Je 42:17 - Sơ̆p Hlabơar Nơ̆r 'Bok Kei-Dei

¹⁷ Đĭ-đăng lu bơngai mă wă năm tơ Êyiptơ oei tơ noh, gô lôch kơ đao gưm, pơngot rơwĕt, lôch hơbuh. Ưh kơ đei bu arih; kư̆m ưh kơ đei bu klaih đơ̆ng tơdrong răm mă Inh ăn.’ ”

Je 42:17 ပူးပေါင်းရင်းမြစ်များ

Je 24:10

Inh gô ăn kơ lu sư lôch kơ đao gưm, lôch kơ pơngot rơwĕt, lôch hơbuh, pơrăm pơlôch pơgoh lu sư đơ̆ng lăm teh mă Inh đei ăn kơ lu sư păng lu 'bok yă lu sư sơ̆.”

Je 38:2

“'Nâu Kră Yang khan: ‘Bơngai bu oei lăm pơlei âu gô lôch kơ đao gưm, pơngot rơwĕt dah lôch hơbuh. Mă-lei bơngai bu lĕch yơ̆r ti kơ lu bơngai Kalđê gô arih, sư gô pơklaih tơdrong arih sư.’ ”

Je 42:15

Ơ lu iĕm bơngai Juđa mă oei oei, mơ̆ng bĕ nơ̆r Kră Yang Tih Hloh 'Bok Kei-Dei Isơrael, khan: ‘Tơdah lu iĕm wă 'maih năm oei ngei tơ dêh char Êyiptơ,

Je 42:22

Na dang ei lu iĕm athei băt lu iĕm gô lôch kơ đao gưm, lôch kơ pơngot rơwĕt, lôch hơbuh, tơ lăm anih dêh char mă lu iĕm 'maih năm oei noh.

Je 44:28

Gô đei lăp tŏ sĕt bơngai đĕch gơh klaih kơ đao gưm, đơ̆ng dêh char Êyiptơ wih brŏk tơ teh đak Juđa. Kơplah noh đĭ-đăng lu bơngai Juđa mă oei oei mă jur năm oei tơ dêh char Êyiptơ, gô băt nơ̆r pơma bu sĭt, nơ̆r Inh dah nơ̆r lu sư.”

Êsêkiên 11:8

Lu iĕm hli kơ đao hơlă, na Inh gô ăn đao hơlă blah lu iĕm, Kră Yang Tih Hloh khan thoi noh.