Je 46:2 - Sơ̆p Hlabơar Nơ̆r 'Bok Kei-Dei

² Gah dêh Êyiptơ: Nơ̆r roi gah lu linh Pharaôn Nekô pơtao dêh Êyiptơ, oei cheng Krong Ơphrat tơ pơlei Karchêmis; lu linh mă đơ̆ng tơblah thuơ kơ Nebukatnessar, pơtao Babilôn, lăm sơnăm mă puăn chăl Jêhôiakim, kon drŏ-nglo Jôsia, pơm pơtao đe Juđa.

Je 46:2 ပူးပေါင်းရင်းမြစ်များ

II Pot 18:21

Noh dang ei ih gơnang kơ Êyiptơ hă? Noh jơ̆ thoi 'long gơlar tơgơ̆, dah bu tơjră kơ 'long noh sĭt gô trŏ ti klĕch hloi. Bu gơnang kơ Pharaôn, pơtao đe Êyiptơ, lu sư kư̆m thoi noh mơ̆n.

II Pot 23:29

Lăm chăl Jôsia pơgơ̆r, 'bok Pharaôn Nêkô, pơtao đe Êyiptơ năm tơ đak Krong Ơphrat, tơgŭm pơtao đe Asiri tơblah. Na Jôsia năm găn tơblah hăm sư. Mă-lei lăp Pharaôn Nêkô tơ'bơ̆p sư, na pơlôch lê̆ sư tơ pơlei Mêgiđô.

II Pot 23:33

Pharaôn Nêkô chĭt kron lê̆ sư tơ Risla, lăm dêh Hamat wă kơ sư ưh kơ đei pơgơ̆r Pơlei Jêrusalem dơ̆ng. Đơ̆ng noh sư pơgŏ athei dêh ei ra ăn kơ lu sư minh-hrĕng hlak talâng hu păng minh talâng maih.

II Pot 24:7

Pơtao đe Êyiptơ ưh kơ pơ̆n lĕch jăk đơ̆ng dêh char sư kơdih, yua kơ pơtao đe Babilôn tơgar iŏk bơih dêh char sư pơgơ̆r noh, đơ̆ng đak glung Êyiptơ truh tơ đak krong Ơphrat.

Êsai 10:9

Hăm trŏ kơ pơlei Kalnô kư̆m thoi pơlei Karchêmis, pơlei Hamat kư̆m thoi pơlei Arpat, pơlei Samari kư̆m thoi pơlei Đamas?

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 19:19

Lăm năr noh gô đei minh pôm chơnang soi kơ Kră Yang tơ lăm dêh Êyiptơ. Păng đei minh pôm jrăng man 'blŏk kơ Kră Yang tơ jih hơdral teh đak noh.

Je 25:1

Kră Yang khan kơ Jêrêmi gah tơdrong wă truh kơ adrĕch adrung Juđa lăm sơnăm mă puăn chăl Jêhôiakim, kon drŏ-nglo Jôsia, pơtao đe Juđa, noh lăm sơnăm blŭng-a chăl Nebukatnessar pơm pơtao dêh char Babilôn.

Je 25:19

Pharaôn, pơtao dêh Êyiptơ, đĭ-đăng lu đĭch đam sư, đĭ-đăng lu kră pơgơ̆r păng lu kon pơlei sư.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 36:1

Lăm sơnăm mă puăn chăl Jêhôiakim kon drŏ-nglo Jôsia pơtao Juđa Kră Yang khan kơ Jêrêmi:

Je 43:11

Pơtao noh gô năm blah iŏk dêh char Êyiptơ, gô pơlôch lu bơngai mă trŏ kơ pơlôch, rôp pơm bơnă lu bơngai mă trŏ rôp kơ pơm bơnă, lu bơngai mă trŏ wă pơlôch hăm đao gưm đe gô pơlôch hăm đao gưm.

Je 45:1

Jêrêmi bơngai khan lê̆ adrol roi ăn kơ Baruk, kon Nêrêa, lăm sơnôm hla bơar dôm nơ̆r Jêrêmi đŏk; dơ̆ng rŏng kơ Baruk chih pơtao Juđa lăm sơnăm mă puăn chăl Jêhôiakim kon drŏ-nglo Jôsia pơtao Juđa:

Je 46:14

Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’