Je 43:13 - Sơ̆p Hlabơar Nơ̆r 'Bok Kei-Dei

¹³ Sư gô teh pơchah lê̆ jrăng gơ̆ng đe man kơkuh kơ yang măt 'năr tơ Bet Semes lăm char Êyiptơ; klaih kơ noh sư gô soh pơđĭ hnam lu rup yang lăm dêh char Êyiptơ.

Je 43:13 ပူးပေါင်းရင်းမြစ်များ

Bl 41:45

Pharaôn krao anăn Jôsep plơ̆ng noh Saphônat Panêahb rôp ăn adruh anăn Asơnat, kon adruh Pôtiphêra, 'bok soi tơm pơlei Ônc ăn kơ sư pơm akăn. Sư ngăl năm tơ jơ̆p lăm dêh char Êyiptơ.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 19:18

Lăm năr noh, tơ dêh Êyiptơ, đei pơđăm tŏ pơlei pơma nơ̆r Kanaan păng pơkăm pơkă hăm anăn Kră Yang Tih Hloh, lăm lu pơlei noh đei minh pôm pơlei đe krao pơlei pơlôch pơrăm.

Êsai 46:2

Lu rup yang noh kŭp kơ̆l, wang drap hơdai ưh kơ gơh pơklaih tơdrong lu sư đơ̆ng pŭ trăp. Păng kơdih lu sư đe rôp pơm bơnă.

Je 10:11

'Nâu, khan bĕ kơ lu sư: Lu yang âu ưh kơ pơjing plĕnh teh ôh. Lu sư gô hiong tôch ala plĕnh kơpal teh âu đĕch.”

Je 25:19

Pharaôn, pơtao dêh Êyiptơ, đĭ-đăng lu đĭch đam sư, đĭ-đăng lu kră pơgơ̆r păng lu kon pơlei sư.

Je 43:12

Nebukatnessar gô soh hnam kơkuh kơ lu rup yang Êyiptơ; sư gô soh pơrăm lu rup yang păng chĕp ba tơ nai. Sư iŏk pơgoh char Êyiptơ thoi lu bơngai wei triu dônh pơgoh hrŏk đơ̆ng ao lu sư, pơtao noh sư lĕch brŏk hiôk-hian.”

Je 44:1

'Nâu nơ̆r Kră Yang khan kơ Jêrêmi gah lu bơngai Juđa oei lăm teh đak Êyiptơ, tơ pơlei Mikdôl, pơlei Tahpanhes, pơlei Memphis păng tơring char Patrôs.

Je 46:25

Kră Yang Tih Hloh, 'Bok Kei-Dei Isơrael khan: “'Nâu Inh gô phak yang Ammôn, tơ pơlei Thêbes, pơtao Pharaôn, dêh char Êyiptơ păng lu rup yang, lu pơtao sư păng lu bơngai mă gơnang kơ Pharaôn.

Êsêkiên 26:11

Kơchôp jơ̆ng aseh gô pơjuă pơrăm pơlei ih; lu sư gô pơlôch kon pơlei ih hăm đao, hăm lu jrăng kơjăp ih gô prưk păk tơ teh.

Êsêkiên 30:13

Kră Yang khan: “Inh gô pơrăm lu rup yang păng pơrăm pơđĭ pơgoh lu rup yang đơ̆ng pơlei Nôp. Lăm char Êyiptơ ưh pă đei yŏng pơgơ̆r dơ̆ng; Inh gô ăn tơdrong hli krưp kơ lu bơngai lăm char Êyiptơ.

Êsêkiên 30:17

Lu kon tơdăm pơlei Heliôpolis păng pơlei Phibêsêt gô lôch răm kơ đao păng lu kon adruh gô pơm bơnă.

Da 11:8

Sư iŏk pơđĭ lu rup yang anhăk ba tơ dêh char Êyiptơ, hăm iŏk pơđĭ lu rup man păng đĭ lu maih păng đĭ lu pơnhan chhĕr pơm păng hu păng maih hai; dang 'bar pêng sơnăm sư ưh kơ blah pơtao yă-nơ̆m.