Je 42:4 - Sơ̆p Hlabơar Nơ̆r 'Bok Kei-Dei

⁴ Jêrêmi bơngai khan lê̆ adrol tơl: “Inh kơtơ̆ng boih, 'nâu, inh gô krao apinh Kră Yang 'Bok Kei-Dei lu iĕm, wă kơ băt tơdrong kiơ Kră Yang bơtho khan, inh gô roi ăn kơ lu iĕm băt, ưh kơ đei ôn ôh.”

Je 42:4 ပူးပေါင်းရင်းမြစ်များ

Horiso 40:10

Inh ưh kơ đei ôn tơdrong tơpăt Ih lăm jơhngơ̆m inh, Inh roi tơbăt boih 'lơ̆ng tơpăt păng tơdrong Ih dŏng pơklaih, Inh ưh kơ đei ôn lăm năr akŭm tih gah tơdrong Ih 'mêm păng tơdrong Ih mơnat sĭt tơpă.

Le 8:29

Môis drơ̆ng khan: Inh gô krao khan apinh Kră Yang tơgŭm ih; dơning roi wŏng gô weh ataih đơ̆ng ih, đơ̆ng đĭch đam ih păng kon pơlei lu iĕm. Mă-lei apinh ih, 'Nĕ pă hơlĕnh kơ lu nhôn dơ̆ng, na ưh kơ ăn kon pơlei nhôn năm pơyơ̆r tơmam soi sơmah kơ Kră Yang nhôn.

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Je 23:35

'Nâu tơdrong lu iĕm gô pơma tơjet băl tơduă, bơngai âu jet bơngai to: ‘Kră Yang đei tơl thoi yơ?’ Dah ‘Đei bơtho khan tơdrong kiơ?’

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Êsêkiên 2:7

Ih athei khan nơ̆r Inh âu kơ lu sư, mă lu sư mơ̆ng dah ưh, yua kơ lu sư jing adrĕch adrung ayăt.

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

Rom 10:1

Ơ lu 'nhŏng oh, inh wă tơpă kơ lu bơngai Isơrael klaih đơ̆ng tơdrong yoch. Inh krao khan kơ 'Bok Kei-Dei apinh tơdrong noh ling-lang.

I Sam 12:23

Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.