Je 4:9 - Sơ̆p Hlabơar Nơ̆r 'Bok Kei-Dei

⁹ Kră Yang khan: “Lăm năr noh. Lu pơtao păng lu kră pơgơ̆r jơhngơ̆m lu sư rŭng răng; lu 'bok soi hli tơrơ, lu bơngai khan lê̆ adrol gô kơmăp lăl.”

Je 4:9 ပူးပေါင်းရင်းမြစ်များ

II Pot 25:4

Kơplah noh, lu linh đe Kalđê bŏk dur pơlei minh pôm bơlôh kơplah kơmăng, pơtao Juđa păng đĭ-đăng lu linh kơdâu klĕnh trong 'măng jang sơlam 'bar pah dur, jê̆ pơgar pơtao. Mă khan kơplah noh lu linh đe Kalđê oei wang pơlei ră, na lu đe pơtao kơdâu klĕnh trong tơpăt tơklă Araba.

Horiso 102:4

Jơhngơ̆m inh đe pơjuă, jô kro thoi 'nhĕt. Dĭng inh mah hiơt kơ sŏng sa.

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Je 2:26

Kŭm thoi lu bơngai tơtông mưh đe rôp, mơlâu pă kĕ, na adrĕch Isơrael; mă pơtao mă yŏng pơgơ̆r, mă lu 'bok soi, mă lu bơngai khan lê̆ adrol kư̆m gô mơlâu thoi noh.

Je 25:34

“Ơ lu bơngai wei triu, nhơ̆m hmoi bĕ, ôr krao bĕ! Ơ tơ'ngla triu tơgrŏl pơpơ̆ bĕ yua kơ truh boih năr đe pơlôch lu iĕm, lu iĕm gô pơ̆k lôch thoi gŏ teh gĭt pơchah.

Je 37:19

Tơ yơ lu bơngai khan lê̆ adrol roi kơ ih khan: Pơtao Babilôn ưh kơ năm blah pơtao păng teh đak 'nâu?

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”

Je 52:7

Dur pơlei đe bŏk bơlih hlôh, Sêđekia 'bôh sư hăm lu linh sư kơdâu klĕnh kơmăng lĕch rok trong 'măng jang sơlam dur jê̆ pơgar pơkao pơtao; kơplah lu bơngai Kalđê oei wang pơlei, lu sư kơdâu lĕch yak klă tơ gah thŭng Arabah.

Jang 13:41

'Bok Kei-Dei khan: ‘Ơ lu iĕm bơngai che bơle kơ Inh, iĕm lăng, iĕm gô sơleng kơ đon, pă tam băt kơnh iĕm lôch. Inh pơm tơdrong mơsêh mơyang lăm chăl iĕm arih, đe gô roi kơ iĕm tơdrong noh, mă-lei iĕm ưh kơ wă lui.’ ”