Je 48:37 - Sơ̆p Hlabơar Nơ̆r 'Bok Kei-Dei

³⁷ Rim 'nu hơkôih boih kơ̆l 'ngôch, hơkôih boih sŏk kang, raih chrek ti rơka, tơ̆n ao 'bi tơ kơiĕng.

Je 48:37 ပူးပေါင်းရင်းမြစ်များ

Bl 37:29

Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

Bl 37:34

Jakôp hek lê̆ hơbĕn ao sư kơdih, sư iŏk 'bi hơbĕn păng grong sơ'ngon đunh năr kơ kon drŏ-nglo sư lôch.

I Pot 18:28

Kơtơ̆ng lei lu sư krao ôr rai rơ̆n, iŏk đao tơju raih akâu lu sư kơdih pham lĕch djrông djrang mang.

I Pot 21:27

Lăp Ahap kơtơ̆ng nơ̆r pơma noh, sư hek ao sư kơdih. Sư iŏk hrŭk ao 'bi păng ơ̆t kơ sŏng sa; sư 'bĭch kơpal 'bi păng chu iŏk đon ala.

II Pot 6:30

Kơtơ̆ng duch ei roi thoi noh, pơtao hek ao sư kơdih. Kơplah ei, pơtao oei nơnăm rok kơpal dur pơlei, na kon pơlei 'bôh sư hrŭk ao 'bi tơ lăm.

I Ho 19:4

Thoi noh Hanun rôp lu jơ̆ng 'bang Đawit hơkôih lê̆ sŏk kang, hăm kăt lê̆ ao sư minh puăt truh tơ kơiĕng đang kơ noh tơbrŏk lu sư wih.

Êsai 20:2

Kơplah noh Kră Yang, khan kơ Êsai kon drŏ-nglo Amôt: “Năm bĕ, plôh lê̆ ao 'bi ih păng plôh lê̆ chơkhŏ đơ̆ng jơ̆ng ih.” Êsai pơm kiơ̆ nơ̆r noh, năm akâu hoh păng yak jơ̆ng hoh.

Êsai 3:24

Đak 'bâu ôm tơplih kơ đak pơgang 'bâu phu, tơlei kơnŭi pơm tơlei tơ̆n: Kơ̆l sŏk tơtuh tơplih kơ đei sŏk jing; bơnal 'bi pơ̆n akâu tơplih kơ ao tai brai se, tơdrong mơlâu tơplih tơdrong 'lơ̆ng.

Êsai 37:1

Kơtơ̆ng tơdrong noh, pơtao Hesekia hek hloi ao sư kơdih, hrŭk 'bi năm mơ̆t tơ lăm hnam akŭm kơkuh Kră Yang.

Je 16:6

“Đĭ bơngai pơm tih păng bơngai hmă gô lôch lăm teh đak âu. Ưh kơ đei bu 'bŭ păng kư̆m ưh kơ đei bu nhơ̆m hmoi kơ lu sư. Ưh kơ đei bu raih akâu dah yuă sŏk yua kơ lu sư.

Je 41:5

đei tơhngam-jĭt 'nu bơngai drŏ-nglo hơkôih sŏk kang hek hơbĕn ao, raih akâu lu sư kơdih hăm săng, lu sư năm đơ̆ng pơlei Sichem, Silô păng Samari, chĕp ba lu tơmam phe 'ba păng lu tơmam 'bâu phu wă năm pơyơ̆r tơ hnam Kră Yang.

Je 47:5

Kon pơlei Gasa sơ'ngon gô hơkôih sŏk kơ̆l; kon pơlei Askalon ngăn đĭ, Ơ lu kon pơlei Anakim mă oei oei lăm tơmăn dơnă, lu iĕm wă raih chrek akâu iĕm dĭng dang yơ?

Je 49:3

“Nhơ̆m hmoi bĕ! Ơ pơlei Hesbôn, yua kơ đe pơrăm boih pơlei Ahi! Nhơ̆m bĕ, ơ kon pơlei Rapba! Ôr krao bĕ, hrŭk bĕ ao 'bi, tŭr kơtơh, raih akâu bĕ na kơdâu tơ âu tơ noh! Yua kơ yang Molek gô chĕp ba, hơdai hăm lu 'bok soi, hăm lu yŏng sư, năm pơm bơnă đe.

Êsêkiên 27:31

Lu sư gô hơkôih kơ̆l 'ngôch, hrŭk su 'bi sơ'ngon yua kơ ih, jĭ jơhngơ̆m ơh sơ'ngon nhơ̆m hmoi ơh ol.

Êsêkiên 29:18

“Ơ kon bơngai, Nebukatnessar pơtao đe Babilôn, pơm ăn kơ lu linh sư jang gleh anat wă blah pơlei Tirơ; kơ̆l lu sư jing 'ngôch, hơngiĕng lu sư luih pơtao noh hăm lu linh sư mă khan blah pơlei Tirơ, hrat pơmat thoi noh ră kư̆m kơbĭ đei kiơ.

Êsêkiên 7:18

Lu sư gô hrŭk ao 'bi păng đei tơdrong hli krưp gom lu sư thoi ao. Rim kơ muh măt lu sư hơ'nhŭk oei mơlâu. Lu sư hơkôih kơ̆l 'ngôch đĭ yua kơ sơ'ngon.

Lêwi 19:28

Kơplah bơngai lôch iĕm 'nĕ kơ 'bet akâu, 'nĕ kơ chhơ̆ săm akâu iĕm, Inh boih Kră Yang.

Am 8:10

Inh gô ăn kơ năr chơt hiôk iĕm jing năr ơh sơ'ngon păng đĭ-đăng lu tơdrong hơri iĕm jing nhơ̆m hmoi. Inh gô chô̆ ăn 'bi nai tơ rim kơiĕng păng pơm ăn kơ rim kơ̆l jing kơ̆l hoh. Inh gô ăn tơdrong ơh sơ'ngon, thoi hiong minh 'nu kon pôm drŏ-nglo păng năr tôch sư thoi năr ơh sơ'ngon dêh.

Mi 1:16

Inh athei hơkôih lê̆ sŏk ih yuă jing 'ngôch kơ kon sâu mă ih kơeng; hơkôih bĕ kơ̆l 'ngôch thoi sem grơ̆, yua kơ lu kon hơ'lơ̆p gô tơklah đơ̆ng ih lu sư gô pơm bơnă.

Markôs 5:5

Mă kơmăng, mă kơ'năr, sư oei tơ bơsat, phŏ tơ kông, sư ling-lang tơkĕch păng iŏk tơmo tôn akâu sư kơdih.

Tơdrông Tơ'bôh 11:3

Na inh wă ăn 'bar 'nu bơngai hrŭk ao 'bi năm chă pơtruh kơ đe tơdrong 'Bok Kei-Dei kơplah lăm minh-rơbâu 'bar-hrĕng tơdrâu-jĭt năr.”