Je 49:13 - Sơ̆p Hlabơar Nơ̆r 'Bok Kei-Dei

¹³ Kră Yang khan: “Inh pơkă hăm anăn Inh kơdih, pơlei Bôsra gô jing rơ̆m rĕk, đe lăng 'brơ̆ krưp, đe hiĕk ăr, blei hiap păng pŭ hơngiap, lu pơlei sư gô jing rơ̆m rĕk, pơchah răm ling-lang hloi.”

Je 49:13 ပူးပေါင်းရင်းမြစ်များ

Bl 22:16

Na Kră Yang khan thoi âu: “Yua kơ ih đei pơm boih tơdrong, noh huay kơeng kơ kon ih, mă khan kon pôm ră, na kơdih akâu Inh pơkă pơkăm:

Bl 36:33

Pơtao Bêla lôch, Jôbap, kon drŏ-nglo Sêra, bơngai Bôsra tŏk pơm pơtao.

I Ho 1:44

Pơtao Bêla lôch, Jôbap, kon drŏ-nglo Sêra, bơngai pơlei Bôsra, iung pơm pơtao.

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Êsai 45:23

Kơdih kâu Inh pơkă bơih: Lăm nơ̆r tơpăt sĭt, nơ̆r lĕch bơih đơ̆ng 'bơ̆r Inh. Nơ̆r pơma noh ưh kơ gơh wih pơdrâu dơ̆ng: Đĭ-đăng kŭl-tăng gô sơtơ̆p 'bơ̆t anăp inh, rim 'bơ̆r gô pơkă 'bơ̆t anăp Inh.

Êsai 63:1

Bu Tơ'ngla mă truh đơ̆ng char Eđôm. Đơ̆ng pơlei Bôsra? Na hrŭk hơbĕn ao gôh rang hơdah, yak năm hăm tơdrong pran kơtang. Noh Inh bơih Tơ'ngla pơma nơ̆r 'lơ̆ng tơpăt Tơ'ngla mơsêh mơyang tih-tin wă dŏng pơklaih.”

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Je 44:26

Mă-lei, ơ đĭ-đăng bơngai Juđa hrei âu oei oei lăm dêh char Êyiptơ, mơ̆ng bĕ nơ̆r Kră Yang, khan: ‘'Nâu Inh yua anăn mơsêh tih Inh na pơkă, lăm dêh char Êyiptơ gô ưh pă đei minh 'nu bơngai Juđa ayơ mă gơh ha 'bơ̆r krao apinh anăn Inh dơ̆ng: Sĭt tơpă thoi Kră Yang arih!’

Je 48:24

Pơlei Kêriôt, pơlei Bôsra: Đĭ-đăng pơlei tih lăm char Môap jê̆ dah ataih.”

Je 49:22

'Nâu, lu ayăt thoi sem klang păr jruh, Bơyar pơnăr sư pơm kơ pơlei Bôsra, Lăm năr noh jơhngơ̆m lu drŏ-nglo nuih pran char Eđôm nhen thoi jơhngơ̆m bơngai drŏ-kăn oei tŏk-bŏk hơiơch.”

Je 51:14

Kră Yang Tih Hloh yua anăn Sư kơdih na pơkă pơkăm: “Inh gô ăn sĭt lu linh 'bĕnh-'bang kơ dêh char thoi lep tung-nut, Lu sư ôr tơkĕch jreo jei boih tơ jơ̆p-jang anih.

Jôel 3:19

Dêh Êyiptơ gô jing bri juơ, Eđôm kư̆m gô jing bri rơwơ̆ng, yua kơ lu sư pơm kơnê̆ kơ lu kon sâu Juđa, păng đei pơlôch tơlĕch pham lu bơngai tơpăt lăm teh đak Juđa.

Am 1:12

Inh gô ăn ŭnh truh tơ pơlei Têman, sư gô sa pơđĭ lu kơđông kơjăp Bôsra.

Am 6:8

Kră Yang 'Bok Kei-Dei Tih hloh khan thoi âu: Kră Yang pao anăn Sư kơdih păng pơkă khan: Inh areh dêh kơ tơdrong pơang Jakôp păng hil mĭl kơ kơđông kơjăp sư; yua kơ thoi noh inh gô jao pơlei tih âu păng dôm lu tơmam lăm noh kơ lu ayăt.

Ob 1:18

Hnam Jakôp gô thoi ŭnh păng hnam Jôsep gô thoi pla ŭnh; hnam Êsâu gô thoi hơnong 'ba, mă sư gô soh sa đĭ, hnam Êsâu gô ưh pă đei bu klaih kơ lôch; yua kơ Kră Yang đei khan thoi noh.