Je 40:5 - Sơ̆p Hlabơar Nơ̆r 'Bok Kei-Dei

⁵ Jêrêmi oei tam mă drơ̆ng Nebusaradan khan dơ̆ng: “Dah ih wă brŏk oei hơdai hăm Gêđalia kon drŏ-nglo Ahikam sâu Saphan bơngai mă pơtao Babilôn pôk sư pơm yŏng lu pơlei lăm dêh char Juđa, oei hơdai bĕ hăm lu kon pơlei, dah wă năm oei tơ yơ, ih kư̆ năm tơ noh.” Đơ̆ng noh 'bok yŏng linh ăn kơ sư tơmam lăng jơ̆ng ti tơmam sa na lê̆ sư yak năm.

Je 40:5 ပူးပေါင်းရင်းမြစ်များ

II Pot 22:12

Đơ̆ng noh pơtao athei 'bok soi Hilkia păng Ahikam kon drŏ-nglo Saphan Akbôr kon drŏ-nglo Mikaia, Saphan bơngai chih hla bơar hăm Asaia đĭch đam sư, pơtao khan:

II Pot 22:14

Thoi noh, lu đe 'bok soi Hilkia, Ahikam, Akbôr, Saphan păng Asaia, lu sư năm tơ bơngai khan lê̆ adrol drŏ-kăn, anăn sư Hulda, akăn Sallum, bơngai wei ao kơ̆m giĕng, kon drŏ-nglo Tikwa, sâu Harhas; sư oei tơ lăm pơlei Jêrusalem, lăm tơring mă 'Bar, lu sư pơma dơnuh hăm duch ei,

II Ho 34:20

Pơtao athei Hilkia, Ahikam kon drŏ-nglo Saphan, Apđôn kon drŏ-nglo Mika. Saphan bơngai chih hla bơar păng Asaia bơngai kơiĕng pơtao khan:

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Esơra 7:6

Esơra âu sư wih brŏk đơ̆ng Babilôn. Sư jơ̆ minh 'nu bơngai bơtho hơgei hlôh kloh klĕch khôi juăt Môis, mă Kră Yang Kră Yang 'Bok Kei-Dei đe Isơrael đei chih roi. Yua kơ ti Kră Yang tơgŭm sư, thoi noh pơtao asong ăn dôm tơdrong sư apinh.

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Jop 22:29

Yua kơ Kră Yang 'Bok Kei-Dei gô tơjur lê̆ lu bơngai pơang na dŏng pơklaih bơngai iŏk đon ala.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Je 15:11

Kră Yang khan: “Tơpă Inh gô dŏng pơklaih ih 'măn kơ tơdrong jang kăl. Inh gô ăn kơ lu ayăt kơ ih năm lung ih, kơplah lu sư đei tơdrong răm truh pơmat-tat.

Je 26:24

Mă-lei Ahikam kon drŏ-nglo Saphan pơma dŏng Jêrêmi, na đe ưh kơ ăn kon pơlei pơlôch ôh.

Je 39:14

Athei chă Jêrêmi ba sư lĕch đơ̆ng anih cham lu linh gak, jao Jêrêmi ăn kơ Gêđalia, kon drŏ-nglo Ahikam, sâu Saphan, wă kơ ba Jêrêmi năm tơ hnam sư. Sư oei hơdai hăm lu kon pơlei sư.

Je 40:4

Dang ei inh plôh lê̆ glang đơ̆ng ti ih, tơdah ih wă năm hơdai nhôn tơ char Babilôn, năm bĕ inh gô wei-lăng ih. Tơdah ih ưh kơ wă năm tơ char Babilôn ưh kơ đei tơdrong kiơ lei lê̆. Ih lăng tơ dêh char âu oei 'bơ̆t anăp ih. Ih rơngei boih wă năm tơ yơ mơ̆ng kơ Ih wă.”

Je 41:1

Lăm khei tơpơh Ismael kon drŏ-nglo Nethania sâu Êlisama adrĕch pơtao, sư minh lăm lu yŏng pơgơ̆r linh pơtao, chông ba mơjĭt 'nu drŏ-nglo năm tơ Gêđalia kon drŏ-nglo Ahikam tơ pơlei Mispa. Kơplah lu sư oei sŏng sa hơdai tơ noh.

Je 41:18

Lu sư hli kơ bơngai Kalđê; yua kơ Ismael, kon drŏ-nglo Nethania, pơlôch boih Gêđalia, kon drŏ-nglo Ahikam, bơngai mă pơtao Babilôn pôk sư pơm yŏng pơgơ̆r dêh char.

Je 41:2

Ismael kon drŏ-nglo Nethania hăm lu mơjĭt 'nu kiơ̆ sư iung pơlôch Gêđalia kon drŏ-nglo Ahikam sâu Saphan hăm đao gưm, bơngai mă pơtao Babilôn pôk sư pơm yŏng pơgơ̆r dêh char Juđa.

Jang 27:3

Na năr dơning nhôn truh tơ Pơlei Siđôn. 'Bok yŏng linh, anăn sư Julus, mơnat kơ Pôl, na ăn kơ sư jur đơ̆ng thŏng-nan năm ngôi tơ lu buăl sư tơ pơlei ei. Julus kư̆m ăn kơ buăl Pôl tơgŭm Pôl lu tơdrong sư wă kăl.

Jang 27:43

Mă-lei 'bok yŏng linh ưh kơeng wă pơlôch Pôl, na păng ưh kơ ăn pơlôch đĭ-đăng bơngai phak. Mă hơdrol sư athei lu bơngai gơh glơi kơtah tơ đak glơi tŏk tơ kông.

Jang 28:10

Lu sư ăn kơ nhôn tơmam kư̆m lơ mơ̆n. Hơtai nhôn wă yak tŏk tơ thŏng-nan yak đơ̆ng ei dơ̆ng lu sư ăn kơ nhôn đĭ tơmam nhôn kăl wă yak.

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”