Je 40:10 - Sơ̆p Hlabơar Nơ̆r 'Bok Kei-Dei

¹⁰ Inh athei oei lăm pơlei Mispa, tang măt kơ lu iĕm chă pơma dơnuh hăm lu bơngai Kalđê dah lu sư truh tơ bơ̆n; gah lu iĕm gơh chă phĕ plei hơmu, plei đum bơyan phang păng plei ôliwơ, na hmĕt đak sư mong lăm ge, na oei bĕ lăm pơlei mă iĕm đei oei boih.”

Je 40:10 ပူးပေါင်းရင်းမြစ်များ

II Sam 16:1

Đawit 'nao tŏk hlôi kơ kơ̆l kông, na tơ'bơ̆p Siba, đĭch đam Mephibôset, năm sơng chông ba 'bar tŏ aseh iĕ tah an đei tơlei pơhơ̆p păng kơpal rŏng aseh chơ 'bar-hrĕng tơpei 'bĕng, minh-hrĕng hơchô̆ plei hơmu, minh-hrĕng tŏ 'bĕng iĕ plei hơra, păng minh pôm get hơkar 'bĕnh kơ sik hơmu.

I Pot 10:8

Pŭn hiôk tih tơpă kơ lu đĭch đam ih bơngai mă oei hơdai ih! Lu bơngai mă oei awih awăn 'bơ̆t anăp ih ling-lang păng kơtơ̆ng dôm tơdrong gơh hơgei ih.

Tơdrông Pơđơk 22:29

Ih hăm 'bôh ưh lu bơngai hơgei đei jang tơnăp? Sư gô dơ̆ng 'bơ̆t anăp lu pơtao sư ưh kơ dơ̆ng hơdai 'bơ̆t anăp lu bơngai hmă.

Tơdrông Pơđơk 27:25

'Nhĕt kro hiong đĭ, 'nhĕt hơdrih bluh plơ̆ng, 'Nhĕt 'nhot lăm bri kông đe phĕ broch akŭm.

Êsai 16:9

Na inh nhơ̆m ơh kư̆m thoi pơlei Jaser nhơ̆m ơh kơ 'long hơmu pơlei Sipma. Ơ pơlei Hesbôn păng plei Êlêaleh, inh gô ruh kơpal iĕm hăm đak măt, yua kơ bơyan iĕm phĕ plei đei nơ̆r jreo hiôk, păng bơyan yuă iĕm pă đei bơih.

Je 35:19

Thoi noh na Kră Yang 'Bok Kei-Dei bơngai Isơrael khan: ‘Adrĕch adrung Jônađap kon drŏ-nglo Rêkap gô đei ling-lang bơngai jang kơ Inh.’ ”

Je 39:10

Nebusaradan, yŏng lu linh gak ưh kơ rôp ba ôh mơ'nah lăm lu kon pơlei dơnuh hin dêh, mir chŭn ưh kơ đei lê̆ lu sư oei kơtă lăm char Juđa, asong ăn kơ lu sư chŭn mir pơgar hơmu.

Je 40:12

Lu bơngai Juđa 'nâu tơklah tơklang jơ̆p kơ dêh char wih brŏk tơ char Juđa, tơ Gêđalia tơ pơlei Mispa. Na lu sư phĕ mong plei hơmu plei 'long bơyan phang lơ dêh.

Je 40:6

Na Jêrêmi sư năm oei hơdai Gêđalia, kon drŏ-nglo Ahikam, tơ pơlei Mispa, oei hơdai hăm lu kon pơlei mă đe oei lê̆ lăm teh đak noh.

Je 43:5

Jôhanan, kon drŏ-nglo Karea păng đĭ-đăng lu yŏng linh chông hăm lu kon pơlei Juđa mă oei đei, mă 'nao wih đơ̆ng dêh char nai brŏk wih oei jang sa lăm dêh char Juđa,

Je 48:32

Ơ tơm hơmu Sipma! Inh nhơ̆m hmoi kơ ih hloh kơ inh đei nhơ̆m hmoi pơlei Jaser. Dơng ih prơng ataih truh tơ dơsĭ. Dĭng truh tơ pơlei Jaser; bơngai năm pơrăm plei 'long bơyan phang păng plei hơmu ih đum lăm bơyan.

Mi 7:1

Răm-'băm tơpă kơ inh! Yua kơ ih thoi plei bơyan phang đe phĕ iŏk boih. Thoi plei hơmu đe chă dônh pơpôi đêl đe phĕ boih, ưh kơ đei minh hơie hơmu ayơ wă sa, plei hơra blŭng-a mă jơhngơ̆m inh hơpơi wă kư̆m ưh kơ đei.

Luka 21:36

Thoi noh na iĕm athei kơchăng păng krao khan ling-lang wă kơ iĕm kĕ ĕnh dôm tơdrong noh na dơ̆ng 'bơ̆t anăp Inh Kon Bơngai ning-mônh.”

Both 1:38

Jôsuê kon drŏ-nglo Nun, jơ̆ đĭch đam ih, sư gơh mơ̆t tơ dêh noh; pơm bĕ kơ jơhngơ̆m sư kơjăp, yua kơ đơ̆ng sư gô ăn kơ kon pơlei Isơrael gơh đei iŏk dêh noh.

Both 16:13

Iĕm kĕch yuă iŏk 'ba păng phĕ plei hơmu đang boih, iĕm athei pơm giĕng Bơsŭn lăm tơpơh năr.