Je 42:5 - Sơ̆p Hlabơar Nơ̆r 'Bok Kei-Dei

⁵ Lu sư pơkă hloi khan kơ Jêrêmi: “Hơpơi kơ Kră Yang lăng lu nhôn mă tơpăt sĭt phak lu nhôn tơdah lu nhôn ưh kơ pơm kiơ̆ thoi nơ̆r mă Kră Yang 'Bok Kei-Dei ih đei wơh ih roi tơbăt kơ lu nhôn.

Je 42:5 ပူးပေါင်းရင်းမြစ်များ

Bl 31:50

Dah ih pơjuă pơđep lu kon drŏ-kăn inh păng dah chă akăn plơ̆ng dơ̆ng, athei kơchăng bĕ! Ưh kơ trŏ kon bơngai hmă đĕch ôh sek tơlang kơ bơ̆n mă-lei Kră Yang 'Bok Kei-Dei 'mơ̆i pơm kơdranh kơ ba.

Le 20:19

Kon pơlei khan kơ Môis: Apinh Ih jah pơma hăm lu nhôn na lu nhôn gô mơ̆ng 'nĕ ăn kơ Kră Yang 'Bok Kei-Dei pơma hăm lu nhôn, kơnh hli kơ lu nhôn lôch.

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Je 42:20

lu iĕm pơrơ̆ng pơprơ̆n wơh inh năm krao chă Kră Yang 'Bok Kei-Dei lu iĕm, khan: Krao apinh bĕ Kră Yang bơ̆n tơgŭm nhôn păng roi ăn kơ lu nhôn băt Kră Yang bơtho khan lu nhôn liơ; lu nhôn gô pơm kiơ̆.

Je 43:2

Asaria kon drŏ-nglo Hôsaia păng Jôhanan kon drŏ-nglo Karea păng đĭ-đăng lu bơngai drŏ-nglo pơang khan kơ Jêrêmi: “Ih hơlĕnh! Kră Yang 'Bok Kei-Dei lu nhôn ưh kơ đei layơ athei ih năm roi ăn kơ lu nhôn. ‘Lu iĕm 'nĕ kơ năm jur oei tơ dêh char Êyiptơ.’

Je 43:4

Thoi ei na, Jôhanan, kon drŏ-nglo Karea, lu yŏng pơgơ̆r linh păng đĭ-đăng lu kon pơlei ưh kơ chu kiơ̆ nơ̆r Kră Yang bơtho athei oei lăm char Juđa đĕch.”

Je 5:2

Mă lu sư khan: Tơpă thoi Kră Yang arih sĭt.” Noh kư̆m pơkă hơlĕnh.

Mi 1:2

Ơ đĭ-đăng kon pơlei, mơ̆ng bĕ! Ơ teh păng đĭ-đăng tơmam mă oei kơpal teh pơgling đon mơ̆ng! Apinh Kră Yang đơ̆ng anih 'lơ̆ng rơgoh Sư. Ăn kơ Kră Yang pơm kơdranh blah lu iĕm.

Malachi 2:14

Lu iĕm đei khan: “Yua kơ kiơ?” Yua kơ Kră Yang băt kơ măr iĕm ih hăm akăn ih mă iŏk oei đơ̆ng 'lơ̆p sơ̆, bơngai mă oei hơdai ih păng jing akăn ih đei pơgơ̆p hăm ih boih. Mă-lei ih kư̆m oei sa hơbĕch pơdăr hăm sư 'mơ̆i.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

Tơdrông Tơ'bôh 3:14

“Dang ei ih chih kơthơ pơtruh kơ kră wei-lăng hnam akŭm 'Bok Kei-Dei tơ Pơlei Laodisê thoi âu: “Âu boih 'Bok mă 'lơ̆ng tơpăt ling-lang, Sư pơma tơpăt ngăl tơpă. Sư boih mă 'Bok Kei-Dei yua đơ̆ng sơ̆ wă pơjing tôm tơdrong, Sư wă pơma kơ iĕm tơdrong âu:

Lu 11:10

Lu kră lăm char Gileat khan kơ Jeptha dơ̆ng: Lu nhôn gô pơm kiơ̆ thoi nơ̆r ih pơma; apinh Kră Yang pơm kơdranh kơ lu bơ̆n.

I Sam 12:5

Sư khan dơ̆ng: Kră Yang pơm kơdranh kơ iĕm; bơngai mă Sư tuh đak rơmă kư̆m pơm kơdranh kơ iĕm ưh kơ đei 'bôh kiơ lăm ti inh. Lu sư tơl: Hơpơi kơ Kră Yang pơm kơdranh kơ bơ̆n.

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.