Je 49:12 - Sơ̆p Hlabơar Nơ̆r 'Bok Kei-Dei

¹² Kră Yang khan: Tơdah lu bơngai mă ưh kơ trŏ huch pơnhan 'nâu, athei huch; lei liơ ih hăm gơh klaih đơ̆ng phak ưh? Ih ưh kơ gơh klaih ôh đơ̆ng tơdrong phak. Sĭt tơpă ih gô huch pơnhan 'nâu.”

Je 49:12 ပူးပေါင်းရင်းမြစ်များ

Tơdrông Pơđơk 17:5

Bơngai bu pơjăm bơngai dơnuh hin, noh pơjăm Kră Yang Tơ'ngla pơjing sư; Bơngai bu chơt hiôk kơ tơdrong pơmat truh ưh kơ klaih ôh đơ̆ng phak.

Je 25:15

Kră Yang 'Bok Kei-Dei Isơrael khan kơ inh: “Iŏk bĕ kơchŏk 'bĕnh kơ sik Inh mĭl đơ̆ng ti Inh, pơhuch bĕ đĭ-đăng kơ adrĕch adrung mă Inh wơh ih năm tơ yơ athei huch sik noh.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Je 46:27

“Ơ Jakôp đĭch đam Inh, 'nĕ kơ hli! Ơ Isơrael 'nĕ tơrơ tăr wăr! Inh gô pơklaih ih đơ̆ng anih ataih hơtŏ, dŏng pơklaih adrĕch adrung ih đơ̆ng dêh char mă oei pơm đĭch. Jakôp gô wih brŏk arih jang sa hiôk-hian, ưh pă đei hli kơ bu dơ̆ng.”

Ob 1:16

Sĭt thoi ih đei huch tơdrong Inh phak tơ kông rơgoh Inh thoi yơ, na đĭ-đăng teh đak kư̆m gô huch thoi noh; sĭt, lu sư gô huch sa păng luăn hloi, huch ling-lang pă pơdơh đơ̆ng noh lu sư gô lôch hiong thoi ưh tam đei lu sư!

Mathiơ 20:22

Yêsu khan kơ bre kon sư: “Lơliơ biĕm ưh kơ pơwao tơdrong biĕm wă noh? Biĕm hăm kĕ iŏk tơdrong anat thoi Inh iŏk?” Bre sư khan: “Nhi kĕ iŏk.”