Je 49:10 - Sơ̆p Hlabơar Nơ̆r 'Bok Kei-Dei

¹⁰ Mă-lei Inh gô iŏk đĭ mŭk tơmam Êsâu, Inh pơih pơdah đĭ boih anih lu sư ôn, na kơ lu sư ưh pă gơh ôn đơ̆ng. Đe pơrăm pơlôch đĭ boih lu kon sâu sư, 'nhŏng oh sư, lu bơngai rông 'bôt sư, lu sư ưh pă đei bu oei arih. Ưh kơ đei bu chro ti dŏng tơgŭma

Je 49:10 ပူးပေါင်းရင်းမြစ်များ

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Êsai 17:14

Kiơ̆ kơsơ̆ đei tơdrong hli tơrơ; adrol kơ pơgê hrôih truh ưh pă 'bôh lu sư dơ̆ng, 'nâu minh tơdrong tuh ăn kơ lu bơngai blah tơgar iŏk mŭk tơmam dêh char bơ̆n, noh jơ̆ tơdrong truh kơ lu bơngai tơtông tơgar tơmam đơ̆ng lu bơ̆n.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Je 13:26

Inh gô plôh lê̆ hơbĕn iĕm truh tơ muh măt iĕm, na gô 'bôh tơdrong mơlâu iĕm.

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Nhom 4:22

Ơ kon adruh Siôn, tơdrong phak yoch e truh boih, Kră Yang huay kơ puh e pơm bơnă dơ̆ng. Ơ kon adruh Eđôm, Kră Yang gô phak yoch e; gô tơ'bôh tơdrong kơnê̆ e!

Am 9:3

Mă khan lu sư kơdâu ôn tơ kơpal kông Karmel, inh kư̆m gô chă wă pơdŭng tơlĕch lu sư; mă khan lu sư klĕnh đơ̆ng muh măt inh ôn tơ ala đak dơsĭ sŭng, inh kư̆m gô ăn kơ 'bih choh lu sư tơ noh.

Ob 1:6

Đe gô chă pơpơih iŏk tơmam Êsâu, dôm tơmam gĭt sư ôn hlơp ră mă-lei đe gô chă pơpơih iŏk.

Ob 1:9

Ơ char Têman dôm lu linh nuih kơtang ih gô hơwơ̆l hơwang, thoi noh na đe gô pơlôch đĭ lu drŏ-nglo đơ̆ng kông Êsâu lăm ei.

Rom 9:13

Na tơdrong bre noh, lăm hla bơar 'Bok Kei-Dei roi thoi âu: “Inh 'mêm kơ oh sư Jakôp; gah 'nhŏng sư Êsâu Inh ưh kơ 'mêm ôh.”