Je 46:5 - Sơ̆p Hlabơar Nơ̆r 'Bok Kei-Dei

⁵ Liơ inh 'bôh? Lu sư hli tơrơ kơdŭn đĭ tơ rŏng, lu linh tơblah, thuơ kơdâu tơklah tơklang. Pă pơ̆n hue-huo. Tơdrong hli krưp puăn pah!” Noh Kră Yang khan:

Je 46:5 ပူးပေါင်းရင်းမြစ်များ

Bl 19:17

Na kơplah bre linh jang 'lơ̆ng chông ba bre sư lĕch hlôi boih, minh 'nu lăm bre sư khan: “Kơdâu ôn bĕ, wă pơklaih tơdrong arih, 'nĕ pă hue tơ rŏng păng kư̆m 'nĕ chă pơdơh tơ anih lăm thŭng, athei kơdâu tŏk tơ kông, kơnh hli kơ ih lôch.”

Êsai 13:8

Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Êsai 42:17

Mă-lei lu bơngai gơnang kơ rup yang lu sư traih lu bơngai khan kơ lu rup lu sư man: Lu iĕm bơih yang lu nhôn, tă kơ gô kơdŭn tơ rŏng păng mơlâu.

Êsai 5:25

Thoi noh bơih na Kră Yang hil mĭl kơ kon pơlei Sư; Kră Yang hiŏng ti teh lu sư, kông tơdrŏ, akâu bơngai lôch 'bĕnh-'bang kơ trong. Mă-lei tơdrong Kră Yang hil oei ưh kơ ngach oei hiŏng ti hil kơ lu sư 'mơ̆i.

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Je 46:15

Liơ yang Apis mă pran kơtang ih kơdâu boih? Yang rơmo tơno ih ưh kơ kĕ kơ dơ̆ng, yua kơ Kră Yang tơlơ̆ lê̆ sư.

Je 46:21

Mă lu linh sư mưng oei hơdai sư, thoi kon rơmo bek 'lơ̆ng, kư̆m kơdâu tơklah ưh kơ kĕ dơ̆ng ôh. Yua kơ tơdrong răm truh tơ lu sư, trŏ năr phak lu sư boih.

Je 49:29

Đe gô iŏk đĭ bơsŭn păng puh ba lu kon sem dơrong lu sư, pơk hnam păng đĭ-đăng mŭk tơmam lu sư. Đe gô puh ba đĭ lu aseh lăk-đa lu sư. Lu bơngai drŏ-nglo ôr krao. ‘Đei tơdrong hli krưp tăp tang!’

Je 49:5

Kră Yang Tih Hloh khan: “Inh gô tuh ăn tơdrong kơnê̆ hli krưp truh tơ lu iĕm, đơ̆ng rim dêh char mă oei tăp dăr, lu iĕm gô kơdâu tơklah tơklang, ưh kơ đei bu gô akŭm lu bơngai mă kơdâu ôn,

Je 6:25

“'Nĕ kơ lĕch năm tơ mir chŭn, kư̆m 'nĕ kơ yak rok trong tih, yua kơ lu bơngai ayăt chĕp đao, tơdrong hli krưp tơ jơ̆p puăn pah.

Êsêkiên 32:10

Inh gô ăn kơ kon pơlei lăng ih, chrêu kơ đon păng pơtao lu sư gô hli tơtơ̆ yua kơ ih; kơplah Inh yơ̆r đao 'bơ̆t anăp lu sư. Lăm năr mă ih pơchah răm lu sư hli tơtey, rim jơ rim 'nu tơtăm kơ tơdrong arih lu sư kơdih.”

Êsêkiên 39:18

Lu iĕm gô sa sĕch lu bơngai nuih kơtang, huch pham lu yŏng pơgơ̆r tơ ala teh thoi sa sĕch lu triu tơno lu bơbe, rơmo, lu sem dơrong bek tơ char Basan.

Na 2:8

Na, Niniwe sơ̆ thoi đak dơnâu. Mă-lei dang ei lu sư hrơ̆ đĭ boih. Đei đe krao ôr thoi âu: Dơ̆ng bĕ, dơ̆ng bĕ Mă-lei ưh kơ đei bu wih tơ rŏng.

Na 2:9

Tơgar iŏk hu, tơgar iŏk maih bĕ; yua kơ tơmam gĭt lu sư lơlap, tơmam kăp lu sư lơ dêh.

Jêphania 1:14

“Năr kăl tih Kră Yang jê̆ boih, wă jê̆ boih; sư wă truh tĕnh tơpă. Năr Kră Yang đei nơ̆r re jơwa, jơ noh lu bơngai nuih kơtang gô nhơ̆m ôr ơh sơ'ngon dêh.