Je 43:6 - Sơ̆p Hlabơar Nơ̆r 'Bok Kei-Dei

⁶ sư kư̆m chông ba lu drŏ-nglo, drŏ-kăn, lu kon hơ'lơ̆p păng kon adruh pơtao dôm lu bơngai mă Nebusaradan, bơngai yŏng lu linh gak, pơtao oei lê̆ lu sư oei hơdai Gêđalia, kon drŏ-nglo Ahikam sâu Saphan kư̆m đei Jêrêmi bơngai khan lê̆ adrol hăm Baruk kon drŏ-nglo Nêria.

Je 43:6 ပူးပေါင်းရင်းမြစ်များ

Je 38:22

Đĭ-đăng lu bơngai drŏ-kăn oei oei lăm hnam pơtao Juđa đe gô ba lu sư ăn kơ bơngai pơgơ̆r linh pơtao Babilôn; lu bơngai drŏ-kăn noh gô khan yak rah pơma rah: ‘Dôm lu buăl juăt pơtao pơhlŭ pơtao jei boih; jơ̆ng ih đom lăm hlŭt boih, lu buăl ih kơdŭn achăng lê̆ ih.’

Je 39:10

Nebusaradan, yŏng lu linh gak ưh kơ rôp ba ôh mơ'nah lăm lu kon pơlei dơnuh hin dêh, mir chŭn ưh kơ đei lê̆ lu sư oei kơtă lăm char Juđa, asong ăn kơ lu sư chŭn mir pơgar hơmu.

Je 40:11

Đĭ-đăng bơngai Juđa oei lăm char Môap, Ammôn, lăm char Eđôm păng oei lăm dêh char nai kư̆m kơtơ̆ng pơtao Babilôn kư̆m oei lê̆ kon pơlei oei lăm char Juđa, na pơtao pôk Gêđalia, kon drŏ-nglo Ahikam sâu Saphan, pơm yŏng pơgơ̆r lu sư.

Je 40:7

Đĭ-đăng lu linh păng lu yŏng linh sư mă oei tơ bri kông kơtơ̆ng 'bok pơtao Babilôn pôk ăn Gêđalia kon drŏ-nglo Ahikam pơm yŏng pơgơ̆r lăm char păng kư̆m kơtơ̆ng pơtao jao ăn kơ sư pơgơ̆r wei-lăng đĭ-đăng lu bơngai drŏ-nglo, lu drŏ-kăn, lu hơ'lơ̆p, lu bơngai dơnuh hloh mă đe oei lê̆ oei lăm char Juđa, ưh kơ chông ba pơm đĭch tơ char Babilôn.

Je 41:10

Ismael rôp pơđĭ kon bơngai mă oei arih lăm pơlei Mispa, lu kon drŏ-kăn pơtao păng lu kon pơlei mă oei lê̆ tơ lăm pơlei Mispa mă Nebusaradan yŏng pơgơ̆r lu linh gak pơtao jao boih kơ Gêđalia, kon drŏ-nglo Ahikam. Ismael kon drŏ-nglo Nethania, rôp lu bơngai noh chông ba, năm tơ gah char Ammôn.

Je 43:3

Mă-lei noh đơ̆ng Baruk kon drŏ-nglo Nêria, pơtrŭt ih pơm kơ lu nhôn jao lu nhôn ăn kơ lu bơngai Kalđê wă pơlôch dah ba lu nhôn pơm bơnă tơ char Babilôn.

Je 45:1

Jêrêmi bơngai khan lê̆ adrol roi ăn kơ Baruk, kon Nêrêa, lăm sơnôm hla bơar dôm nơ̆r Jêrêmi đŏk; dơ̆ng rŏng kơ Baruk chih pơtao Juđa lăm sơnăm mă puăn chăl Jêhôiakim kon drŏ-nglo Jôsia pơtao Juđa:

Je 52:10

Pơtao Babilôn pơlôch lu kon drŏ-nglo Sêđekia 'bơ̆t tơm măt sư păng kư̆m pơlôch lu yŏng pơgơ̆r char Juđa mă kiơ̆ sư 'bơ̆t pơlei Riblah.

Nhom 3:1

Inh 'bôh boih tơdrong pơmat-tat, Đơ̆ng 'long jra tơdrong Sư hil.

Yo 21:18

Inh khan kơ ih tơpă wă kơ ih băt: Hơtai ih oei moh sơ̆ ih gơh hrŭk hơbĕn ao ih năm tơ yơ yơ mơ̆ng kơ ih wă. Mă-lei lăp ih kră ning-mônh ih gô plaih ti ih, na đe nai gô chô̆ ti ih dui ih tơ anih mă ih ưh kơ wă.”