Je 42:16 - Sơ̆p Hlabơar Nơ̆r 'Bok Kei-Dei

¹⁶ na đao gưm mă lu iĕm hli dêh gô druh tam lu iĕm lăm teh đak Êyiptơ, tơdrong pơngot rơwĕt mă lu iĕm hli tơtăm kư̆m druh kiơ̆ iĕm năm tơ Êyiptơ păng lu iĕm gô lôch tơ noh.

Je 42:16 ပူးပေါင်းရင်းမြစ်များ

Tơdrông Pơđơk 13:21

Tơdrong pơmat-tat druh lu bơngai yoch. Mă-lei bơngai tơpăt đei apah pŭn hiôk.

Je 27:8

“Tơdah khŭl bơngai ayơ, dêh char ayơ ưh kơ chu bơ̆jang kơ Nebukatnessar, pơtao Babilôn păng ưh kơ wă 'băk 'long ăt pơtao Babilôn tơ ako sư,” Kră Yang 'Bok Kei-Dei khan: “Na Inh gô yua đao gưm, pơngot rơwĕt, jĭ hơbuh, pơmat bơngai noh dĭng mă Inh ăn dêh char noh lăm ti pơtao Nebukatnessar pơrăm.

Je 41:18

Lu sư hli kơ bơngai Kalđê; yua kơ Ismael, kon drŏ-nglo Nethania, pơlôch boih Gêđalia, kon drŏ-nglo Ahikam, bơngai mă pơtao Babilôn pôk sư pơm yŏng pơgơ̆r dêh char.

Je 42:13

Lei tơdah lu iĕm ưh kơ wă chu nơ̆r Kră Yang 'Bok Kei-Dei lu iĕm, tơdah lu iĕm oei khan: ‘Lu nhôn ưh kơ wă oei lăm teh đak âu,

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Êsêkiên 11:8

Lu iĕm hli kơ đao hơlă, na Inh gô ăn đao hơlă blah lu iĕm, Kră Yang Tih Hloh khan thoi noh.

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Yo 11:48

Dah bơ̆n ưh kơ khă Sư lei đĭ-đăng kon pơlei pơla gô lui kơ Sư na pôk Sư pơm tih. Kơlih kơ thoi noh na lu bơngai Rôm gô hil na tŏk tơgar iŏk hnam akŭm tơm bơ̆n păng teh đak bơ̆n đĭ hloi.”

Both 28:15

Mă-lei tơdah iĕm ưh kơ chu mơ̆ng kiơ̆ nơ̆r Kră Yang 'Bok Kei-Dei iĕm, ưh kơ pơ'lơ̆ng pơm kiơ̆ dôm nơ̆r tơtă păng khôi juăt đơ̆ng Sư mă inh bơtho khan ăn kơ iĕm năr 'nâu, na 'nâu boih dôm tơdrong hiap pơtê̆ gô truh kơ iĕm, đei hloi:

Both 28:22

Kră Yang gô pơrăm iĕm hăm tơdrong jĭ dơsoh hiĕn-hiok, bơlŏ chĕp tơngiĕt, rơka rơkĕch, jĭ bơôr, tŏ, phang-ang, 'long pơlei 'nhĕt 'nhot kro đĭ phơ̆k phok dôm tơdrong noh druh kiơ̆ iĕm dĭng truh tơ iĕm lôch hiong đĭ.

Both 28:45

Đĭ-đăng dôm lu tơdrong hiap pơtê̆ 'nâu gô truh tơ iĕm druh tam iĕm, dĭng lu iĕm lôch hiong răm đĭ, yua kơ iĕm ưh kơ mơ̆ng kiơ̆ nơ̆r Kră Yang 'Bok Kei-Dei iĕm păng ưh kơ wei răk dôm lu nơ̆r tơtă păng khôi juăt mă Sư ăn boih kơ iĕm.