Je 46:14 - Sơ̆p Hlabơar Nơ̆r 'Bok Kei-Dei

¹⁴ Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’

Je 46:14 ပူးပေါင်းရင်းမြစ်များ

II Sam 2:26

Apner ôr krao Jôap khan: Liơ lê̆ đao hrăn tơ'bet băl hă? E kư̆m băt mơ̆n tuch-luch jing pơmat-tat ngăl đĕch leh kiơ?

Le 14:2

Roi tơbăt bĕ kơ kon pơlei Isơrael athei năm wơ̆t tơ rŏng pơm anih pơdơh tơ jê̆ Pi Hahirôt, sơlam Mikdôl păng đak dơsĭ, tơklă Baal Sêphôn lu iĕm athei oei pơdơh pơm anih, jê̆ đak dơsĭ.

Êsai 1:20

Mă-lei tơdah lu iĕm ưh kơ chu păng 'maih blơ̆ blĕch Inh, lei đao gưm gô pơrăm lu iĕm;” 'bơ̆r Kră Yang đei pơma bơih.

Êsai 19:13

Lu kră pơlei Sôan kơtul ngăl, lu kră pơlei Nôp huŏng lăm tơdrong đe hơlĕnh, lu bơngai pơm kră lăm tơring đơ̆ng adrĕch pha pơm kơ đe Êyiptơ jrok trong.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 2:16

Kŭm đei lu bơngai Memphis păng Tahpanhes mă pơm kơ kơ̆l 'ngok iĕm pơchah boih.

Je 2:30

“Inh đei teh bơtho boih kon sâu lu iĕm ưh kơ yua kiơ. Lu sư kư̆m ưh kơ wă chu Inh bơtho hơmet. Đao lu iĕm kơdih đei pơlôch boih lu bơngai khan lê̆ adrol iĕm thoi dăm-brang oei kăp sa.”

Je 44:1

'Nâu nơ̆r Kră Yang khan kơ Jêrêmi gah lu bơngai Juđa oei lăm teh đak Êyiptơ, tơ pơlei Mikdôl, pơlei Tahpanhes, pơlei Memphis păng tơring char Patrôs.

Je 46:10

Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Je 46:19

Hơmet bĕ lu tơmam yua năm pơm bơnă. Ơ lu bơngai oei lăm dêh char Êyiptơ, Yua kơ pơlei Memphis gô jing juơ; đe gô soh pơrăm, ưh pă đei bơngai oei.

Je 46:2

Gah dêh Êyiptơ: Nơ̆r roi gah lu linh Pharaôn Nekô pơtao dêh Êyiptơ, oei cheng Krong Ơphrat tơ pơlei Karchêmis; lu linh mă đơ̆ng tơblah thuơ kơ Nebukatnessar, pơtao Babilôn, lăm sơnăm mă puăn chăl Jêhôiakim, kon drŏ-nglo Jôsia, pơm pơtao đe Juđa.

Êsêkiên 21:28

Gah ih, ơ kon bơngai, khan lê̆ adrol bĕ: Kră Yang khan thoi âu kơ adrĕch adrung Ammôn gah tơdrong lu sư che bơle kơ kon pơlei Isơrael. Athei khan kơ lu sư: Pla đao đe toh boih wă pơlôch. Đe pơiel rang thoi kơmlat.

Êsêkiên 30:13

Kră Yang khan: “Inh gô pơrăm lu rup yang păng pơrăm pơđĭ pơgoh lu rup yang đơ̆ng pơlei Nôp. Lăm char Êyiptơ ưh pă đei yŏng pơgơ̆r dơ̆ng; Inh gô ăn tơdrong hli krưp kơ lu bơngai lăm char Êyiptơ.

Hôsia 9:6

Tơdah lu sư kơdâu ôn đơ̆ng đe pơrăm, char Êyiptơ gô rôp akŭm pơđĭ lu sư, păng pơlei Memphis gô 'bŭ lê̆ lu sư. Lu tơmam gĭt pơm păng hu lu sư gô gom lê̆ hăm jơla bơmrôm, lu jơla gô chăt lăm bơsŭn lu sư.

Na 2:13

Kră Yang khan: 'Nâu, Inh tơblah hăm ih. Inh gô soh lu gre aseh ih lăm ŭnh. Đao gưm gô luăn sa kon dăm-brang ih; Inh gô pơlôch lê̆ dôm kon sem ih châu sa đơ̆ng teh âu; păng lu bơngai ih wơh nơ̆r ih ưh pă kơtơ̆ng boih.

Both 32:42

Inh gô ăn 'brơ̆m hră Inh huch pham; dĭng thoi et sik suai, Đao gưm Inh gô sa sĕch, Pham lu bơngai bơnă đe koh pơlôch. Chơ̆ng kơ̆l lu yŏng ayăt.