Je 46:6 - Sơ̆p Hlabơar Nơ̆r 'Bok Kei-Dei

⁶ Lu bơngai hơbĕch hơbal kư̆m kơdâu ôn ưh kơ tam, Lu bơngai pran kơtang kư̆m ưh kơ gơh klaih. Lăm char gah yă-nơ̆m, jê̆ Krong Ơphrat, Lu sư kơtơih pơ̆k!

Je 46:6 ပူးပေါင်းရင်းမြစ်များ

II Pot 23:29

Lăm chăl Jôsia pơgơ̆r, 'bok Pharaôn Nêkô, pơtao đe Êyiptơ năm tơ đak Krong Ơphrat, tơgŭm pơtao đe Asiri tơblah. Na Jôsia năm găn tơblah hăm sư. Mă-lei lăp Pharaôn Nêkô tơ'bơ̆p sư, na pơlôch lê̆ sư tơ pơlei Mêgiđô.

II Pot 24:7

Pơtao đe Êyiptơ ưh kơ pơ̆n lĕch jăk đơ̆ng dêh char sư kơdih, yua kơ pơtao đe Babilôn tơgar iŏk bơih dêh char sư pơgơ̆r noh, đơ̆ng đak glung Êyiptơ truh tơ đak krong Ơphrat.

Horiso 27:2

Mưh lu bơngai pơm kơnê̆ bruh Wă hek sa sĕch inh, lu ayăt hăm lu bơngai wă blah inh. Na lu sư pơ̆k đĭ-đăng.

Bôk Bơthô 9:11

Inh 'bôh dơ̆ng đei tơ lăm ala teh 'nâu. Bơngai kơdâu hrĕnh kư̆m ưh kơ jei sư ling-lang lăm năr kơdâu pơjei, bơngai pran kư̆m ưh kơ kĕ tơblah jei ngăl, bơngai hơgei kư̆m ưh kơ đei tơmam sa phĭ mah ngăl, bơngai hlôh wao kư̆m ưh kơ mơdrŏng ngăl, bơngai đei 'bơ̆r đon kư̆m ưh kơ đei pŭn hiôk, yua kơ jơ lăp gô truh kơ đĭ-đăng rim bơngai lei-lăi.

Êsai 8:15

Đei lơ lăm lu sư gô kơtơih pơ̆k. Lu sư gô pơ̆k huŏng păng, pơchah pơchek, gô hrơ̆p hơnhuăl păng đe gô rôp.

Je 1:14

Kră Yang khan kơ inh: “Đơ̆ng gah yă-nơ̆m gô đei tơdrong gleh truh kơ đĭ-đăng kon pơlei lăm teh âu.”

Je 20:11

Mă-lei Kră Yang oei hơdai inh, thoi minh 'nu bơngai linh nuih kơtang; Na lu bơngai pơm kơnê̆ kơ inh gô pơ̆k huŏng, ưh kĕ kơ jei lu sư, yua kơ lu sư oei arih sa ưh kơ 'lơ̆ng, gô pŭ iŏk tơdrong mơlâu tih, mơlâu ling-lang hlŏng hloi ưh kơ đei layơ hiơt.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 4:6

Pơdơ̆ng bĕ hla-kơ tơ gah Siôn! Kơdâu ôn bĕ tơ anih hơđơ̆ng 'nĕ pă dơ̆ng, yua kơ Inh gô ăn tơdrong pơrăm truh đơ̆ng yă-nơ̆m, minh tơdrong pơrăm tih.

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Je 46:12

Đĭ-đăng dêh char nai gô kơtơ̆ng ang lu iĕm đei tơdrong mơlâu. Tơ lăm jơ̆p-jang kơ teh đak gô kơtơ̆ng ang tơdrong lu iĕm ôr krao dŏng; linh âu kơtơih kơ linh nai. Bre sư gô pơ̆k pơđĭ.”

Je 46:16

Lu sư gô kơtơih pơ̆k. Lu sư gô pơ̆k hơtŭt tơduă lu sư. Lu sư khan: ‘Iung wih brŏk bĕ tơ adrĕch adrung lu bơ̆n, tơ char mă mĕ tơpŭ kơ bơ̆n, weh đơ̆ng đao gưm đe pơjuă pơđep!’

Je 50:32

Dêh char pơang gô kơtơih păng pơ̆k, Ưh kơ đei bơngai bu tơiung sư, Inh gô iŏk ŭnh soh lu pơlei sư, Ŭnh gô sa đĭ-đăng tơmam tăp dăr kơ sư.”

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Da 11:19

Đơ̆ng noh lu sư wih tơ rŏng brŏk dơ̆ng tơ pơlei sư kơdih; mă-lei lu sư gô kơtơih păng pơ̆k, na chă pă đei 'bôh lu sư dơ̆ng.

Da 11:22

Khŭl linh lơlang 'bĕnh-'bang, gô kơdâu sơlah gah thuơ đĭ 'bơ̆t anăp sư, truh tơ yŏng lu bơngai mă Kră Yang đei pơkăm pơkă băl kư̆m lei-lăi.