Je 48:45 - Sơ̆p Hlabơar Nơ̆r 'Bok Kei-Dei

⁴⁵ Lu bơngai kơdâu klĕnh lap rơmơ̆n lu sư ôn pơdơh lăm yơ̆p pơlei Hesbôn; ưh pă đei bu gơh tơgŭm yua kơ đei ŭnh sa lĕch đơ̆ng pơlei Hesbôn, pla ŭnh đơ̆ng hnam pơtao Sihôn; ŭnh noh soh pơrăm đĭ char Môap, păng sa kơting kơ̆l lu bơngai jreo tơkĕch kơ chu, pơang dih kâu.

Je 48:45 ပူးပေါင်းရင်းမြစ်များ

Horiso 135:11

Thoi Sihôn pơtao bơngai Amôrit, Ok, pơtao lu bơngai Basan. Păng đĭ-đăng pơtao dêh char Kanaan

Horiso 78:63

Ŭnh sa lu kon tơdăm lu sư. Păng kon adruh lu sư ưh pă đei bu iŏk oei.

Je 2:16

Kŭm đei lu bơngai Memphis păng Tahpanhes mă pơm kơ kơ̆l 'ngok iĕm pơchah boih.

Je 48:2

Đe ang kơ char Môap ưh pă đei boih; tơ pơlei Hesbôn, lu sư pơđâu wă pơrăm Môap: ‘Bĕ bơ̆n năm pơrăm kon pơlei 'nâu, sŭt lê̆ dĭng pă đei jô̆ Môap lăm lu dêh char dơ̆ng! Ơ pơlei Matmen, ih kư̆m lei-lăi, ăn kơ ih ngăn hreh; đao gưm gô druh kiơ̆ ih.

Am 2:2

Inh gô ăn ŭnh truh tơ dêh Môap, sư gô sa lu kơđông kơjăp Kêriôt. Kon pơlei Môap gô lôch, kơplah đe ôr tơjrông tơjrang păng hlôm keng.

Sa 10:4

Đơ̆ng lu sư gô đei tơmo mum hnam, đơ̆ng lu sư đei 'long đe pơ̆ng hnam khăn, đơ̆ng lu sư đei hră tơblah, đơ̆ng lu sư gô đei lu kră pơgơ̆r;

Jo 21:21

Bơngai Isơrael wơh bơngai năm tơbăt ăn kơ Sihôn, pơtao bơngai Amôrit khan:

Jo 21:26

Yua kơ Hesbôn pơlei tih Sihôn, pơtao bơngai Amôrit, bơngai mă đei tơblah hăm char Môap adrol sơ̆, blah iŏk đĭ jơ̆p tơring truh tơ Krong Arnôn.

Jo 21:28

Yua kơ đei ŭnh lĕch đơ̆ng pơlei Hesbôn. Pla ŭnh lĕch đơ̆ng pơlei Sihôn. Ŭnh noh sa pơlei Ar lăm char Môap. Đĭ-đăng anih kơjung lu yŏng pơgơ̆r oei tơ đak Krong Arnôn.

Jo 21:29

Ơ Môap! Răm-'băm tơpă kơ ih! Ơ kon pơlei Kêmôs, ih lôch răm đĭ boih! Lu kon drŏ-nglo gô kơdâu ôn păng tơklah tơklang, lu kon drŏ-kăn ih gô jing bơnă, kơ Sihôn, pơtao đe Amôrit.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Mathiơ 21:42

Yêsu jet lu sư: “Tơdrong 'Bok Kei-Dei âu iĕm tam mă đŏk lăng tơpă hă? ‘Tơmo lu bơngai man hnam tŭk boih, tơmo noh 'Bok Kei-Dei lăng gĭt tơpă man sư 'bơ̆t mum hnam. Sư pơm thoi noh trŏ tơpă, mă măt bơ̆n lăng kư̆m 'lơ̆ng mơ̆n.’