Je 41:10 - Sơ̆p Hlabơar Nơ̆r 'Bok Kei-Dei

¹⁰ Ismael rôp pơđĭ kon bơngai mă oei arih lăm pơlei Mispa, lu kon drŏ-kăn pơtao păng lu kon pơlei mă oei lê̆ tơ lăm pơlei Mispa mă Nebusaradan yŏng pơgơ̆r lu linh gak pơtao jao boih kơ Gêđalia, kon drŏ-nglo Ahikam. Ismael kon drŏ-nglo Nethania, rôp lu bơngai noh chông ba, năm tơ gah char Ammôn.

Je 41:10 ပူးပေါင်းရင်းမြစ်များ

Ne 2:10

Mă-lei kơplah noh Sanhalat bơngai Hôrôn păng Tôbia đĭch đam Ammôn, băt tơdrong noh, na ưh kơ hiôk yua kơ đei bơngai truh wă chă tơgŭm lu kon pơlei Isơrael.

Ne 2:19

Sanbalat, bơngai Hôrôn, Tôbia đĭch đam Ammôn păng Gêsem bơngai Arâp kơtơ̆ng tơdrong jang 'nâu, na lu sư hiĕk che bơle kơ lu nhôn, lu sư khan: Lu iĕm pơm kiơ̆ lu iĕm wă blơ̆ pơtao hă?

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”

Je 38:23

Đĭ lu akăn tơm akăn kơnhŏng lu kon ih đe gô chông anhăk pơjao lu sư tơ bơngai Kalđê. Ih kư̆m ưh kơ gơh klaih đơ̆ng ti lu sư, đe gô jao ih kơ pơtao Babilôn na pơlei tih âu đe gô soh pơrăm.”

Je 39:6

Pơtao Babilôn pơlôch lu kon drŏ-nglo Sêđekia lăm pơlei Riblah, tơm măt Sêđekia; pơtao Babilôn kư̆m pơlôch đĭ-đăng lu yŏng kơdră adrĕch Juđa kiơ̆ kơ pơtao athei.

Je 40:14

khan kơ sư: “Ih hăm băt Baalis pơtao Ammôn wơh Ismael kon drŏ-nglo Nethania năm pơlôch ih?” Mă-lei Gêđalia, kon drŏ-nglo Ahikam, ưh kơ lui kơ nơ̆r lu sư.

Je 40:7

Đĭ-đăng lu linh păng lu yŏng linh sư mă oei tơ bri kông kơtơ̆ng 'bok pơtao Babilôn pôk ăn Gêđalia kon drŏ-nglo Ahikam pơm yŏng pơgơ̆r lăm char păng kư̆m kơtơ̆ng pơtao jao ăn kơ sư pơgơ̆r wei-lăng đĭ-đăng lu bơngai drŏ-nglo, lu drŏ-kăn, lu hơ'lơ̆p, lu bơngai dơnuh hloh mă đe oei lê̆ oei lăm char Juđa, ưh kơ chông ba pơm đĭch tơ char Babilôn.