Je 44:13 - Sơ̆p Hlabơar Nơ̆r 'Bok Kei-Dei

¹³ Inh gô phak lu bơngai mă oei tơ lăm dêh char Êyiptơ, kư̆m thoi Inh đei phak pơlei Jêrusalem hăm đao gưm, pơngot rơwĕt lôch hơbuh pă đei minh 'nu,

Je 44:13 ပူးပေါင်းရင်းမြစ်များ

Je 43:11

Pơtao noh gô năm blah iŏk dêh char Êyiptơ, gô pơlôch lu bơngai mă trŏ kơ pơlôch, rôp pơm bơnă lu bơngai mă trŏ rôp kơ pơm bơnă, lu bơngai mă trŏ wă pơlôch hăm đao gưm đe gô pơlôch hăm đao gưm.

Je 11:22

Kră Yang Tih Hloh khan: “Inh gô phak lu sư, lu tơdăm gô lôch kơ đao gưm; lu adruh tơdăm kư̆m gô lôch kơ pơngot rơwĕt.

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 21:9

Bơngai bu mă oei oei lăm pơlei âu sư gô lôch kơ đao gưm, lôch kơ pơngot rơwĕt, lôch kơ jĭ hơbuh, mă-lei bu kơdâu lĕch yơ̆r ti tơkan tơ bơngai Kalđê mă oei wang iĕm gô arih, kư̆m gô pơklaih akâu sư kơdih.

Je 42:16

na đao gưm mă lu iĕm hli dêh gô druh tam lu iĕm lăm teh đak Êyiptơ, tơdrong pơngot rơwĕt mă lu iĕm hli tơtăm kư̆m druh kiơ̆ iĕm năm tơ Êyiptơ păng lu iĕm gô lôch tơ noh.

Je 42:17

Đĭ-đăng lu bơngai mă wă năm tơ Êyiptơ oei tơ noh, gô lôch kơ đao gưm, pơngot rơwĕt, lôch hơbuh. Ưh kơ đei bu arih; kư̆m ưh kơ đei bu klaih đơ̆ng tơdrong răm mă Inh ăn.’ ”

Je 24:9

Inh gô pơm ăn kơ đĭ-đăng dêh char lăm teh đak lăng 'brơ̆ krưp kơ lu sư. Lăng lu sư đei đe blei hiap, đe pơ'brơh, đe pơjăm pơjuă, tơ jơ̆p lăm dêh char mă Inh đei pơpuh lu sư tơ noh.

Je 42:15

Ơ lu iĕm bơngai Juđa mă oei oei, mơ̆ng bĕ nơ̆r Kră Yang Tih Hloh 'Bok Kei-Dei Isơrael, khan: ‘Tơdah lu iĕm wă 'maih năm oei ngei tơ dêh char Êyiptơ,

Hôsia 9:6

Tơdah lu sư kơdâu ôn đơ̆ng đe pơrăm, char Êyiptơ gô rôp akŭm pơđĭ lu sư, păng pơlei Memphis gô 'bŭ lê̆ lu sư. Lu tơmam gĭt pơm păng hu lu sư gô gom lê̆ hăm jơla bơmrôm, lu jơla gô chăt lăm bơsŭn lu sư.