Je 40:7 - Sơ̆p Hlabơar Nơ̆r 'Bok Kei-Dei

⁷ Đĭ-đăng lu linh păng lu yŏng linh sư mă oei tơ bri kông kơtơ̆ng 'bok pơtao Babilôn pôk ăn Gêđalia kon drŏ-nglo Ahikam pơm yŏng pơgơ̆r lăm char păng kư̆m kơtơ̆ng pơtao jao ăn kơ sư pơgơ̆r wei-lăng đĭ-đăng lu bơngai drŏ-nglo, lu drŏ-kăn, lu hơ'lơ̆p, lu bơngai dơnuh hloh mă đe oei lê̆ oei lăm char Juđa, ưh kơ chông ba pơm đĭch tơ char Babilôn.

Je 40:7 ပူးပေါင်းရင်းမြစ်များ

II Pot 25:12

Mă-lei yŏng linh lê̆ doh oei pă pôm lu bơngai dơnuh hin ngei ngei lăm char wă kơ lu sư pơtăm 'long hơmu păng jang chŭn mir.

II Pot 25:4

Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

Je 39:10

Nebusaradan, yŏng lu linh gak ưh kơ rôp ba ôh mơ'nah lăm lu kon pơlei dơnuh hin dêh, mir chŭn ưh kơ đei lê̆ lu sư oei kơtă lăm char Juđa, asong ăn kơ lu sư chŭn mir pơgar hơmu.

Je 39:14

Athei chă Jêrêmi ba sư lĕch đơ̆ng anih cham lu linh gak, jao Jêrêmi ăn kơ Gêđalia, kon drŏ-nglo Ahikam, sâu Saphan, wă kơ ba Jêrêmi năm tơ hnam sư. Sư oei hơdai hăm lu kon pơlei sư.

Je 39:4

Sêđekia, pơtao đe Juđa, hăm lu linh tơblah 'bôh tơdrong noh lu sư kơdâu lĕch đơ̆ng pơlei, kơmăng rok trong pơgar 'nhot pơtao, lĕch trong 'măng jang sơlam dur, lu sư yak tơpăt tơ Araba.

Je 39:9

Nebusaradan yŏng lu linh gak pơtao, athei rôp lu kon pơlei mă oei oei lăm pơlei păng lu bơngai lĕch yơ̆r ti kiơ̆ sư păng lu thơ̆ tuh hling, hơjơ̆m chông ba pơm bơnă tơ char Babilôn.

Je 41:1

Lăm khei tơpơh Ismael kon drŏ-nglo Nethania sâu Êlisama adrĕch pơtao, sư minh lăm lu yŏng pơgơ̆r linh pơtao, chông ba mơjĭt 'nu drŏ-nglo năm tơ Gêđalia kon drŏ-nglo Ahikam tơ pơlei Mispa. Kơplah lu sư oei sŏng sa hơdai tơ noh.

Je 41:10

Ismael rôp pơđĭ kon bơngai mă oei arih lăm pơlei Mispa, lu kon drŏ-kăn pơtao păng lu kon pơlei mă oei lê̆ tơ lăm pơlei Mispa mă Nebusaradan yŏng pơgơ̆r lu linh gak pơtao jao boih kơ Gêđalia, kon drŏ-nglo Ahikam. Ismael kon drŏ-nglo Nethania, rôp lu bơngai noh chông ba, năm tơ gah char Ammôn.

Je 41:11

Jôhanan, kon drŏ-nglo Karea hăm đĭ-đăng lu yŏng linh kiơ̆ sư kơtơ̆ng đĭ tơdrong kơnê̆ Ismael kon drŏ-nglo Nethania pơm boih.

Je 43:6

sư kư̆m chông ba lu drŏ-nglo, drŏ-kăn, lu kon hơ'lơ̆p păng kon adruh pơtao dôm lu bơngai mă Nebusaradan, bơngai yŏng lu linh gak, pơtao oei lê̆ lu sư oei hơdai Gêđalia, kon drŏ-nglo Ahikam sâu Saphan kư̆m đei Jêrêmi bơngai khan lê̆ adrol hăm Baruk kon drŏ-nglo Nêria.

Je 52:16

Mă-lei Nêbusar Adan, yŏng linh gak, pơtao oei lê̆ lăi lu bơngai dơnuh hin tơ lăm teh đak sư, wă kơ lu sư pơtăm wei-lăng mir hơmu păng jang mir 'ba.

Êsêkiên 45:16

Đĭ-đăng kon pơlei lăm char gô ăn tơmam soi pơyơ̆r 'nâu ăn kơ yŏng pơgơ̆r Isơrael.