Je 46:12 - Sơ̆p Hlabơar Nơ̆r 'Bok Kei-Dei

¹² Đĭ-đăng dêh char nai gô kơtơ̆ng ang lu iĕm đei tơdrong mơlâu. Tơ lăm jơ̆p-jang kơ teh đak gô kơtơ̆ng ang tơdrong lu iĕm ôr krao dŏng; linh âu kơtơih kơ linh nai. Bre sư gô pơ̆k pơđĭ.”

Je 46:12 ပူးပေါင်းရင်းမြစ်များ

Êsai 10:4

Ưh pă đei kiơ oei oei. Lăp kŭp kơ̆l drap lăm lu bơngai bơnă păng pơ̆k hơdai hăm lu bơngai lôch đĕch. Mă-lei ră, Kră Yang oei hil mĭl kơ lu sư 'mơ̆i, ti Kră Yang oei yơ̆r tơ kơpal wă pơm kơ lu sư.

Êsai 19:2

“Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Êsai 24:11

Đe ôr tơ rok trong lăm pơlei yua kơ tơdrô ưh pă đei; tơdrong chơt đĭ pă đei. Tơdrong 'nă hal lăm teh đak đĭ hiong!

Je 14:2

“Char Juđa ơh sơ'ngon, lu pơlei tih sư kư̆m ơh ăk, kon pơlei nhơ̆m hmoi drap tơ teh, Kơtơ̆ng nơ̆r ôr krao đơ̆ng pơlei Jêrusalem.

Je 2:36

Liơ lu iĕm tơplih trong lu iĕm 'bônh dêh? Lu bơngai Êyiptơ pơm kơ iĕm mơlâu kư̆m thoi lu bơngai Asiri pơm kơ iĕm sơ̆.

Je 46:6

Lu bơngai hơbĕch hơbal kư̆m kơdâu ôn ưh kơ tam, Lu bơngai pran kơtang kư̆m ưh kơ gơh klaih. Lăm char gah yă-nơ̆m, jê̆ Krong Ơphrat, Lu sư kơtơih pơ̆k!

Je 47:2

'Nâu Kră Yang khan: Đak tŏk đơ̆ng gah yă-nơ̆m, jing thoi đak krong ro, lơ̆p jơ̆p kơ dêh char păng đĭ-đăng tơmam lăm teh, lơ̆p lu pơlei păng lơ̆p đĭ kon pơlei oei lăm noh, kon pơlei gô ôr krao, đĭ kon pơlei lăm dêh char gô nhơ̆m hmoi,

Je 48:34

Hmoi ôr đơ̆ng pơlei Hesbôn kơtơ̆ng truh tơ pơlei Êlêaleh păng pơlei Jahas, đơ̆ng pơlei Soar dĭng truh tơ pơlei Hôrônaim păng pơlei Êglat Sêlisia. Mă đak glung Nimrim kư̆m hrơ̆ boih.”

Je 49:21

Tơdah kơtơ̆ng lu sư pơchah răm, lăm teh đak pơpơ̆; kơtơ̆ng nơ̆r ôr krao truh tơ Dơsĭ 'Brê.

Je 50:46

Tơdah kơtơ̆ng ang đe blah iŏk dêh char Babilôn, teh pơpơ̆, Kơtơ̆ng krao ôr dêh tơ jơ̆p kơ dêh char.”

Je 51:54

“Mơ̆ng bĕ! Đei nơ̆r ôr hmoi đơ̆ng dêh char Babilôn! Nơ̆r jơwa re đe pơrăm tih dêh đơ̆ng char Kalđê.

Na 2:5

Sư 'blŏk krao lu bơngai kră nuih kơtang lu sư chĕp khêl yak hăt hot dĭng mah kơtơih pơ̆k wă kơ jah truh tơ dur pơlei sư, wă găn blah.

Jêphania 1:10

Kră Yang khan: “Năr noh kơnh, gô đei nơ̆r krao ôr đơ̆ng 'măng jang ka, đei nơ̆r nhơ̆m hmoi tơ lăm pơlei tih anih tăl mă 'bar, nơ̆r jơwa re dêh đơ̆ng lu kông groi hơlih.

I Sam 5:12

Lu bơngai mă tam mă lôch kư̆m đei jĭ pơtôch đơ̆ng lăm pơlei đei nơ̆r ôr krao truh tơ plĕnh ti,