tih tŏk 'bĕnh lah lai bơnơ̆. Kơplah lu bơngai tung Hom tơdrong pơgơ̆p Kră Yang, păng 'nao wă chro jơ̆ng 'bơm đak hơiuh tŏ sĕt.

Tơdrông Tơ'bôh 6:17

yua kơ truh năr Sư hil kơ nhôn kơtang kơtĭt na bu kĕ sơ̆n.”