Je 44:23 - Sơ̆p Hlabơar Nơ̆r 'Bok Kei-Dei

²³ Noh yua kơ đơ̆ng lu iĕm soh nhang kơ yang nai, pơm kơnê̆ blah Kră Yang, yua kơ đơ̆ng lu iĕm ưh kơ wă mơ̆ng kiơ̆ nơ̆r Kră Yang, ưh kơ kiơ̆ khôi juăt, tơdrong juăt păng ưh kơ wă chu kiơ̆ nơ̆r Sư bơtho khan, lei na đei tơdrong gleh truh kơ lu iĕm, thoi năr 'nâu.”

Je 44:23 ပူးပေါင်းရင်းမြစ်များ

I Pot 9:9

Đe gô khan: 'Noh yua kơ lu sư weh tơklah đơ̆ng Kră Yang 'Bok Kei-Dei lu sư, Tơ'ngla tơlĕch lu yă 'bok sư đơ̆ng char Êyiptơ, lu sư kiơ̆ yang nai, bơ̆jang păng kơkuh kơ yang 'noh, yua kơ thoi 'noh bơih na Kră Yang ăn kơ lu sư tơdrong truh răm thoi âu.”

II Pot 17:15

Lu sư sơngah achăng lê̆ dôm tơdrong juăt păng tơdrong Kră Yang pơgơ̆p pơkă hăm lu yă 'bok lu sư păng dôm lu nơ̆r tơbăt wă kơ lu sư kơchăng. Lu sư năm kiơ̆ lu yang ưh kơ tơpă păng jing bơngai ưh kơ yua kiơ, lu sư rok adrĕch adrung lu bơngai tăp dăr kơ lu sư, mă Kră Yang đei khă kuă ăn rok kiơ̆ lu đe noh.

II Ho 36:16

Mă-lei lu sư hiap lu bơngai đơ̆ng Kră Yang 'Bok Kei-Dei, ưh kơ wă mơ̆ng pơdê nơ̆r Kră Yang 'Bok Kei-Dei, pơjăm lu bơngai khan lê̆ adrol Kră Yang dĭng mah Kră Yang hil mĭl phak kon pơlei Sư, ưh pă gơh hơmet ming liơ.

Ne 13:18

Sơ̆ 'bok yă lu iĕm đei pơm thoi noh boih, hăm trŏ lăm năr 'nâu Kră Yang 'Bok Kei-Dei ăn tơdrong răm truh kơ lu bơ̆n păng pơlei âu, lu iĕm pơm pơ'mê̆ kơ năr Sa'bat na pơthim ăn dơ̆ng tơdrong răm truh kơ lu bơngai Isơrael!

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Horiso 119:150

Lu bơngai chă pơm tơdrong kơnê̆ truh jê̆ boih. Mă-lei lu sư ataih đơ̆ng khôi juăt Ih.

Horiso 119:155

Tơdrong dŏng pơklaih ataih dơ̆ng lu bơngai pơm kơnê̆. Yua kơ lu sư ưh kơ đei chơchă lu tơdrong juăt Ih.

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Horiso 78:56

Mă-lei, lu sư pơlong lăng pơjăng pơjah hăm Kră Yang 'Bok Kei-Dei Tih Hloh, Ưh kơ chu kiơ̆ tơdrong juăt Kră Yang;

Je 26:4

Ih athei khan kơ lu sư: Kră Yang khan thoi âu: ‘Tơdah iĕm kuă kơ mơ̆ng nơ̆r Inh păng kuă kơ kiơ̆ tơdrong juăt Inh đei ăn boih kơ lu iĕm;

Je 40:3

Na Kră Yang pơm tơpă thoi sư đei khan boih, yua kơ lu iĕm pơm yoch sơngah kơ Kră Yang păng kuă kơ kiơ̆ nơ̆r Sư. Lei na tơdrong 'nâu truh tơ lu iĕm.

Je 44:10

Dĭng truh tơ năr 'nâu lu sư ưh kơ wă chu tơbral, ưh kơ hli yom, ưh kơ wă arih kiơ̆ khôi juăt păng tơdrong juăt Inh mă đei ăn boih kơ lu iĕm hăm lu 'bok yă lu iĕm.”

Je 44:18

Mă-lei đơ̆ng năr lu nhôn ưh pă soh nhang 'bâu phu ăn kơ Pơtao Drŏ-kăn kơpal plĕnh păng tuh pơyơ̆r sik ăn kơ sư, lu nhôn kơ'bah kơ'bôch tôm tơdrong, rai lôch răm kơ đao gưm pơngot rơwĕt!”

Je 44:2

Kră Yang Tih Hloh 'Bok Kei-Dei Isơrael, khan: “Ih 'bôh boih tơdrong răm mă Inh tuh tơ pơlei Jêrusalem păng lu pơlei lăm dêh char Juđa. Lăng to lu pơlei noh dang ei oei jing bri juơ ưh kơ đei bơngai oei,

Je 44:21

“Tơdrong lu iĕm, 'bok yă iĕm, lu pơtao, lu 'bok yŏng pơgơ̆r iĕm păng kon pơlei lăm deh char, soh boih nhang 'bâu phu lăm rim pơlei char Juđa păng tơ rok trong pơlei Jêrusalem, Kră Yang ưh kơ 'blŏk ưh kơ tơchĕng hă?

Je 44:3

yua kơ đơ̆ng tơdrong yoch kon pơlei pơm wă tơblĕk Inh. Lu sư soh nhang păng kơkuh kơ lu rup yang nai, mă lu sư dah ih dah lu 'bok yă iĕm ưh tam băt ôh.

Je 44:8

Liơ lu iĕm tơblĕk inh hăm ti lu iĕm pơm, soh nhang 'bâu phu ăn kơ lu yang nai lăm dêh char Êyiptơ, dêh char mă lu iĕm 'nao năm oei, pŭ iŏk tơdrong pơrăm kơdih akâu, pơm kơ đe che bơle, blei hiap tơ lăm jơ̆p-jang adrĕch adrung lăm teh đak?

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Da 9:13

Đĭ-đăng tơdrong răm âu truh tơ nhôn thoi đei chih boih tơ lăm khôi juăt Môis; lu nhôn kư̆m ưh kơ đei apinh Kră Yang 'Bok Kei-Dei nhôn, wă kơ lê̆ tơdrong kơnê̆ lu nhôn kơdih păng băt hlôh tơdrong lui kiơ̆ Ih.

I Kor 10:20

Inh wă khan thoi âu: Tơmam lu bơngai kiơ̆ yang kơnê̆, lu sư sơmah kơ yang kơnê̆, 'noh ưh kơ sĭ lu sư sơmah kơ 'Bok Kei-Dei ôh. Na inh kuă ăn iĕm sa tơmam 'noh, dah iĕm sa dang iĕm pôm đon hăm yang kơnê̆ mơ̆n.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”