Je 42:19 - Sơ̆p Hlabơar Nơ̆r 'Bok Kei-Dei

¹⁹ Kră Yang bơtho khan boih kơ lu iĕm, lu bơngai mă oei oei lăm dêh char Juđa: ‘'Nĕ kơ năm ôh tơ char Êyiptơ,’ lu iĕm băt boih năr 'nâu Inh đei roi tơbăt kơ lu iĕm,

Je 42:19 ပူးပေါင်းရင်းမြစ်များ

II Ho 24:19

Kră Yang wơh lu 'bok khan lê̆ adrol năm tơ lu sư, wă dui lu sư wih brŏk tơ Kră Yang; mă-lei lu sư ưh kơ wă mơ̆ng.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Êsai 21:12

Bơngai gak tơl khan: “Pơgê truh bơih kơmăng kư̆m truh mơ̆n. Mưh ih wă jet; jet bĕ, kơnh wơ̆t tơ âu dơ̆ng hŏ.”

Je 38:21

Mă-lei tơdah ih sơngah kuă kơ mơ̆t kiơ̆ ôh lu bơngai Kalđê, lei 'nâu boih tơdrong Kră Yang tơ'bôh kơ inh.

Êsêkiên 17:15

Mă-lei pơtao dêh âu blah plơ̆ pơtao, wơh athei bơngai năm tơ char Êyiptơ wă apinh aseh, linh tơblah tơgŭm. Lu bơngai pơm thoi noh hăm kĕ jei ưh? Hăm gơh klaih hlôi ưh? Pơm thoi noh, lu bơngai mă pơrăm nơ̆r pơgơ̆p hăm gơh klaih ưh?

Êsêkiên 2:5

Mă lu sư mơ̆ng dah ưh, yua kơ lu sư adrĕch adrung ayăt kơ Inh, lu sư kư̆m gô băt, lăm lu sư đei boih 'bok khan lê̆ adrol.

Êsêkiên 3:21

Mă-lei tơdah ih đei khan tơbăt kơ bơngai tơpăt bơih, 'nĕ pă pơm yoch, sư ưh pă pơm yoch, na gô arih, yua kơtơ̆ng nơ̆r ih khă, lei ih gơh klaih huay kơ jô̆.”

Jo 14:3

Liơ mă Kră Yang chông ba lu nhôn mơ̆t tơ lăm dêh char 'nâu wă ăn kơ lu nhôn lôch ngôi kơ đao gưm đe? Kon akăn lu nhôn jing tơmam đe plah tơgar iŏk đĕch. Hăm trŏ 'lơ̆ng hloh lu nhôn jah wih hơlơ̆k tơ char Êyiptơ hă?

Jang 2:40

Pêtrôs bơtho lơ tơdrong dơ̆ng hăm pơlung lu sư thoi âu: “Lu iĕm athei weh đơ̆ng adrĕch adrung bơngai pơm kơnê̆ 'nâu.”

Êphêsô 4:17

Âu inh wă bơtho kơ lu iĕm tơdrong 'Bok Kei-Dei, wă kơ iĕm mơ̆ng inh păng pơm kiơ̆ kơ nơ̆r inh pơma. Lu iĕm 'nĕ pă pơm thoi lu buăl iĕm mă ưh kơ lui. Lu sư tơchĕng kư̆ kă,

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Both 31:21

Lăp lu sư đei tơdrong pơmat-tat anat anot tơdrong kơnê̆ truh kơ lu sư, tơdrong hơri 'nâu gô roi tơbăt tơ'blŏk kơ lu sư, yua kơ tơdrong hơri 'nâu ưh kơ hiơt ôh, gô oei ling-lang lăm 'bơ̆r lu kon sâu lu sư. Inh băt lăm kơ̆l đon lu sư tơchĕng wă pơm hơmet boih, adrol kơ Inh wă chông ba lu sư mơ̆t lăm dêh char mă Inh đei pơkă wă ăn.

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.