Je 49:17 - Sơ̆p Hlabơar Nơ̆r 'Bok Kei-Dei

¹⁷ Pơlei Eđôm gô jing rơ̆m rĕk; rim 'nu yak trong 'nâu tă kơ jăng krưp. Yua kơ 'bôh tơdrong truh tih krưp tơpă.

Je 49:17 ပူးပေါင်းရင်းမြစ်များ

I Pot 9:8

Hnam akŭm 'nâu, jing rơ̆m rĕk, rim 'nu bơngai năm rok trong Hnam akŭm 'noh lăng hlĭch, păng apinh tơduă khan; Yua kơ kiơ Kră Yang pơm kơ dêh char 'nâu păng Hnam akŭm 'nâu thoi âu.”

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Je 49:13

Kră Yang khan: “Inh pơkă hăm anăn Inh kơdih, pơlei Bôsra gô jing rơ̆m rĕk, đe lăng 'brơ̆ krưp, đe hiĕk ăr, blei hiap păng pŭ hơngiap, lu pơlei sư gô jing rơ̆m rĕk, pơchah răm ling-lang hloi.”

Je 50:13

Yua kơ Kră Yang hil mĭl, Jơ̆p kơ dêh char noh jing juơ tơtŭng, ưh kơ đei bơngai oei, na lu bơngai yak năm rok trong Babilôn lăng hlĭch krưp păng che bơle, Yua kơ pơchah răm đĭ 'biao.

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Êsêkiên 25:13

Kră Yang khan: Inh gô yơ̆r ti Inh phak char Eđôm gô pơlôch đĭ bơngai păng lu sem dơrong noh; Inh gô pơm kơ char noh jing juơ đơ̆ng pơlei Thêman truh tơ pơlei Đêđan, lu sư gô pơ̆k lôch kơ đao.

Êsêkiên 27:36

Lu bơngai mơdro mơchan hăm ih lăm teh đak, hơhôch tơhuăi ih, yua kơ ih đĭ hiong tôch krưp tơpă. Ih jing pă đei dơ̆ng hiong hlŏng hloi truh tơ ning-mônh.’ ”

Êsêkiên 35:15

Yua kơ ih chơt hiôk mưh mŭk tơmam adrĕch Isơrael jing juơ pă đei, na Inh kư̆m gô pơm kơ ih thoi noh. Kông Seir păng đĭ kơ Eđôm, gô jing juơ pă đei păng lu sư gô băt Inh boih Kră Yang.’”

Êsêkiên 35:3

Păng khan kơ lu sư: Kră Yang khan thoi âu: Ơ Kông Seir, inh blah Ih! Inh gô yơ̆r ti blah ih, gô pơm kơ anih ih juơ rơhiăng pă đei.

Êsêkiên 35:7

Inh gô pơm kơ Kông Seir pơchah răm đĭ, pơm kơ anih noh pă đei bơngai yak wih wơ̆t rok noh.

Mi 6:16

Yua kơ lu iĕm oei bơwei tơdrong juăt Ômri păng đĭ-đăng tơdrong jang Ahap; lu iĕm yak kiơ̆ lu sư chă đon pơm kơnê̆, Inh gô pơrăm lu iĕm, na ăn kơ kon pơlei pơla lu iĕm đe gô pơjăm, lu iĕm gô pŭ iŏk tơdrong mơlâu đơ̆ng kon pơlei pơla Inh pơjăm.

Jêphania 2:15

To, pơlei chơt hiôk dang ei oei rơnŭk hơnơ̆ng huay pă tơtăm păng khan lăm jơhngơ̆m: “Inh âu, ưh pă đei bu boih 'nguaih kơ inh!” Ô anih lu sư đĭ juơ boih, jing pơm anih 'bĭch kơ lu sem bri, pă băt dang yơ! Thoi noh mưh đei bơngai năm rok trong ei kơđôp ti hiĕk ăr.

Both 29:22

Adrĕch adrung lu iĕm ning-mônh chăl lu kon sâu lu iĕm păng lu bơngai tơmoi đơ̆ng ataih, 'bôh dôm tơdrong răm pơmat-tat păng tơdrong jĭ jăn mă Kră Yang đei ăn truh wă pơrăm dêh char 'nâu,