Je 4:5 - Sơ̆p Hlabơar Nơ̆r 'Bok Kei-Dei

⁵ “Roi tơbăt bĕ tơ lăm dêh char Juđa păng lăm pơlei Jêrusalem khan: ‘Hlôm bĕ keng tơ jơ̆p lăm char.’ Krao ôr mă kơtang păng khan: ‘Akŭm băl bĕ. Bĕ bơ̆n năm mơ̆t tơ lăm lu pơlei kơjăp.’

Je 4:5 ပူးပေါင်းရင်းမြစ်များ

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Je 11:2

“Mơ̆ng bĕ lu nơ̆r tơdrong pơgơ̆p âu, khan bĕ kơ lu bơngai lăm char Juđa păng lu bơngai oei lăm pơlei Jêrusalem.

Je 35:11

Mă-lei tơdah Nebukatnessar pơtao Babilôn năm blah char nhôn, lu nhôn pơtơm băl: ‘Bĕ lu bơ̆n năm mơ̆t tơ pơlei tih Jêrusalem, wă klaih đơ̆ng lu linh bơngai Kalđê păng linh Aram.’ Lei na lu nhôn oei lăm pơlei Jêrusalem.”

Je 5:20

Tơbăt bĕ tơdrong 'nâu kơ adrĕch Jakôp. Tơbăt bĕ tơdrong 'nâu tơ lăm char Juđa.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Je 8:14

“Liơ lu bơ̆n hơ-oei tơ âu? Bĕ bơ̆n akŭm băl! Bĕ bơ̆n kơdâu ôn mơ̆t oei tơ lăm lu pơlei tih kơjăp noh păng lôch tơ noh, yua kơ Kră Yang 'Bok Kei-Dei pơkă wă pơlôch pơrăm bơ̆n! Sư ăn boih kơ bơ̆n nhă đak bơnhŭl yua kơ bơ̆n pơm yoch boih hăm Sư.

Je 9:12

Bơngai bu gơh hơgei kĕ băt hlôh kơ tơdrong 'nâu? Bơngai bu mă Kră Yang pơhrăm boih wă kơ sư tơblang tơdrong 'nâu? Liơ mă dêh char pơrăm đĭ jing juơ rơhiăng thoi lăm char glă, dĭng mah pă đei bơngai bu yak rok noh?

Êsêkiên 7:14

Mă lu sư hlôm keng boih păng tôm tơdrong hơmet lê̆ bơih, mă-lei ưh kơ đei bu lĕch năm tơblah yua kơ tơdrong Inh hil tuh tơ kơpal đĭ-đăng lu sư bơih.

Hôsia 8:1

Dan bĕ tơgiĕp 'bơ̆t 'bơ̆r ih! Lu ayăt thoi sem grơ̆ năm blah bơngai Kră Yang, yua kơ kon pơlei pơm glăi boih kơ đêl nơ̆r pơgơ̆p, păng pơm yoch kơ tơdrong juăt Inh.

Jôel 2:1

Hlôm bĕ keng tơ lăm pơlei Siôn, hlôm tơgiĕp krao bĕ wă kơ đe kơchăng tơ kông rơgoh Inh! Đĭ-đăng kon pơlei hli tơtơ̆ bĕ, yua kơ wă jê̆ truh năr Kră Yang wă phak. Tơpă năr Kră Yang wă jê̆ truh.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Jo 10:2

Pơm bĕ 'bar tŏ keng hu; ih hơjơ̆m sư, na ih gô yua hlôm sư 'bơ̆t năr wă krao akŭm dah roi tơbăt wă yak năm.

Jo 10:3

Tơdah đe hlôm yua pơđĭ 'bar tŏ keng lei đĭ-đăng lu bơngai năm akŭm tơ ih 'bơ̆t 'măng Bơsŭn Anih Akŭm,

Jôsuê 10:20

Thoi noh Jôsuê păng kon pơlei Isơrael blah pơlôch lơ tơpă mah wă goh, lu bơngai mă oei klaih, chă kơdâu ôn tơ lăm lu pơlei kơjăp.