Je 46:10 - Sơ̆p Hlabơar Nơ̆r 'Bok Kei-Dei

¹⁰ Mă-lei năr noh năr Kră Yang; năr Kră Yang Tih Hloh pơm 'mong kơ lu bơngai mă ayăt kơ Sư. Đao gưm đe yua koh pơlôch dĭng hrăp huch pham dĭng klaih rơhing; Yua kơ noh Kră Yang Kră Yang Tih Hloh. Pơm giĕng soi pơyơ̆r Tơ lăm char gah yă-nơ̆m cheng Krong Ơphrat.

Je 46:10 ပူးပေါင်းရင်းမြစ်များ

II Pot 24:7

Pơtao đe Êyiptơ ưh kơ pơ̆n lĕch jăk đơ̆ng dêh char sư kơdih, yua kơ pơtao đe Babilôn tơgar iŏk bơih dêh char sư pơgơ̆r noh, đơ̆ng đak glung Êyiptơ truh tơ đak krong Ơphrat.

Jop 24:1

Liơ Kră Yang Tih Hloh ưh kơ pơkă jơ 'năr wă sek tơlang? Liơ lu bơngai băt kơ Kră Yang ưh kơ 'bôh năr sek tơlang noh?

Êsai 13:6

Nhơ̆m hmoi bĕ lu iĕm! Yua kơ năr Kră Yang truh jê̆ bơih, tơdrong noh gô truh, thoi tơdrong pơrăm tih đơ̆ng Tơ'ngla Mơsêh Mơyang.

Êsai 2:12

Đei minh năr Kră Yang Tih Hloh pơkă bơih, đei minh năr Sư gô pơm kơ bơngai pơang, păng lu bơngai pơrŏ akâu sư kơdih, đĭ-đăng lu sư Kră Yang gô tơhuŏng lê̆.

Êsai 31:8

“Asiri gô pơ̆k răm kơ đao gưm, ưh kơ trŏ kơ đao kon bơngai ôh kư̆m ưh kơ đao gưm đơ̆ng bơngai bu wă pơlôch sư. Lu sư gô kơdâu ôn đơ̆ng đao gưm noh păng lu kon tơdăm lu sư gô jing đĭch jang pơmat.

Êsai 61:2

Wă roi tơbăt sơnăm Kră Yang mơnat, păng năr Kră Yang 'Bok Kei-Dei lu bơ̆n pơm tơwih; wă pơlung đĭ-đăng lu bơngai ơh sơ'ngon.

Êsai 63:4

Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.

Je 12:12

Lu bơngai wă pơrăm truh boih, tơ jơ̆p-jang kơ groi grôn kơjung tơ lăm tơmăn glă; yua kơ đao gưm Kră Yang oei pơrăm teh đơ̆ng teh âu dĭng tơ to; Ưh kơ đei kon bơngai dah Sem brem kiơ mă oei hiôk hơđơ̆ng.

Je 46:14

Roi tơbăt bĕ lăm dêh char Êyiptơ, khan bĕ kơ pơlei Mikdôl, pơlei Memphis păng Tahpanhes: ‘Hơmet kơchăng bĕ kơ tơdrong tơblah, đao gưm koh pơlôch puăn pah wang tăp kơ iĕm.’

Je 46:2

Gah dêh Êyiptơ: Nơ̆r roi gah lu linh Pharaôn Nekô pơtao dêh Êyiptơ, oei cheng Krong Ơphrat tơ pơlei Karchêmis; lu linh mă đơ̆ng tơblah thuơ kơ Nebukatnessar, pơtao Babilôn, lăm sơnăm mă puăn chăl Jêhôiakim, kon drŏ-nglo Jôsia, pơm pơtao đe Juđa.

Je 46:6

Lu bơngai hơbĕch hơbal kư̆m kơdâu ôn ưh kơ tam, Lu bơngai pran kơtang kư̆m ưh kơ gơh klaih. Lăm char gah yă-nơ̆m, jê̆ Krong Ơphrat, Lu sư kơtơih pơ̆k!

Je 50:15

Jreo tơkĕch bĕ tăp dăr puăn pah. Sư yơ̆r ti thuơ boih, Lu hnam gak pơchah boih, Dur pơlei teh pơchah hơlih boih: Noh tơdrong Kră Yang pơm 'mong! Pơm 'mong bĕ! Pơm 'mong kơ sư thoi sư đei pơm boih kơ đe.

Je 50:18

Thoi noh na Kră Yang Tih Hloh 'Bok Kei-Dei Isơrael khan: “'Nâu Inh gô phak pơtao Babilôn păng dêh char sư, Kŭm thoi inh phak boih pơtao Asiri.

Je 51:6

Kơdâu lĕch bĕ đơ̆ng dêh char Babilôn, rim 'nu athei kơdâu wă pơklaih tơdrong arih kơdih akâu. 'Nĕ kơ lôch răm ôh yua kơ tơdrong yoch lu sư. Yua kơ trŏ boih năr Kră Yang pơm tơwih, Sư gô pơm tơwih trŏ thoi đe noh pơm boih,

Êsêkiên 21:28

Gah ih, ơ kon bơngai, khan lê̆ adrol bĕ: Kră Yang khan thoi âu kơ adrĕch adrung Ammôn gah tơdrong lu sư che bơle kơ kon pơlei Isơrael. Athei khan kơ lu sư: Pla đao đe toh boih wă pơlôch. Đe pơiel rang thoi kơmlat.

Jôel 1:15

Răm-'băm tơpă yua kơ năr noh! Năr Kră Yang wă phak wă jê̆ boih! Năr noh truh hăm tơdrong pơrăm đơ̆ng Kră Yang Mơsêh Mơyang.

Jôel 2:1

Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.

Sa 6:6

Gre mă đei aseh găm sư dui gre năm tơ gah yă-nơ̆m, gre mă aseh kok năm tơpăt tơ gah bơmơ̆t, đơ̆ng noh aseh brông drơ̆k-drơ̆l năm tơklă tơ gah gơal.”

Luka 21:22

Năr noh kơnh trŏ kơ năr 'Bok Kei-Dei wă phak lu bơngai Juđê thoi sơ̆p hla bơar 'Bok Kei-Dei khan mă đơ̆ng sơ̆, gô trŏ kơ năr noh tơpă.

Both 32:42

Inh gô ăn 'brơ̆m hră Inh huch pham; dĭng thoi et sik suai, Đao gưm Inh gô sa sĕch, Pham lu bơngai bơnă đe koh pơlôch. Chơ̆ng kơ̆l lu yŏng ayăt.