Je 44:2 - Sơ̆p Hlabơar Nơ̆r 'Bok Kei-Dei

² Kră Yang Tih Hloh 'Bok Kei-Dei Isơrael, khan: “Ih 'bôh boih tơdrong răm mă Inh tuh tơ pơlei Jêrusalem păng lu pơlei lăm dêh char Juđa. Lăng to lu pơlei noh dang ei oei jing bri juơ ưh kơ đei bơngai oei,

Je 44:2 ပူးပေါင်းရင်းမြစ်များ

II Pot 21:13

Inh gô iŏk tơlei đơ̆ng pơtŏ dêh Samari păng tơlei đơ̆ng pơtŏ adrĕch Ahap, dăng lăm pơlei Jêrusalem dơ̆ng, inh gô sŭt pơgoh lê̆ pơlei Jêrusalem thoi đe ôp sŭt pơnhan, đơ̆ng noh gơsŭp lê̆ sư.

Le 19:4

Lu iĕm 'bôh boih dôm tơdrong Inh pơm kơ bơngai Êyiptơ, Inh pôk glơng lu iĕm thoi kơpal pơnăr sem klang, wă chông lu iĕm tơ Inh.

Êsai 24:12

Lăm pơlei kơkot rơhiăng, 'măng jang pơchah đĭ bơih.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Je 25:11

Jơ̆p kơ teh âu jing juơ, đĭ kon pơlei lăm dêh char âu gô bơ̆jang kơ pơtao Babilôn lăm tơpơh-jĭt sơnăm.”

Je 34:22

Kră Yang khan: “'Nâu Inh gô chông lu sư brŏk hơlơ̆k blah pơlei âu; lu sư gô soh pơlei 'nâu, Inh gô ăn đĭ-đăng lu pơlei lăm char Juđa jing juơ, ưh kơ đei bơngai oei.”

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 44:22

Kră Yang ưh kơ kĕ ĕnh boih tơdrong kơnê̆ lu iĕm, tơdrong 'mê̆ krưp lu iĕm pơm, na teh đak lu iĕm jing juơ, pŭ hơngiap, blei hiap, ưh kơ đei bu oei truh tơ năr 'nâu.

Je 44:23

Noh yua kơ đơ̆ng lu iĕm soh nhang kơ yang nai, pơm kơnê̆ blah Kră Yang, yua kơ đơ̆ng lu iĕm ưh kơ wă mơ̆ng kiơ̆ nơ̆r Kră Yang, ưh kơ kiơ̆ khôi juăt, tơdrong juăt păng ưh kơ wă chu kiơ̆ nơ̆r Sư bơtho khan, lei na đei tơdrong gleh truh kơ lu iĕm, thoi năr 'nâu.”

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Je 8:3

Đĭ-đăng lu bơngai mă oei đei đơ̆ng adrĕch adrung bơngai kơnê̆ âu, lăm đĭ-đăng anih mă Inh đei pơpuh lê̆ boih lu sư 'maih chă lôch hloh kơ 'maih wă arih,” noh Kră Yang Tih Hloh khan.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Nhom 1:16

Yua kơ thoi noh boih inh nhơ̆m hmoi, na đak măt inh lĕch lơ. Yua kơ lu bơngai râu pơlung jơhngơ̆m inh đĭ ataih boih. Kon sâu inh pơmat-tat, yua kơ jei lu ayăt boih.

Nhom 5:18

Yua kơ kông Siôn jing juơ rơhiăng, Kŏ bri yak rok noh.

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Lêwi 26:31

Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Lêwi 26:43

Yua kơ char lu sư hlôi achăng lê̆ bri juơ, gô đei dôm sơnăm Sa'bat, kiơ̆ kơ lu sư đei achăng lê̆ dôm yơ noh; lu sư gô chu iŏk tơdrong bơtho pơjĭ yua kơ tơdrong yoch lu sư kơdih, yua kơ lu sư sơngah ưh kơ kiơ̆ nơ̆r Inh tơtă păng areh kơ tơdrong juăt Inh.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Both 29:2

Môis krao đĭ bơngai Isơrael khan kơ lu sư: Lu iĕm hlôi 'bôh boih dôm tơdrong Kră Yang pơm lăm dêh Êyiptơ 'bơ̆t tơm măt iĕm kơ Pharaôn kơ đĭ bơngai jang kơ sư păng lăm dêh sư.

Jôsuê 23:3

Lu iĕm 'bôh boih tôm tơdrong Kră Yang 'Bok Kei-Dei lu iĕm hlôi pơm kơ adrĕch adrung âu yua kơ lu iĕm; kơdih akâu Kră Yang 'Bok Kei-Dei lu iĕm hlôi tơblah ăn kơ lu iĕm.