Je 44:5 - Sơ̆p Hlabơar Nơ̆r 'Bok Kei-Dei

⁵ Mă-lei lu sư ưh kơ wă mơ̆ng păng kư̆m kuă kơ pơgling đon mơ̆n, ưh kơ wă weh đơ̆ng tơdrong kơnê̆ păng kư̆m oei soh nhang 'bâu phu ăn kơ yang nai.

Je 44:5 ပူးပေါင်းရင်းမြစ်များ

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Ne 9:30

Ih mơnat kơ lu sư lơ sơnăm, yua Yang bơhngol 'lơ̆ng păng lu 'bok khan lê̆ adrol pơm kơdranh kơ lu sư, mă-lei lu sư ưh kơ wă pơgling đon mơ̆ng, thoi noh Ih pơjao lu sư lăm tơpang ti lu kon pơlei lăm char noh.

Êsai 48:18

Ôi! Rŏ kơ iĕm mơ̆ng bơih tơdrong juăt Inh tơtă, Lei tơdrong hiôk-hian iĕm thoi đak krong. Tơdrong 'lơ̆ng tơpăt iĕm thoi đak dơsĭ poh-yă.

Êsai 48:4

Yua kơ Inh băt lu iĕm arăng kơ̆l, hơko iĕm huan thoi bơsei, klĕng iĕm thoi kong,

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Je 11:13

Lu iĕm đei rup yang lơ dêh thoi iĕm đei pơlei, ơ bơngai Juđa; lu chơnang soi pơm kơ lu iĕm mơlâu, mă lu iĕm pơdơ̆ng anih boih wă soh 'long 'bâu phu kơ yang Baal lơ nhen thoi trong glung lăm pơlei Jêrusalem!”

Je 11:17

Kră Yang Tih Hloh boih Tơ'ngla mă pơtăm iĕm, na sư kư̆m đei khan wă pơrăm lu iĕm, yua kơ tơdrong kơnê̆ adrĕch Isơrael păng adrĕch Juđa pơm, bơhle tơblĕk Inh soh 'long 'bâu phu kơ yang Baal.

Je 11:8

Mă-lei lu sư ưh kơ chu ôh, kư̆m ưh kơ wă mơ̆ng, lu sư yak kiơ̆ kơ jơhngơ̆m kơnê̆ arăng lu sư kơdih. Yua kơ thoi noh na Inh đei phak lu sư kiơ̆ kơ nơ̆r pơgơ̆p âu, nơ̆r pơgơ̆p mă Inh đei tơtă boih kơ lu sư wă kơ pơm kiơ̆ mă-lei lu sư ưh kơ pơm kiơ̆ ôh.’ ”

Je 13:10

Kon pơlei kơnê̆ âu sơngah boih kuă kơ mơ̆ng nơ̆r Inh athei, arih pơm kiơ̆ kơ jơhngơ̆m arăng lu sư kơdih wă, kơkuh awih awăn kơ yang nai; na lu sư jing thoi che tơ̆n kơiĕng âu, ưh pă gơh wă yua pơm kiơ dơ̆ng.

Je 19:13

Đĭ-đăng hnam lăm pơlei Jêrusalem păng hnam pơtao Juđa, đĭ-đăng lu hnam ayơ mă tơ kơpal bơbŭng hnam noh đei soh tơmam 'bâu phu kơ lu sơnglŏng tơ kơpal plĕnh păng kư̆m đei tuh ăn tơmam huch sa pơyơ̆r kơ lu yang nai, kư̆m 'mê̆-'mach thoi Tôphet.”

Je 43:4

Thoi ei na, Jôhanan, kon drŏ-nglo Karea, lu yŏng pơgơ̆r linh păng đĭ-đăng lu kon pơlei ưh kơ chu kiơ̆ nơ̆r Kră Yang bơtho athei oei lăm char Juđa đĕch.”

Je 7:24

Mă-lei lu sư ưh kơ wă mơ̆ng nơ̆r Inh kư̆m kuă kơ pơgling đon mơ̆n, lu sư arih kiơ̆ kơdih wă kiơ̆ kơ jơhngơ̆m kơnê̆, arăng kơ̆l, lu sư kơdŭn tơ rŏng ưh kơ năm tơ anăp.

Da 9:6

Lu nhôn ưh kơ mơ̆ng lu đĭch đam Ih wă khan lu bơngai khan lê̆ adrol, yua anăn Ih na khan kơ pơtao, lu kuan tih, lu 'bok yă nhôn păng đĭ kon pơlei kơpal teh.

Hôsia 11:2

Lu bơngai Isơrael Inh rai krao lu sư, lu sư rai kơdâu ôn ataih đơ̆ng Inh; lu sư kư̆m oei pơyơ̆r tơmam soi kơ rup yang Baal, păng kư̆m oei soh 'long 'bâu phu kơ lu rup yang nai.