Je 43:3 - Sơ̆p Hlabơar Nơ̆r 'Bok Kei-Dei

³ Mă-lei noh đơ̆ng Baruk kon drŏ-nglo Nêria, pơtrŭt ih pơm kơ lu nhôn jao lu nhôn ăn kơ lu bơngai Kalđê wă pơlôch dah ba lu nhôn pơm bơnă tơ char Babilôn.

Je 43:3 ပူးပေါင်းရင်းမြစ်များ

Horiso 109:4

Mă inh 'mêm kơ lu sư, lu sư oei ayăt kơ inh. Mă inh oei krao khan kơ lu sư.

Je 32:12

Inh jao ăn hla bơar răt noh kơ Baruk, kon drŏ-nglo Nêria, sâu Mahseia, 'bơ̆t anăp Hanamel, kon drŏ-nglo ma inh păng 'bơ̆t anăp lu bơngai kơdranh đei kĭ anăn lăm noh, kư̆m 'bơ̆t anăp lu bơngai Juđa oei ngôi 'bơ̆t cham anih lu linh gak.

Je 36:10

Baruk đŏk dôm nơ̆r Jêrêmi lăm sơnôm hla bơar ăn kơ đĭ kon pơlei mơ̆ng, Banik lăm hnam Kră Yang, lăm anih Gêmaria kon drŏ-nglo Saphan bơngai chih hla bơar, 'bơ̆t cham kơpal, jê̆ 'Măng Jang 'Nao trong mơ̆t tơ hnam akŭm.

Je 36:26

Pơtao rai wơh Jêrahmêel kon drŏ-nglo pơtao, Sêraia kon drŏ-nglo Asriel păng Sêlemia kon drŏ-nglo Apđeel năm wă rôp chô̆ Baruk 'bok chih hla bơar păng Jêrêmi bơngai khan lê̆ adrol. Mă-lei Kră Yang ôn lê̆ bre sư.

Je 36:4

Jêrêmi krao Baruk kon drŏ-nglo Nêria, Baruk chih tơ lăm sơnôm hla bơar kiơ̆ thoi Jêrêmi roi ăn kơ sư đĭ-đăng dôm nơ̆r Kră Yang khan.

Je 38:4

Lu yŏng pơgơ̆r khan kơ pơtao: “Pơlôch bĕ bơngai 'nâu, yua kơ sư pơma thoi noh, pơm ăn kơ đon lu linh mă oei oei lăm pơlei âu păng pơm kơ jơhngơ̆m kon pơlei rơdu. Bơngai âu ưh kơ chă trong wă pơklaih kon pơlei ôh, mă-lei chă trong wă pơrăm.”

Je 41:18

Lu sư hli kơ bơngai Kalđê; yua kơ Ismael, kon drŏ-nglo Nethania, pơlôch boih Gêđalia, kon drŏ-nglo Ahikam, bơngai mă pơtao Babilôn pôk sư pơm yŏng pơgơ̆r dêh char.

Je 43:6

sư kư̆m chông ba lu drŏ-nglo, drŏ-kăn, lu kon hơ'lơ̆p păng kon adruh pơtao dôm lu bơngai mă Nebusaradan, bơngai yŏng lu linh gak, pơtao oei lê̆ lu sư oei hơdai Gêđalia, kon drŏ-nglo Ahikam sâu Saphan kư̆m đei Jêrêmi bơngai khan lê̆ adrol hăm Baruk kon drŏ-nglo Nêria.

Luka 6:26

“Dah đĭ-đăng bơngai khan iĕm bơngai 'lơ̆ng, lei ning-mônh iĕm kư̆m pơmat mơ̆n. Lu bơngai đe anăn bơngai pơtruh nơ̆r 'Bok Kei-Dei sơ̆, mă-lei sư chă hơlĕnh đĕch, lu 'bok iĕm sơ̆ kư̆m khan sư bơngai 'lơ̆ng mơ̆n.”