Je 44:6 - Sơ̆p Hlabơar Nơ̆r 'Bok Kei-Dei

⁶ Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Je 44:6 ပူးပေါင်းရင်းမြစ်များ

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 51:17

Hơđơ̆r bĕ, hơđơ̆r bĕ! Ơ Jêrusalem iung dơ̆ng bĕ! Iĕm bơngai huch kơchŏk tơdrong hil mĭl đơ̆ng Kră Yang. Ih huch dĭng mah hrơ̆ đơ̆ng kơchŏk. Kơchŏk mă pơm kơ iĕm pơ̆k iung.

Êsai 51:20

Lu kon pơlei ih lôch hơngơ̆t bơih, lu sư 'bĭch tơ rim mum trong pơlei. Nhen thoi kon juei hrơ̆p lăm hơnhuăl. Nhen thoi 'bĕnh hăm tơdrong Kră Yang hil mĭl păng tơdrong Kră Yang 'Bok Kei-Dei chrih.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Je 21:12

Kră Yang khan: “Ơ adrĕch Đawit, Pơm bĕ tơdrong 'lơ̆ng tơpăt hơnơ̆ng rim pơgê hrôih, Dŏng pơklaih bĕ lu bơngai đe sa pơgâm, đơ̆ng ti lu bơngai pơjuă pơđep, Kơnh hli kơ Inh hil khơ̆ng thoi ŭnh, ưh kơ đei bu kĕ pĭt, Yua kơ đơ̆ng tơdrong lu iĕm đei pơm yoch kơnê̆.”

Je 21:5

Kơdih kâu Inh gô blah lu iĕm, Inh tôi kơkŏng hiŏng ti pran kơtang hăm tơdrong ơh blĕk hil mĭl dêh.

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 36:7

Rŏ lăng lu sư gô krao apinh Kră Yang păng tơbral păng weh đơ̆ng trong pơm kơnê̆ yua kơ tơdrong hil Kră Yang wă pơm kơ kon pơlei 'nâu tih dêh tơpă.”

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 7:17

Ih ưh kơ 'bôh ôh hă tơdrong lu sư pơm tơ pơlei Juđa păng tơ rok trong pơlei tih Jêrusalem?

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Je 8:3

Đĭ-đăng lu bơngai mă oei đei đơ̆ng adrĕch adrung bơngai kơnê̆ âu, lăm đĭ-đăng anih mă Inh đei pơpuh lê̆ boih lu sư 'maih chă lôch hloh kơ 'maih wă arih,” noh Kră Yang Tih Hloh khan.

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Nhom 1:13

Sư đei tơjur boih ŭnh đơ̆ng kơpal, mơ̆t lăm tơring inh na kĕ jei. Sư đei dăng boih hơnhuăl ala jơ̆ng inh, pơm kơ inh kơdŭn tơ rŏng. Sư đei pơm boih kơ inh rơdu rơmơ̆n, rim năr rai hiong hiach.

Nhom 5:18

Yua kơ kông Siôn jing juơ rơhiăng, Kŏ bri yak rok noh.

Êsêkiên 20:33

Kră Yang khan: Thoi Inh mă arih ling-lang, Inh gô pơgơ̆r lu iĕm hăm tơpang ti pran kơtang, Inh yơ̆r ti tơ kơpal păng tuh tơdrong hil mĭl.

Êsêkiên 20:34

Inh gô chông tơlĕch lu iĕm đơ̆ng lu kon pơlei păng akŭm lu iĕm đơ̆ng lu dêh char mă Inh ăn lu iĕm tơklah tơklang hăm tơpang ti pran kơtang Inh gô yơ̆r ti tơ kơpal păng gô tuh tơdrong hil mĭl.

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Êsêkiên 24:8

Inh lê̆ pham tuh tơ kơpal tơmo blat wă ưh kơ đei kiơ klơ̆p, wă kơ Inh 'bôh hil mĭl păng pơm mong.

Êsêkiên 5:13

Inh gô tuh tơdrong Inh hil păng Inh gô hil mĭl truh kơ lu sư, na tơdrong blĕk Inh hrăp; păng kơplah Inh pơm keh tơdrong hil kơ lu sư, lu sư gô băt Inh boih Kră Yang, hlôi khan kơ lu sư Inh gar. Lăm tơdrong inh hil mĭl kơ lu sư.

Êsêkiên 6:12

Lu bơngai oei ataih gô lôch kơ jĭ hơbuh. Lu bơngai oei jê̆ gô pơ̆k răm kơ đao, lu bơngai oei arih, gô lôch kơ pơngot rơwĕt Thoi noh Inh gô ăn truh tơdrong Inh hil mĭl kơ lu sư.

Êsêkiên 8:18

Na Inh kư̆m gô blĕk areh dêh; măt Inh pă lăng mơnat kơ lu sư boih, mă lu sư krao ôr 'bĕnh kơ đon Inh, Inh kư̆m ưh pă mơ̆ng lu sư.”

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Lêwi 26:28

na Inh gô hil mĭl kơ iĕm tơpă hăm tơdrong kơtang păng yua kơ tơdrong yoch lu iĕm pơm, na Inh gô bơtho pơjĭ iĕm, hloh kơ tơdrong yoch iĕm tơpơh wơ̆t.

Lêwi 26:31

Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Na 1:2

Kră Yang jơ̆ 'Bok Kei-Dei gar păng pơm 'mong; Kră Yang pơm tơwih păng 'bĕnh kơ tơdrong hil mĭl. Kră Yang pơm 'mong kơ bu mă blah Sư păng hil kơ lu đe bu mă ayăt kơ Sư.

Sa 1:2

“Kră Yang ưh kơ lăp đon kơ yă 'bok iĕm.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”