Je 42:11 - Sơ̆p Hlabơar Nơ̆r 'Bok Kei-Dei

¹¹ 'Nĕ kơ hli kơ pơtao Babilôn, bơngai mă lu iĕm oei hli.’ ” Kră Yang khan: “'Nĕ pă hli dơ̆ng, yua kơ Inh oei hơdai iĕm gô dŏng pơklaih iĕm đơ̆ng ti sư.

Je 42:11 ပူးပေါင်းရင်းမြစ်များ

II Pot 25:26

Na đĭ-đăng lu kon pơlei đơ̆ng 'lơ̆p truh tơ 'lŏ, păng lu 'bok kuan tih, iung jăk tơ dêh Êyiptơ; yua kơ lu sư hli lu bơngai Kalđê iung kơting.

Horiso 118:6

Kră Yang oei hơdai inh, inh ưh kơ đei hli kiơ; Kon bơngai gơh pơm kiơ kơ inh?

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Êsai 43:5

'Nĕ kơ hli ôh, yua kơ Inh oei hơdai iĕm. Inh gô chông adrĕch adrung iĕm đơ̆ng gah hơlĕch păng akŭm lu iĕm đơ̆ng gah bơmơ̆t.

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Je 15:20

Inh gô ăn kơ ih thoi dur pơgăn kon pơlei pơla âu. Dur kơjăp pơm păng kong; lu sư gô tơblah hăm ih, mă-lei ưh kơ kĕ jei lu sư ôh, Yua kơ Inh oei hơdai ih, wă kơ dŏng pơklaih ih, ăn kơ ih rơngei.” Noh Kră Yang khan.

Je 27:11

Mă-lei adrĕch bơngai ayơ chu 'băk 'long ăt pơtao Babilôn păng chu yom kơ pơtao noh, na: Inh gô ăn kơ lu sư oei kơtă lăm dêh char sư kơdih, wă kơ choh jang sa păng oei tơ noh.” Noh Kră Yang.

Je 27:12

Inh kư̆m roi ăn dôm nơ̆r noh kơ Sêđekia pơtao đe Juđa. “Mơ̆t bĕ ako ih lăm 'long ăt pơtao Babilôn, chu kơ sư păng kon pơlei sư, lei na iĕm gơh arih.

Je 27:17

'Nĕ pă mơ̆ng lu đe noh, chu jang bĕ kơ pơtao Babilôn wă kơ iĕm gơh arih. Liơ pơlei tih âu pơchah răm?

Je 41:18

Lu sư hli kơ bơngai Kalđê; yua kơ Ismael, kon drŏ-nglo Nethania, pơlôch boih Gêđalia, kon drŏ-nglo Ahikam, bơngai mă pơtao Babilôn pôk sư pơm yŏng pơgơ̆r dêh char.

Jo 14:9

Lăp kơ bơ̆n 'nĕ kơ hil blah Kră Yang; păng kư̆m 'nĕ kơ hli kơ lu kon pơlei lăm char noh, yua kơ lu sư jing thoi tơmam sa bơ̆n boih, ưh pă đei bu tơgŭm lu sư kĕ blah bơ̆n dơ̆ng păng 'nĕ pă hli Kră Yang oei gah bơ̆n.

Mathiơ 10:28

Iĕm 'nĕ hli kơ đe pơlôch akâu iĕm, mă-lei bơhngol iĕm sư ưh kơ gơh pơlôch ôh. Iĕm athei hli kơ 'Bok Kei-Dei đĕch, Sư gơh pơrăm akâu iĕm hăm bơhngol iĕm tơ dơnâu ŭnh.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Jang 18:10

Yua kơ Inh oei hơdai păng ih ling-lang ưh kơ đei bu gơh pơrăm ih ôh, yua kơ đei lơ bơngai lăm pơlei âu gô lui kơ Inh.”

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 20:4

Yua kơ Kră Yang 'Bok Kei-Dei lu iĕm gô năm hơdai hăm lu iĕm, tơblah lu ayăt dŏng lu iĕm păng ăn jei lu iĕm.

II Tim 4:17

Năr đe sek tơlang inh ei đei Kră Yang Yêsu Krist oei hăm inh. Sư tơdŏng inh, Sư ăn kơ inh jơhngơ̆m pran, na inh bơtho tơdrong 'nao 'lơ̆ng Sư kơ đĭ-đăng khŭl bơngai. Na đe wă klơ̆m inh tơ dăm-brang ră mă-lei Kră Yang Yêsu Krist tơdŏng inh.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.