Je 49:16 - Sơ̆p Hlabơar Nơ̆r 'Bok Kei-Dei

¹⁶ Ih pơm kơ đe hli tơrơ, tơdrong kơnê̆ ih, tơdrong ih pơang blơ̆ ih boih; ơ bơngai mă oei lăm hơgơp tơmo. Oei kơpal wĕch kông; mă khan ih pơm tơpu kơjung thoi sem klang.” Inh gô tơhuŏng ih đơ̆ng noh, Noh Kră Yang khan.

Je 49:16 ပူးပေါင်းရင်းမြစ်များ

II Pot 14:7

Amasia pơlôch mơjĭt-rơbâu 'nu linh Eđôm tơ lăm thong 'Boh, blah iŏk pơlei Sêla păng đe krao pơlei noh anăn Jôktheel truh tơ dang ei.

Jop 39:27

Hăm trŏ kiơ̆ nơ̆r ih tơtă na sem klang dơsum păr tŏk, Pơm tơpu sư tơ anih kơjung?

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Tơdrông Pơđơk 18:21

Đơ̆ng hơpiĕt gơh pơm kơ bơ̆n arih dah lôch; Bu 'mêm kơ sư gô yua sa đơ̆ng plei noh.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

Êsai 10:14

Ti inh đei iŏk bơih mŭk tơmam đơ̆ng kon pơlei thoi iŏk tơpu sem. Thoi đe dônh kơtăp iĕr đơ̆ng yŏng sư lê̆. Inh dônh pơpôi bơih đĭ teh đak. Ưh kơ đei bu tơtuh pơnăr păr, dah ha 'bơ̆r krao ôr.”

Êsai 2:21

Sư gô mơ̆t ôn tơ lăm trôm tơmo păng hơgơp tơmo, wă kơ weh đơ̆ng anăp tơdrong hli krưp păng tơdrong mơsêh mơyang Kră Yang. Kơplah Sư iung pơm kơ teh tơdrŏ pơpơ̆.

Êsai 49:25

Mă-lei Kră Yang khan thoi âu: “Tơpă, lu bơngai bơnă gô tơgar iŏk đơ̆ng lu bơngai pran kơtang. Păng gô pơdrâu iŏk tơmam đơ̆ng bơngai nuih, Inh gô tơblah hăm lu bơngai blah lu iĕm, păng Inh bơih gô pơklaih kon hơ'lơ̆p iĕm.

Je 48:14

Liơ ih pơ̆n pơang khan: ‘Nhôn lu linh nuih păng lu linh pran kơtang lăm anih tơblah?’

Je 49:15

'Nâu, Inh gô pơm kơ ih jing iĕ tơrăn hloh kơ lu dêh char, păng đe gơ̆ pơjăm.

Je 50:29

Krao bĕ lu bơngai chĕp hră, Blah prah pơlei Babilôn; Wang tăp dăr kơ pơlei; 'nĕ ăn kơ minh 'nu klaih! Pơm bĕ kơ sư thoi sư đei pơm kơ đe, pơm 'mong tơwih kơ sư thoi sư đei pơm boih; Yua kơ sư pơang blah plơ̆ Kră Yang, Tơ'ngla 'Lơ̆ng Rơgoh Isơrael.

Je 51:53

Mă khan dêh char Babilôn tih kơjung hơtŏ kơ plĕnh, mă sư man dur pơm kơđông kơjăp. Inh gô ăn lu bơngai năm blah pơrăm pơlôch sư.” Noh Kră Yang khan.

Am 9:2

Mă khan lu sư sir jrŭ truh tơ dêh hơtâu, ti inh kư̆m gô wŏk iŏk lu sư lĕch; mă khan lu sư tŏk truh tơ plĕnh, inh gô tơjur tơhuŏng lê̆ lu sư đơ̆ng noh.

Habakuk 2:9

Răm-'băm tơpă kơ lu bơngai bu jang sa ưh kơ tơpăt chă lơi kơ hnam dơnŏ kơdih akâu, wă pơm tơpu tơ kơpal kơjung, wă kơ klaih đơ̆ng ti lu bơngai pơm kơnê̆.

Malachi 1:3

Mă-lei Inh 'mêm kơ Jakôp areh kơ Êsâu, Inh pơm ăn kơ lu bri kông sư jing juơ păng jao mŭk tơmam sư ăn kơ lu kŏ bri tơ lăm char 'blach sa.”