Je 47:4 - Sơ̆p Hlabơar Nơ̆r 'Bok Kei-Dei

⁴ Yua kơ năr truh boih, wă pơrăm đĭ-đăng bơngai Philistin, wă pơrăm pơlôch lu bơngai mă oei oei. Ưh kơ gơh tơgŭm kon pơlei Tirơ, păng kon pơlei Siđôn. Kră Yang gô pơlôch pơrăm bơngai Philistin lu bơngai mă oei oei lăm bŏl đak Kaptôr.

Je 47:4 ပူးပေါင်းရင်းမြစ်များ

Bl 10:15

Kanaan pơjing Siđôn, kon drŏ-nglo kơdră sư păng Hêt.

I Ho 1:12

Pathrusit, Kasluhim, păng Kaptôrit. Đơ̆ng Kasluhit đei adrĕch Philistin.

Jop 9:13

Kră Yang 'Bok Kei-Dei ưh kơ đei lê̆ ôh tơdrong Sư hil; Lu bơngai tơgŭm Rahape bon drap ala jơ̆ng Sư.

Horiso 37:13

Kră Yang gô hiĕk kơ lu sư, Yua kơ 'bôh khei 'năr wă phak lu sư wă jê̆ boih.b

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 14:31

Ơ 'măng jang nhơ̆m ơh bĕ, ơ pơlei tih ôr tơngưih bĕ, ơ pơlei Philistin đĭ-đăng iĕm gô pơchah răm, yua kơ đei 'nhui ŭnh tih đơ̆ng yă-nơ̆m truh, ưh kơ đei bu gơh weh đơ̆ng anih lu khŭl linh sư.

Êsai 20:6

Lăm năr noh lu bơngai oei jê̆ đak dơsĭ gô khan to, lu adrĕch adrung mă bơ̆n gơnang păng kơdâu tơkan wă kơ gơh dŏng pơklaih đơ̆ng pơtao dêh Asiri, na lu sư đĭ jing thoi noh bơih! Lei liơ bơ̆n gơh klaih?

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Êsêkiên 21:25

Gah ih, ơ pơtao Isơrael pơm kơnê̆ kư̆ kă, năr ih truh boih kơ năr tôch wă phak.

Êsêkiên 21:29

Lu sư 'bôh tơdrong tơ'bôh hơlĕnh, hlang lăng tơdrong glăi ăn kơ lu iĕm, Đe dan đao tơ hơko lu iĕm pơm kơnê̆ krưp, lu iĕm mă năr lu sư truh boih. Truh boih kơ năr wă phak.

Êsêkiên 25:16

Kră Yang khan: Yua kơ thoi noh na Inh gô yơ̆r ti phak Philistin; Inh gô tơhiong đĭ bơngai Kôrêthit; păng gô pơlôch đĭ lu bơngai mă oei arih tơter đak dơsĭ.

Êsêkiên 30:8

Na lu sư gô băt Inh boih Kră Yang, kơplah Inh ăn ŭnh sa tơ char Êyiptơ păng lu bơngai mă tơgŭm lu sư kư̆m pơchah răm.

Êsêkiên 7:12

Jơ trŏ boih, 'năr truh boih! Bơngai răt 'nĕ kơ chơt hiôk, bơngai tĕch kư̆m 'nĕ kơ ơh sơ'ngon, yua kơ tơdrong truh kơ đĭ-đăng.

Hôsia 9:7

Năr wă phak lu sư truh boih, năr wă pơm 'mong lu sư truh boih! Ăn kơ lu bơngai Isơrael athei băt tơdrong noh. Yua kơ tơdrong yoch iĕm tih dêh, Păng tơdrong lu iĕm hil mĭl kư̆m tih dêh, Iĕm lăng lu bơngai khan lê̆ adrol thoi bơngai kơhlôh kơwao, thoi bơngai yang mơ̆t jing wơnh,

Am 9:7

Kră Yang khan: Ơ kon sâu Isơrael, hăm trŏ Inh ưh kơ lăng iĕm thoi lu kon sâu bơngai Êthiôpi? Inh ưh kơ trŏ chông tơlĕch iĕm đơ̆ng teh đak Êyiptơ, bơngai Philistin đơ̆ng Kaptôr păng bơngai Siri đơ̆ng char Kir hă?

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Both 2:23

Bĕ gah kon pơlei Awim, oei đơ̆ng lăm lu pơlei iĕ truh tơ pơlei Gasa, kon pơlei Kaptorim, oei đơ̆ng char Kaptôr pơrăm lu sư na oei hloi tơ noh.

Jôsuê 22:30

Kơplah 'bok soi Phinêhas păng lu kră pơgơ̆r lăm khŭl tơpôl, wă khan lu kră Yŏng kơdră kon pơlei bơngai Isơrael mơ̆ng nơ̆r bơngai Rubên, bơngai Gat păng minh puăt bơngai Manase pơma lu sư lăp đon.