Je 43:10 - Sơ̆p Hlabơar Nơ̆r 'Bok Kei-Dei

¹⁰ Na ih tơbăt ăn kơ lu sư: 'Nâu Kră Yang Tih Hloh 'Bok Kei-Dei Isơrael, khan: “'Nâu Inh gô wơh păng krao đĭch đam Inh Nebukatnessar, pơtao Babilôn păng Inh gô pơdơ̆ng tang-dŏ pơtao sư tơ kơpal tơmo 'nâu, mă Inh 'nao 'bŭ; pơtao noh gô dăng bơlang che sư pơm bơsŭn kơpal noh.

Je 43:10 ပူးပေါင်းရင်းမြစ်များ

I Pot 20:12

Ben Hadat oei et tơdrô hơdai hăm lu pơtao lăm kơđông, lăp sư kơtơ̆ng dôm nơ̆r 'noh, na khan hloi kơ lu linh sư: “Iĕm athei hơmet năm blah.” Đơ̆ng noh lu linh năm hloi wă blah pơlei 'noh.

I Pot 20:16

Lu Sư lĕch năm 'bơ̆t tŏk-bŏk 'năr dơ̆ng kơplah Ben Hadat hơdai hăm pêng-jĭt 'bar 'nu pơtao buăl dơ̆ng sư et tơdrô suai lăm kơđông.

Horiso 18:11

Sư pơm măng mu klơ̆p tăp dăr kơ Sư, Sư iŏk hơmơ̆l găm 'mi hơ'bơ̆l gueo gom tăp kơ Sư.

Horiso 27:5

Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.

Horiso 31:20

Ih ôn lu sư tơ anih hlơp 'bơ̆t anăp Ih. Klaih đơ̆ng lu đe wă pơm kơnê̆, Ih ôn lu sư lăm bơsŭn. Klaih đơ̆ng hơpiĕt lu bơngai blah tơgar.

Êsai 44:28

Kră Yang khan kơ pơtao Sirus: ‘Sư bơngai wei triu Inh, sư gô pơm keh tơdrong inh wă, kư̆m pơma dơ̆ng gah pơlei Jêrusalem khan: “Gô pơjing ming sư dơ̆ng, păng pơma gah hnam akŭm khan: “Jrăng hơnă gô pơdơ̆ng ming.”

Êsai 45:1

Kră Yang khan kơ Sirus bơngai Sư rơih tuh đak pơgang 'bâu phu. Inh rôp ti 'ma sư bơih wă pơm kơ lu dêh char chu kơ sư, na Inh iŏk lê̆ tơmam tơblah lu pơtao, wă pơih 'măng Jang pơlei, 'bơ̆t anăp sư, na đe ưh kơ gơh tang dơ̆ng!

Je 1:15

'Nâu Kră Yang khan: “Inh gô krao lu adrĕch adrung đơ̆ng dêh char gah yă-nơ̆m,” Lu sư gô truh, rim 'nu lu sư kư̆m gô pơdơ̆ng anih pơtao lu sư tơ 'măng jang pơlei Jêrusalem; wă pơrăm dur tăp dăr kơ pơlei păng pơrăm đĭ lu pơlei lăm char Juđa.

Je 43:9

“Dônh bĕ mă lu tơmo tih noh, na 'bŭ tơmo noh tơ lăm teh lơ̆n tơ lăm gŏch 'bơ̆t trong 'măng mơ̆t tơ hnam Pharaôn tơ pơlei Tahpanhes, 'bơ̆t anăp măt lu bơngai Juđa 'bôh.

Je 46:13

'Nâu nơ̆r Kră Yang khan kơ Jêrêmi bơngai khan lê̆ adrol kơ tơdrong Nebukatnessar pơtao Babilôn wă năm blah dêh char Êyiptơ:

Je 49:38

Kră Yang khan: “Inh gô pơdơ̆ng tang-dŏ pơtao Inh lăm Êlam. Pơrăm pơlôch lu pơtao păng lu yŏng pơgơ̆r sư.

Êsêkiên 5:12

Minh lăm pêng lăm lu khŭl ih gô lôch hơbuh păng gô lôch kơ pơngot rơwĕt minh lăm pêng gô pơ̆k lôch kơ đao hơlă tăp dăr kơ ih; mă minh lăm pêng dơ̆ng Inh gô pơm kơ lu sư tơklah tơklang tơ jơ̆p-jang kơ teh păng Inh gô toh đao druh 'moi lu sư.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Mathiơ 22:7

Thoi noh na 'bok pơtao ơh tơpă, sư wơh lu linh sư năm pơlôch đĭ-đăng lu bơngai mă pơlôch lu bơngai jang kơ sư ei păng soh rông chhông hnam kon pơlei pơla lu sư.